2 Kiinoo 33:9 - Kafa Linguistics Project

⁹ Doono Yeeri Israꞌeeleenaꞌo aafoochee yookkii aalliiti aageteenaꞌo shuunetoyee beshe wodde gonde mooyon boonoshi shuunemmoyich, Minaasi Yihudee asheenaꞌonaa Yerusaalemi asheenaꞌonon muriciihe.

2 Kiinoo 33:9 ပူးပေါင်းရင်းမြစ်များ

1 Taateenaꞌo 14:16

Yeroboꞌami shuuneti axaaxoonaa Israꞌeeleenaꞌon bi shuuniiti axaaxoonoyich, Israꞌeeleenaꞌon qajjemmone” iye.

1 Taateenaꞌo 15:26

Bi nihoo shuuneti axaaxoonaa Israꞌeeleenaꞌon bi shuuniiti axaaxoonon dabboona, Doono Yeeri aafooch gonde mooyon shuunehe.

2 Taateenaꞌo 21:16

Minaasi Yihudee asheenaꞌon axaaxoo bi shuuniitaa Doono Yeeri aafooch gonde mooyon boonoshi shuunetoyee baroo wotta, dofee xalle ashi damoon ukkoona Yerusaalemin hachi gocoochee okki gocooch beddaahaa, tajjitone.

2 Taateenaꞌo 23:26

Tunebaani Yihudee taatoo Minaasi biin ippiyoyich tuniiti gonde mooyo bullichi naboona Yihudee showee toommooch cufiti, Doono Yeerichi shattiiti kaaro aqqeyaanoone.

2 Kiinoo 28:19

Yihudee taatoo Akaazi gonde mooyon Yihudee showooch bi ceechoona Doono Yeerich gibeneyoon bi qajjitoyich, Doono Yeeri Yihudee showoon giishiihe.

2 Kiinoo 33:10

Doono Yeeri Minaasinaa bi asheenaꞌonoyich bi gettitaanona, waayemmon qajjiyeete.

2 Kiinoo 33:2

Doono Yeeri Israꞌeeleenaꞌo aafoochee yookkii aalliiti aageteenaꞌochi, ciigiiti doyoon dabboona Doono Yeeri aafooch gonde mooyon tuniihe.

Shaahiyoo 29:12

Iraashoo koote mooyon elleebeeto bi tunegaata, bi naayinaꞌo bulli gondeenaꞌo tunemminaꞌone.

Hiziqeeli 5:7

Ebich Nuggishoo Doono Yeeri ishichiye: “Ittoshi guudoona beeti aageteenaꞌoyee beshe hukkecho tuneto ittoshine; ta qociyoon dabbaano ittoshine; ta getoyichoo deꞌa getaano ittoshine; ittoshi guudoona beeti aageteenaꞌochoommonolla quyeyaano ittoshine” iye.

Leweenaꞌo 18:24

“ ‘Ebi mooyoochee ikkoonolla ittoshi qelloon eeꞌiyaahote. Ittoshi aafoochee yookkaa ta kichaabeeti aageteenaꞌo bulli ebina boonoshi qelloon eeꞌiitinaꞌone.

Mikiyaasi 6:16

Ebiyoo, taatoo Omiri, bi bushoo Akaabinaa bi yareenaꞌonochi qociyoon dabboona boonoshi shuunetoommi axaaxoon ittoshi shuunetoyichiye. Boonoshi dojjiti doyoon yechito ittoshine. Ebich ittoshin aalliyemmo taane; cooniishoo gettemmo taane. Aagetee asho bulli ittoshin hoxemmone” iye.

Yibbaatoo 2:21

Zumizumeenaꞌo giidechinaꞌo, meetinaꞌonaa Anaaqeenaꞌochoommon neex genjeenaꞌonane. Tunebaani Doono Yeeri boonoshin aalliihe. Amooneenaꞌo boonoshin yookkii kichiichii, boonoshi showooch koteheete.

Yaasi 24:8

Yoordaanoosi aacoochaa aabi-keyo waan beeti Amooreenaꞌo showooch ittoshin daammoye. Boonoshiyoo ittoshina koyeheete. Tunebaani ta, ittoshi kishooch boonoshin beshiyaꞌa immehoye; ittoshi aafoochee boonoshin aalliihoye. Ittoshiyoo boonoshi showoon hajjiyote.