2 Kiinoo 33:3 - Kafa Linguistics Project

³ Bi nihoo Hiziqiyaasi happii aalliiti, guudi toommeexi goyinnee xaaꞌeenaꞌon wochinnoon shuunehe; Baꞌaaloyich deejjee gudeenaꞌon shuunehe; nuggishee Asheeri misileenaꞌon neechiye; shimaajji xojjeno bullichoo goyinnee maddehe.

2 Kiinoo 33:3 ပူးပေါင်းရင်းမြစ်များ

1 Taateenaꞌo 14:23

Boonoshiyoo guudi toommo bullinaa waajjechi michi baatoo bullinooch goyinnee xaaꞌeenaꞌon, goyinnee xaqqee giimbeenaꞌonaa Asheeri misileenaꞌonon shuuneheete.

2 Taateenaꞌo 18:4

Guudi toommeexi goyinnee xaaꞌeenaꞌon happii aalliihe; goyinnee xaqqee giimbeenaꞌonoo tiichiye; nuggishee Asheeri misiloon kuxxii duppiye. Arooba beddaahaa Israꞌeeleenaꞌo ixaanoon aroyich shookkii boonoshi beetoyich, Muusi gooshoochee shuuneti, Nehushitaani getteebeeti dingeree misiloonoo tiichiye.

2 Taateenaꞌo 21:3

Bi nihoo Hiziqiyaasi happii aalliiti, guudi toommeexi goyinnee xaaꞌeenaꞌon wochinnoon shuunehe. Israꞌeelee taatoo Akaabi tuniitoommon, Baꞌaaloyich deejjee gudoon shuunehe; nuggishee Asheeri misiloonoo neechiye; shimaajji xojjeno bullichoo goyinnee maddehe.

2 Taateenaꞌo 23:11

Yihudee taateenaꞌo Doono Yeerichi yaafee kexooch giyeebeeti kelloochaa aabeyich goyinnoyich boonoshi kichiti haresheenaꞌon aroochee tiijjiye. Ebi haresheenaꞌo beeto, ukkiroo Naataan Meleeki kechi gaꞌooch beeti addibaaboochiye. Aroocheenoo Yosiyaasi aabeyich kechiti gaarinaꞌon qaaqqoona michiye.

2 Taateenaꞌo 23:4

Aroochee Yosiyaasi qeeshee guudo Hiliqiyin, biyee desheenaꞌo tuneti qeesheenaꞌonaa yaafee kechi kelloon quyeebeeti kellechinaꞌonon ceeggiꞌi, Baꞌaaloyich, nuggishee Asheerinaa shimaajji xojjeno bullinochi maddooch heechiibeeti qiico bullin yaafee kexoochee boonoshi kichemmoyich gettiye. Aroochee taatoo ebi qiiceenaꞌo bullin Yerusaalemiyee maach beeti Qedirooni bambee gaddoochaa qaaqqoona michiꞌi bi tulloon Beeteel daammiye.

2 Kiinoo 28:24

Akaazi Yeerichi yaafee kechi qiico bullin kiciꞌi daammii tiichiye. Doono Yeerichi yaafee kechi kelloonoo hicciye. Yerusaalem, xaaꞌoo bulliich deejjee gudoon shuunehe.

2 Kiinoo 30:14

Boonoshiyoo Yerusaalem beeti deejjee gudeenaꞌonaa ixaano shookkeebeeti gudeenaꞌo bullinon happiꞌi, Qedirooni bambooch daammii duppiyeete.

2 Kiinoo 31:1

Ebi bulli tunetoyee gubb, arooch beeti Israꞌeeleenaꞌo Yihudee showooch beeti katemeenaꞌooch hammiꞌi, bullinolla boonoshi aalliimmi wottoon goyinnee xaqqee giimbeenaꞌon tiichiyeete; Asheeri misiloon kuxxiyeete. Yihudichi, Biiniyaamichi, Efreeminaa Minaasinochi showooch beeti guudi toommeexi goyinnee xaaꞌeenaꞌonaa deejjee gudeenaꞌonon happiyeete. Ebiyee gubb, Israꞌeeleenaꞌo boonoshi katemeenaꞌooch, boonoshi kexi kexooch wotteheete.

2 Kiinoo 32:12

Yihudee asheenaꞌonaa Yerusaalemi asheenaꞌonoyich, “Ikke deejjee gudooch baach ixaanoon shoohibee aroochaa goyinnebote” getona bi Nuggishoochi guudi toommeexi goyinnee xaaꞌeenaꞌonaa deejjee gudeenaꞌonon happii aalliito, Hiziqiyaasi toone?

