2 Kiinoo 33:4 - Kafa Linguistics Project

⁴ Doono Yeeri, “Ta shigo Yerusaalem bulli yemeenoon bi beeyemmoyich tuniyemmo taane” bi iti, Doono Yeerichi yaafee kechi daggooch aageteenaꞌochi nuggisheenaꞌoyich deejjee gudeenaꞌon shuunehe.

2 Kiinoo 33:4 ပူးပေါင်းရင်းမြစ်များ

2 Saameeli 7:13

Taach kexon haggemmo, biine. Bi taatittinee qeenonoo bulli yemeenoon manjiyemmo taane.

1 Taateenaꞌo 8:29

‘Arooch ta shigo beeyemmone’ ne iti, hini kexon xumoonaa areddoonon manjii ciine; ne guuno ta hini xaaꞌoochaa ta corootaabeeti corootoon elle waayebe.

1 Taateenaꞌo 9:3

Doono Yeeriyoo biich ishichiye: “Ta aafooch ne giddiiti corootoonaa qolloonon waayeto taane. Ta shigo arooch bulli yemeenoon bi beeyemmoyich ne shuuneti hini kexon yaafito taane. Ta mulloonaa ta aafoona bulli yemeenoon arooch tunemmone.

2 Taateenaꞌo 16:11

Qeeshoo Uuriyiyoo taatoo Akaazi Damaasiqee biich bi deejjiti misiloommon deejjee gudoon shuunehe. Taatoo Akaazi wottoyee shiichiꞌi qanniihe.

2 Taateenaꞌo 16:16

Qeeshoo Uuriyi taatoo Akaazi biich gettito bulliyoommon tuniihe.

2 Kiinoo 28:24

Akaazi Yeerichi yaafee kechi qiico bullin kiciꞌi daammii tiichiye. Doono Yeerichi yaafee kechi kelloonoo hicciye. Yerusaalem, xaaꞌoo bulliich deejjee gudoon shuunehe.

2 Kiinoo 32:19

Boonoshiyoo ashi kishoona shuuneeti, aageteenaꞌochi nuggisheenaꞌo toommooch boonoshi yibbaatetoommon, Yerusaalemi Nuggishoo toommooch yibbaateheete.

2 Kiinoo 33:15

Biyoo dallaawe nuggisheenaꞌonaa shahalloonon Doono Yeerichi yaafee kexoochee kichiye. Doono Yeerichi yaafee kexo beeti geppoonaa Yerusaaleminooch bi shuuneti deejjee gudo bullin katemoyee maach daammiꞌi duppiye.

2 Kiinoo 33:7

Yeeri Daawitinaa bi bushoo Solomooninoyich, “Hini yaafee kexo, hini Yerusaalemi, Israꞌeelee yoodeenaꞌo showoo bulliichee ta shigo bulli yemeenoon bi beeyemmoyich, ta kaacceti xaaꞌoone. Israꞌeeleenaꞌo boonoshich ta getteti mooyo bullin boonoshi quyegaata, ta guuno Muusi boonoshich gettiti sheeroo bullin, qociyoonaa doyoonon boonoshi ceechi gaatoo, boonoshi qaabbechinaꞌoyich ta immeti hini showoochee boonoshi baatoon boonoshi waaxxemmoyich tuniyaachemmo taane” iꞌi bi gettiti yaafee kexooch, bi shuuneti shahalloon deebii neechiye.

2 Kiinoo 34:11

Yihudee taateenaꞌo cikkii qayaa tiisheti kexinaꞌon shuunoyich xaqqoonaa mixonon boonoshi kememmoyich anaaxeenaꞌonaa gimbeyneenaꞌonoyich gijjoon immiyeete.

2 Kiinoo 7:16

Andoo ta shigo aroochaa bulli yemeenoon bi ceekkemmoyich, hini yaafee kexon kaacceto taane; yaafiyanoo ito taane. Ta aafoonaa ta mulloona bulli aabooch arooch tunemmone.

Erimiyaasi 7:30

“Yihudee asheenaꞌo ta aafooch gonde mooyon tuniitinaꞌone, iye Doono Yeeri. Ta shigo ceekketi kexon eeꞌiyoyich boonoshi ciigiiti mooyon arooch kotiitinaꞌone.

Yibbaatoo 12:11

Ittoshi Nuggishoo Doono Yeeri biich ittoshi goyinnemmoyich bi kaaccemmi are xaaꞌooch, ittoshich ta getteti mooyinaꞌo bullin deebote. Ebiyoo micciibeeti ittoshi deejjoonaa bare ittoshi deejjoonon, ittoshi danee beetoochee kechiibeeti asraatoonaa ittoshi wojjoonon, Doono Yeerich ittoshi mookketi tiikkeshoonoonane.