2 Kiinoo 33:7 - Kafa Linguistics Project

^7-8 Yeeri Daawitinaa bi bushoo Solomooninoyich, “Hini yaafee kexo, hini Yerusaalemi, Israꞌeelee yoodeenaꞌo showoo bulliichee ta shigo bulli yemeenoon bi beeyemmoyich, ta kaacceti xaaꞌoone. Israꞌeeleenaꞌo boonoshich ta getteti mooyo bullin boonoshi quyegaata, ta guuno Muusi boonoshich gettiti sheeroo bullin, qociyoonaa doyoonon boonoshi ceechi gaatoo, boonoshi qaabbechinaꞌoyich ta immeti hini showoochee boonoshi baatoon boonoshi waaxxemmoyich tuniyaachemmo taane” iꞌi bi gettiti yaafee kexooch, bi shuuneti shahalloon deebii neechiye.

2 Kiinoo 33:7 ပူးပေါင်းရင်းမြစ်များ

1 Taateenaꞌo 11:13

Tunebaani ta guuno Daawitinaa ta kaacceti Yerusaaleminoyicha getiree, taatittino bullin bogaachemmo taane. Ne bushoyich ikke yoodoon immemmo taane” iye.

1 Taateenaꞌo 11:32

Tunebaani ta guuno Daawitinaa Israꞌeelee asho bulli daggoochee ta kaacceti Yerusaaleminoyicha getaa, ikke yoodo biich echemmone.

1 Taateenaꞌo 12:28

Taatoo ebin asheenaꞌona tookkii bi boyeetoyee gubb, gutte maanji misiloon aachoochee shuuneꞌi asheenaꞌoyich, “Israꞌeeleenaꞌote, damba Yerusaalem ebichi wottoon ittoshi hammito beddiye. Gibitsee ittoshin kichiti nuggisheenaꞌo hinoshine” iye.

1 Taateenaꞌo 8:29

‘Arooch ta shigo beeyemmone’ ne iti, hini kexon xumoonaa areddoonon manjii ciine; ne guuno ta hini xaaꞌoochaa ta corootaabeeti corootoon elle waayebe.

1 Taateenaꞌo 8:44

“Ne asheenaꞌo boonoshi etteenaꞌon kochemmoyich ne daachiitaa, gino aabiichona hammiichii, ne kaacceti katemoonaa neech ta haggeti kexona waan wotteechii Doono Yeeri ne waan boonoshi corootigaata,

1 Taateenaꞌo 8:48

boonoshin keccii daammiti etteenaꞌo showooch beechii, ceeni boonoshi mulloonaa ceeni boonoshi gaboona ne waan boonoshi wottegaata, boonoshi qaabbechinaꞌoyich ne immeti boonoshi showoo waan, ne kaacceti katemoo waan, neech ta haggeti kexo waan wotteechii boonoshi corootigaata,

1 Taateenaꞌo 9:3

Doono Yeeriyoo biich ishichiye: “Ta aafooch ne giddiiti corootoonaa qolloonon waayeto taane. Ta shigo arooch bulli yemeenoon bi beeyemmoyich ne shuuneti hini kexon yaafito taane. Ta mulloonaa ta aafoona bulli yemeenoon arooch tunemmone.

2 Taateenaꞌo 23:6

Nuggishee Asheeri misiloon Doono Yeerichi yaafee kexoochee waaxxii, katemoochee kichii, Qedirooni bambooch daammiꞌi michiye; buttee qaddochii qacichiꞌi, asheenaꞌochi maashee toommooch shakkiye.

2 Kiinoo 33:15

Biyoo dallaawe nuggisheenaꞌonaa shahalloonon Doono Yeerichi yaafee kexoochee kichiye. Doono Yeerichi yaafee kexo beeti geppoonaa Yerusaaleminooch bi shuuneti deejjee gudo bullin katemoyee maach daammiꞌi duppiye.

2 Kiinoo 33:4

Doono Yeeri, “Ta shigo Yerusaalem bulli yemeenoon bi beeyemmoyich tuniyemmo taane” bi iti, Doono Yeerichi yaafee kechi daggooch aageteenaꞌochi nuggisheenaꞌoyich deejjee gudeenaꞌon shuunehe.

2 Kiinoo 7:16

Andoo ta shigo aroochaa bulli yemeenoon bi ceekkemmoyich, hini yaafee kexon kaacceto taane; yaafiyanoo ito taane. Ta aafoonaa ta mulloona bulli aabooch arooch tunemmone.

Shoddo 78:68

Tunebaani Yihudi yoodoon, bi shunniibeeti Tsiyooni guudon, kaacciye.

Keyo 20:4

“Damba shimaayooch, desh showooch, showoyee deshi aacoochoo beeti mooyoochee amee shaahoonona shuuneeti shahalloon neech shuuneyaahine.

Erimiyaasi 7:30

“Yihudee asheenaꞌo ta aafooch gonde mooyon tuniitinaꞌone, iye Doono Yeeri. Ta shigo ceekketi kexon eeꞌiyoyich boonoshi ciigiiti mooyon arooch kotiitinaꞌone.

Woraaferasheenaꞌo 17:3

Biyoo ebi gijjoon bi indeech wochiye. Bi indeyoo “Hini gijjoon qiicaa shuuneeti shahalloonaa qaaqqooch wociitaa shuuneeti shahalloona shuuneyemmoyich, ta bushoo qoodoon Doono Yeerich immemmi taane. Andoo ebi gijjoon neech wochiree immemmi taane” iyan.