2 Kiinoo 33:15

Biyoo dallaawe nuggisheenaꞌonaa shahalloonon Doono Yeerichi yaafee kexoochee kichiye. Doono Yeerichi yaafee kexo beeti geppoonaa Yerusaaleminooch bi shuuneti deejjee gudo bullin katemoyee maach daammiꞌi duppiye.

2 Kiinoo 33:19

Wotta bi corooto, Doono Yeeri bi qolloon waayo, bi axaaxoo bullinaa gibeneyee bi qayona, bi qelloon bi giishiyoyee aaf bi shuuniiti geppee toommeexi goyinnee xaaꞌeenaꞌo, Asheeri misileenaꞌon bi neechiti xaaꞌoonaa shahalleenaꞌon bi neechiti xaaꞌoona yaaꞌechinaꞌochi kiinee macaafooch kooreetone.

2 Kiinoo 34:25

Boonoshi taan qajjiichii bare nuggisheenaꞌoyich ixaanoon shookkitinaꞌone; boonoshi kishoona boonoshi shuuneti, nuggisheenaꞌona taan ippiitinaꞌone. Ebich ta kaaree shiixxoo hini xaaꞌooch kindi aaxxeshalli bi gettemmo, aqqeyaachemmone’ getote.

Keyo 34:13

Boonoshi deejjee gudoon happibote. Boonoshi goyinneebeeti xaqqee giimbeenaꞌon tiishi buricote. Boonoshi nuggishee Asheeri misileenaꞌon kuxi dichibote.

Dojjecho 2:19

Ebi asho mullecho woyee mullaallo bi tunoon koni ariihe? Tunebaani hini showee toommoochaa ta aajjetonaa ta shalligoona ta daneto bullinochi toommooch doonjemmo biine; ebiyoo wotta duuboone.

Dojjecho 9:18

Ginee qiicoyee shalligoo beshiye; axaaxechi ikke asho meeti gaawe mooyon aalliyoon hakkiye.

Erimiyaasi 17:2

Boonoshiyoo waajjechi michi baatoonaa genje geppeenaꞌochi toommonooch beeti boonoshi deejjee gudeenaꞌonaa Asheeri misiloona beetoochaa goyinnemminaꞌone.

Erimiyaasi 19:13

Yerusaalemi katemeexi kexinaꞌonaa Yihudee taateenaꞌo kexinaꞌona, boonoshi kechi toommeexi kexinaꞌoochaa shimaajji xojjeneenaꞌo bullich boonoshi deejjiti, bare nuggisheenaꞌoyich uyee buuroon boonoshi ukkiti kexinaꞌo bulliyoo Tofeeti xaaꞌoochoommon eeꞌeenaꞌo tunemminaꞌone’ itone gete” iye.

Erimiyaasi 7:30

“Yihudee asheenaꞌo ta aafooch gonde mooyon tuniitinaꞌone, iye Doono Yeeri. Ta shigo ceekketi kexon eeꞌiyoyich boonoshi ciigiiti mooyon arooch kotiitinaꞌone.

Erimiyaasi 8:2

Boonoshi shunnii maddeti, boonoshi qaawii dabbiti, goyinneenoo iti aabeenaa ageneenochi, wotta shimaajji xojjeneenaꞌo aafooch boonoshin yachemminaꞌone; boonoshi shaawusho ikkooch kicaa duukkeyaachemmone; showee toommooch guudoochoommon qixeyemminaꞌone.

Sofoniyaasi 1:5

Kechi toommooch kechiichii aabeyich, ageneenaa xojjenoonoyich goyinnee beetinaꞌon aalliyemmo taane. Doono Yeeri taach goyinnee ta shigoona wogeechii, hammii Milikoomi getteebeeti nuggishoochi shigoona wogee beetinaꞌonoo aalliyemmo taane.

Mishiraachechinaꞌo 7:42

Ebich Yeeri boonoshin qajjiye; shimaajji xojjeneenaꞌoyich boonoshi goyinnemmoyich beshiiꞌi boonoshin immiye. Keemechinaꞌochi macaafooch bi kooreetoommon, ‘Yeeri “Hini Israꞌeeleenaꞌote! Aabbe naton barahooch ittoshi beehooba, deejjoonaa buuroonon ittoshi giddiito taachiye?

Yibbaatoo 16:21

“Ne Nuggishoo Doono Yeerich deejjee gudoon ne shuunaa beegaata, bi gaꞌooch mixoochee shuuneeti, nuggishee Asheeri misiloon neechiyaahine.

Yibbaatoo 4:19

Damba shimaayooch ciiniree, aabeen, ageneenaa xojjenoonoyich ne goyinne maddemmoyich ne mullo neen bi geechaachemmoyich, ne qelloon ariibe! Ne Nuggishoo Doono Yeeri eboshich boonoshi goyinne maddemmoyich showee toommo bulliich beeti asheenaꞌon beshiiꞌi immitone.