2 Kiinoo 33:12 - Kafa Linguistics Project

¹² Minaasi bi xuuxehooba, bi Nuggishoo Doono Yeerichi gaachoon qaawiye. Bi qaabbechinaꞌochi Nuggishoo aafooch bi qelloon oogeton giishiiꞌi corootiye;

2 Kiinoo 33:12 ပူးပေါင်းရင်းမြစ်များ

2 Kiinoo 12:7

Doono Yeeriyoo boonoshi qelloon boonoshi giishiyoon beeggiꞌi, Shemayaahi, “Boonoshi qelloon giishiitinaꞌone. Ebich boonoshin aalliyaachemmo taane; boonoshin wodiyemmo taane. Ta kaaro bullin Shishaaqichi kishoona Yerusaalemi toommooch kindiyaachemmo taane.

2 Kiinoo 15:2

Azariyaasi Aasina daneya hammiꞌi, “Aaso, Yihudee asheenaꞌonaa Biiniyaamee asheenaꞌonote, ta waanee ellebote. Ittoshi, Doono Yeerina tookkii ittoshi tunegaata, Doono Yeeriyoo ittoshina tookki tunemmone. Ittoshi qaawigaatoo ittoshich danemmone. Tunebaani biin ittoshi qayigaata, ittoshin qajjemmone.

2 Kiinoo 15:4

Tunebaani boonoshi iritee aabooba, Israꞌeeleenaꞌochi Nuggishoo Doono Yeer waan wotteꞌi biin qaawiyeete. Biyoo boonoshich danehe.

2 Kiinoo 28:22

Taatoo Akaazi bi xuuxehooba, aafichoyee beshoon Doono Yeerich gibeneyoon qajjiye.

2 Kiinoo 28:5

Ebich bi Nuggishoo Doono Yeeri Sooriyee taatoo kishooch biin beshiiꞌi immiye. Sooriyeenaꞌoo boonoshin kochii wochiꞌi, meeti asheenaꞌon keccii Damaasiqa daammiyeete. Wotta Doono Yeeri boonoshin Israꞌeelee taatoo kishooch beshiiꞌi immiye. Biyoo gonde yexon boonoshin yexxiye.

2 Kiinoo 32:26

Tunebaani ciiroochaa Hiziqiyaasinaa Yerusaalemi asheenaꞌona boonoshi qelloon giishiiheete. Ebich Hiziqiyaasichi taatee yemeenooch Doono Yeeri kaaro boonoshi toommooch waataanoone.

2 Kiinoo 33:23

Bi nihoo Minaasi bi qelloon bi giishiyoommon, Doono Yeeri aafooch bi qelloon giishiyaanoone. Axaaxoon shuunoona beshii beshii qeyiye.

2 Kiinoo 34:27

hini xaaꞌoonaa arooch beetinaꞌonon naxemmo ta tunoon ta getaa waayaꞌa, ne mullo tiishetoyich, Yeeri ta aafooch ne qelloon ne giishiitoyich, ne tahoon ne keexxetoyich, ta aafooch ne eeppetoyich, ne corootoon waayeto taane.

Shoddo 118:5

Ta duꞌehooba Doono Yeer waan cookiyo; Doono Yeeri ta cookoon waayeꞌi duꞌoochee taan kichiye.

Shoddo 120:1

Ta xuuxehooba Doono Yeer waan cookiyoye; biyoo ta cookoon waayehe.

Shoddo 130:1

Doono Yeero, oogeton duꞌaa ne waan cookiyoye.

Shoddo 130:2

Ta Doonocho, ta cookoon waayebe; gaachee danoyich ta cookaabeeti cookoon waayebe.

Shoddo 50:15

Ne xuuxee aabooba taan ceege; ta neen wodiyemmo taane; newoo taach oogoon immemmo neene” iye.

Keyo 10:3

Ebina Muusinaa Haroonina Faroon waan hammiꞌi ishichiyeete: “Hibireenaꞌo Nuggishoo Doono Yeeri ishichiye: ‘Ne qelloon ta aafooch yittiyaache ne geti beeyemmo aati wottooniye? Taach boonoshi goyinne maddemmoyich, ta asheenaꞌon gawukkibe.

Erimiyaasi 13:18

Doono Yeeri ishichiye: “Taatoonaa taatoochi indee gennee abeetinoyich ishichibe: Ittoshi oogee gubbichoo ittoshi qelloochee kindemmo bi tunetoyich, ittoshi qeenoochee kindibote.

Erimiyaasi 36:7

Doono Yeeri hini ashi toommooch gettiti kaaroonaa naxoona oogeto bi tunetoyich, diqqich Doono Yeeri aafooch corootemminaꞌo, asho bi ikkikkoonoo bi gondoochee wottemmo tunemmone” iye.

Daaneeli 4:36

Arooba ta mullo yechiye; ta taatittinee oogee yiiroo, ta oogoonaa ta giidoona taach wottehe. Ta mikkirechinaꞌonaa iraasheenaꞌona taan qaawiyeete. Ta taatittinoochoo wottehoye; aafichoyee beshoon aricheton tunehoye.

Hosee'i 5:15

“Boonoshi xuꞌoon boonoshi ariimmi wottoon, taan boonoshi qaawimmi wottoon, ta xaaꞌooch wotte hammemmo taane. Boonoshi iritee aabooba taan kupphii qaawemminaꞌone” iye.

Yoonaasi 2:2

Biyoo ishichiye: “Doono Yeero, xuuxee toommooch beechaa, neen ceeggehoye; newoo waayehine. Qititinaꞌo kiceeꞌi beeti hoonooch beechaa, cookiyoye; newoo ta cookoon waayehine.

Mikiyaasi 6:9

Ariyechi asho Doono Yeerin shattii beetone; Doono Yeeri Yerusaalemi asheenaꞌon ceeggiꞌi ishichiye: “Katemooch kiceeti iiteenaꞌote, waayebote!

Mishiraachechinaꞌo 9:11

Doono Yesuusi biich ishichiye: “Kaate tiyiree Kaamoo getteebeeti gommooch hambe. Arooch Yihudi kexooch beeti, Sawuli getteebeeti, ikke Xeriseesi katemee ashoon qaawibe. Biyoo corootee toommoochiye bi beeto.

Yaaqobi 4:10

Doono Yeeri aafooch ittoshi qelloon giishiibote; biyoo ittoshin oogiyemmone.