2 Kiinoo 33:18 - Kafa Linguistics Project

¹⁸ Minaasi shuuneti eche shuunoo, bi Nuggishoo waan bi corootiti corooto, Israꞌeelee Nuggishoo Doono Yeerichi shigoona biich boonoshi gettiti yaaꞌechinaꞌochi qaaro Israꞌeelee taateenaꞌo kiinee macaafooch kooreetone.

2 Kiinoo 33:18 ပူးပေါင်းရင်းမြစ်များ

1 Taateenaꞌo 11:41

Solomooni shuuneti eche shuunoo, bi tuniiti mooyo bullinaa bi ariyoona Solomoonichi kiinee macaafooch kooreetone.

1 Taateenaꞌo 14:19

Yeroboꞌami shuuneti eche shuunoo, aabichiꞌi bi koyeto gaata, aabichiꞌi bi qeejjito gaata, Israꞌeelee taateenaꞌo kiinee macaafooch kooreetone.

1 Taateenaꞌo 15:31

Nadaabi shuuneti eche shuunoonaa bi tuniiti mooyo bullina Israꞌeelee taateenaꞌo kiinee macaafooch kooreetone.

2 Taateenaꞌo 17:13

Doono Yeeri, “Gonde ittoshi gommoochee wottebote. Ittoshi qaabbechinaꞌoyich ta getteti sheeroo bulliyoommon, keemechi ta guuninaꞌona ittoshich ta deejjiti ta getoonaa ta qociyoonon quyebote” iꞌi bi wocheyechinaꞌo bullinaa bi keemechinaꞌo bullina Israꞌeeleenaꞌonaa Yihudee asheenaꞌonoyich kupphiiꞌi gettitone.

2 Kiinoo 20:34

Yoshafaaxi shuuneti eche shuunoo batti battichoochee tiijjii ciireexooch beddaahaa, Israꞌeelee taateenaꞌochi macaafooch beeti, Hanaani bushoo Yehichi kiinooch kooreetone.

2 Kiinoo 21:2

Yoshafaaxi bushoo Yehoraamich, Azariyaasi, Yehiꞌeeli, Zakaariyaasi, Ezariyasi, Mikaꞌeelinaa Shefaxiyina getteebeeti maneenaꞌo beetinaꞌone. Eboshi bulli Yihudee taatoo Yoshafaaxi bushiisheenaꞌone.

2 Kiinoo 32:32

Hiziqiyaasi shuuneti eche shuunoonaa bi tuniiti gaawe mooyona Amootsi bushoo keemechi Isiyaasichi yaaꞌooch, ebiyoommon wotta Yihudee taateenaꞌonaa Israꞌeelee taateenaꞌonochi kiinee macaafooch kooreetone.

2 Kiinoo 33:10

Doono Yeeri Minaasinaa bi asheenaꞌonoyich bi gettitaanona, waayemmon qajjiyeete.

2 Kiinoo 33:19

Wotta bi corooto, Doono Yeeri bi qolloon waayo, bi axaaxoo bullinaa gibeneyee bi qayona, bi qelloon bi giishiyoyee aaf bi shuuniiti geppee toommeexi goyinnee xaaꞌeenaꞌo, Asheeri misileenaꞌon bi neechiti xaaꞌoonaa shahalleenaꞌon bi neechiti xaaꞌoona yaaꞌechinaꞌochi kiinee macaafooch kooreetone.

Isiyaasi 29:10

Doono Yeeri tokketee ayaanoon ittoshi toommooch minjitone; keemechinaꞌo aafoon kaappitone; yaaꞌoon beeggii beetinaꞌochi qelloon oppetone.

Isiyaasi 30:10

Boonoshiyoo yaaꞌee beeggechinaꞌon “Yaaꞌoon beeggaahote” iyeete; keemechinaꞌonoo “Ibere mooyon nooch keemmaahote; kootolla bi tunetaa, noon emirikkiibeeti mooyon baach nooch getote.

Amootsi 7:12

Aroochee Amasiyaasi Amootsich ishichiye: “Yaaꞌechocho, Yihudee showooch tiyi hamiree, aroochaa keembe; ne maayemmonoo boonoshi waanee danebe!

Mikiyaasi 3:7

Doono Yeeri boonoshich mooyon gaxxaachemmo bi tunetoyich, yaaꞌechinaꞌo giishemminaꞌone; keemoon keemmechinaꞌoo yeellemminaꞌone. Boonoshi bulliyoo boonoshi noonoon uppemminaꞌone.

1 Saameeli 9:9

Saaꞌooliyoo bi aafee bushoyich “Ebi gaawe gaboone. Ne waataa hambone” iye. Ebina Yeer asho beeti katemooch hammiyeete. Are katemooch shagoyich geppoon kechiibee, aacon kitta kechiibeeti maache bushiisheenaꞌona daneheete. Boonoshiyoo “Yaaꞌecho hini katemooch beete?” iꞌi echeheete. Wonna Israꞌeeleenaꞌo waanaa ikke asho Yeer waanee eche waayeya bi hamigaata, “Ittoshi waataa yaaꞌecho waan hambone” ii beetone. Ebiyoo keemecho, arooba yaaꞌecho bi gettee beetoyichiye.