2 Kiinoo 33:13 - Kafa Linguistics Project

¹³ Yeeriyoo bi qolloon waayeꞌi, Yerusaalem, bi taatittinooch biin wochiye. Minaasiyoo Doono Yeeri Nuggishoo bi tunoon ariihe.

2 Kiinoo 33:13 ပူးပေါင်းရင်းမြစ်များ

Halloo 25:21

Yisaaqiyoo bi mechee bushoon shimo bi qajjetoyich, Doono Yeeri bi mecheyich bushoon bi immemmoyich corootiye. Doono Yeeriyoo bi corootoon waayehe; Ribiqiyoo xifahan.

1 Taateenaꞌo 18:39

Asheenaꞌo bulli ebin beeggii, baroona guufeechii, “Doono Yeeri, aroo Nuggishoone. Doono Yeeri, aroo Nuggishoone” iyeete.

1 Taateenaꞌo 8:50

Ne toommooch boonoshi shuuneti axaaxoyich, neen boonoshi xuqqiti xuꞌoyichoo ne asheenaꞌon maaribe; boonoshin keccitinaꞌo boonoshich ariqqemmoyich tuniibe.

2 Taateenaꞌo 13:4

Ebich Yoꞌakaazi Doono Yeerin qollehe. Doono Yeeriyoo Sooriyee taatoo Israꞌeeleenaꞌon neexxii hajjoon bi beeggitoyich, bi qolloon waayehe.

1 Kiinoo 5:20

Koyoochaa Yeerin gibeneꞌi, boonoshin bi gaachemmoyich qolleheete. Biyoo boonoshi qolloon waayeꞌi, Hagaareenaꞌonaa boonoshina tookkii ikkottetinaꞌo bullinon boonoshi kishooch beshiiꞌi immiye.

2 Kiinoo 12:7

Doono Yeeriyoo boonoshi qelloon boonoshi giishiyoon beeggiꞌi, Shemayaahi, “Boonoshi qelloon giishiitinaꞌone. Ebich boonoshin aalliyaachemmo taane; boonoshin wodiyemmo taane. Ta kaaro bullin Shishaaqichi kishoona Yerusaalemi toommooch kindiyaachemmo taane.

2 Kiinoo 33:18

Minaasi shuuneti eche shuunoo, bi Nuggishoo waan bi corootiti corooto, Israꞌeelee Nuggishoo Doono Yeerichi shigoona biich boonoshi gettiti yaaꞌechinaꞌochi qaaro Israꞌeelee taateenaꞌo kiinee macaafooch kooreetone.

2 Kiinoo 33:19

Wotta bi corooto, Doono Yeeri bi qolloon waayo, bi axaaxoo bullinaa gibeneyee bi qayona, bi qelloon bi giishiyoyee aaf bi shuuniiti geppee toommeexi goyinnee xaaꞌeenaꞌo, Asheeri misileenaꞌon bi neechiti xaaꞌoonaa shahalleenaꞌon bi neechiti xaaꞌoona yaaꞌechinaꞌochi kiinee macaafooch kooreetone.

2 Kiinoo 34:27

hini xaaꞌoonaa arooch beetinaꞌonon naxemmo ta tunoon ta getaa waayaꞌa, ne mullo tiishetoyich, Yeeri ta aafooch ne qelloon ne giishiitoyich, ne tahoon ne keexxetoyich, ta aafooch ne eeppetoyich, ne corootoon waayeto taane.

Iziri 7:27

Yerusaalem beeti Doono Yeerichi kexo ebiyoommon bi gaawemmoyich, ebiyoommi mooyon taatoochi mullooch kotiiti, taatoo aafooch, bi mikkirechinaꞌonaa hakkechi bi naayinaꞌo bullinochi aafoochoo bi ariqqoon taach bekkiiti, no qaabbechinaꞌochi Nuggishoo Doono Yeeri diireebe. Tawoo, ta Nuggishoo Doono Yeeri gaawe aafoona taan bi ciinnitoyich, kuppheho; Israꞌeeleenaꞌo daggoocheenoo yaree ukkireenaꞌo taanna tookki boonoshi hammemmoyich kiciyo.

Iziri 8:23

Ebi mooyoyich coomaꞌa no Nuggishoon qollehon; biyoo no qolloon waayehe.

Iyoobi 22:22

Yeeri neech dojjii beeton elle waayebe; bi qaaroonoo ne mullooch kotiibe.

Iyoobi 22:23

Beshe Hakkechi Yeer waan ne wottegaata, wonnee ne beemooch wottemmo neene; gonde shuunoonoo ne kexoochee ne wokkiigaata,

Iyoobi 22:27

Bi waan corootemmo neene; biyoo ne qolloon waayemmone; ebich ne mookketon ceechemmo neene.

Iyoobi 36:11

Biich deꞌa iꞌi boonoshi maddegaata, boonoshi yemeenoon emiroona, mashaamiti beemon beemonoo ciichemminaꞌone.

Iyoobi 36:9

geecoona boonoshi shuuneti shuunoon, boonoshi axaaxoon, Yeeri boonoshich bekkiyemmone.

Shoddo 107:13

Aroochee boonoshi xuuxehooba Doono Yeer waan cookiyeete; biyoo boonoshi iritoochee boonoshin wodiihe.

Shoddo 46:10

Kashebote; Yeeri ta tunoon ariibote; aageteenaꞌo daggooch oogemmo taane; showee toommooch oogemmo taane.

Shoddo 46:11

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Shoddo 86:5

Ta Doonocho, ne, deꞌoonaa maarechona neene; neen ceeggiibeeto bullich, wodde shoodecho neene.

Shoddo 9:16

Doono Yeeri dayinnetechi nalloona bi qelloon arichiihe; gondeenaꞌo boonoshi gonde shuunoona olleeheete.

Shaahiyoo 16:7

Asho bi shaaddoona Doono Yeerin emirikkiibeeto bi tunegaata, bi etteenaꞌo diggoona biinna tookki boonoshi beeyemmoyich tuniihe.

Shaahiyoo 21:1

Taatoochi mullo Doono Yeerichi kishoochiye; biyoo woce aacochoommon bi daaggito waan wochiye.

Erimiyaasi 24:7

Ta, Doono Yeeri ta tunoon ariyemmi mulloon boonoshich immemmo taane; boonoshi ceeni mulloona ta waan wottemminaꞌo boonoshi tunetoyich, ta asheenaꞌon tunemminaꞌone; tawoo boonoshich Nuggishoo tunemmo taane.

Erimiyaasi 36:7

Doono Yeeri hini ashi toommooch gettiti kaaroonaa naxoona oogeto bi tunetoyich, diqqich Doono Yeeri aafooch corootemminaꞌo, asho bi ikkikkoonoo bi gondoochee wottemmo tunemmone” iye.

Shoosho 3:56

Ta qolloon waayehine; gaachee danoyich ta cookaa ne waamon badd wochaano neene.

Daaneeli 4:25

Ashi daggoochee kichaa yookkeree, kubbi cooxona tookki gaddooch beeyemmo neene; gattoochoommonoo mocoon maayemmo neene; ne ashittino shimaayoochee kindiibeeti doshoona shuxxemmone. Aroochee Beshoo Yeeri ashi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ne ariimmi wottoon, shabaatte nato beshemmone.

Daaneeli 4:32

Ashi daggoochee kichaa yookkeree, kubbi cooxona tookki gaddooch beeyemmo neene; gattoochoommonoo mocoon maayemmo neene. Beshoo Yeeri ashi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ne ariimmi wottoon, shabaatte nato beshemmone” iye.

Daaneeli 4:36

Arooba ta mullo yechiye; ta taatittinee oogee yiiroo, ta oogoonaa ta giidoona taach wottehe. Ta mikkirechinaꞌonaa iraasheenaꞌona taan qaawiyeete. Ta taatittinoochoo wottehoye; aafichoyee beshoon aricheton tunehoye.

Maatiyoosi 6:33

Tunebaani shiichi Yeerichi taatittineen, bi cadiqoonoo qaawibote. Arooba ebi bullin bi ittoshich daakkemmone.

Yowannisi 17:3

Ibere Nuggishoo ne baach tuneti neen boonoshi ariyoo, wotta ne deejjiti Yesuus Kiristoosin boonoshi ariyoo, ebi bulli yemeenee kashoone.

Yowannisi 4:10

Yesuusi wochiꞌi ureyich “Yeeri immiibeeti wojjoon, wotta ‘Aacon taach imbe, uyona’ ii beeti ta koni ta tunoonon, ne ariito gaata, ne taan qolleshi neene; tawoo kashee aacon neech immesho taane” iye.

Yibbaatoo 29:6

Koshon maataano ittoshine; woyinee uyoon woyee mashiibeeti uyoon uyaano ittoshine; tunebaani ittoshi Nuggishoo ta tunoon ittoshi ariyemmoyich, Doono Yeeri ta, ittoshich qaawii beeton immeto taane’ itone.

Hibireena'o 8:11

Asho koniyoona bi showee ashoon, asho koniyoona bi manoon ‘Doono Yeerin ariibe’ geti dojjaachemmone. Ebiyoo, giishoochee oogooch beddaahaa, bulliyona taan ariyemmo bi tunetoyichiye.