2 Kiinoo 32:7 - Kafa Linguistics Project

⁷ “Kupphebote; maaci kuxoonoo tunebote. Noonna tookkii beeto, boonoshina tookkii beetoyee besho bi tunetoyich, Asooree taatoonaa biinna tookkii beeti meeti ginee naayinaꞌonon shattaahote; keqqiyaahote.

2 Kiinoo 32:7 ပူးပေါင်းရင်းမြစ်များ

2 Taateenaꞌo 18:30

Wottoo, ‘Doono Yeeri iberoochaa noon wodiyemmone. Hini katemeyoo Asooree taatoo kishooch beshiitaa icheyaachemmine’ iꞌi Hiziqiyaasi Doono Yeerin ittoshi gibenemmoyich bi gettii beeton waayeyaahote.

2 Taateenaꞌo 18:5

Hiziqiyaasiyoo Israꞌeelee Nuggishoo Doono Yeerin gibenehe. Biyee gubboo tuneba biyee aaf beeti Yihudee taateenaꞌo bulliichee biinoommo aalloone.

2 Taateenaꞌo 6:16

Elisayiyoo, “Shattaahine; boonoshina tookkii beetoyee, noonna tookkii beeto beshoone” iye.

1 Kiinoo 22:13

Doono Yeeri Muusina bi immiti sheeroonaa qociyoonon manjiyaꞌa ne quyegaata, mooyo neech kaamemmone. Kupphebe; maac kuxo tunebe; shattaahine; ne gibenoon kuxxaahine.

1 Kiinoo 28:10

Illa and, Doono Yeeri yaafee kexon biich ne haggemmoyich neen bi kaacon batteyaahine; kuppheree shuunebe” iye.

1 Kiinoo 28:20

Aroochee Daawiti bi bushoo Solomoonich ishichiye: “Illa kupphebe; maaci kuxo tunebe; shuunoonoo wonnibe; ta Nuggishoo Doono Yeeri neenna tookkii bi tunetoyich shattaahine; keqqiyaahine. Biyoo ebi yaafee kechi shuunoo ciiremmi wottoon neen qayaachemmone; neen dufaachemmone.

2 Kiinoo 15:7

Tunebaani ittoshi shuunee gatiyoon danemmo ittoshi tunetoyich, kupphebote; ittoshi mochoo niraaye” iye.

2 Kiinoo 16:7

Ebiyooba yaaꞌechi Hanaani Yihudee taatoo waan waaꞌi, “Ne Nuggishoo Doono Yeerin gibeneyaanoon Sooriyee taatoon ne gibenetoyich Sooriyee taatoochi ginee naayinaꞌo ne kishoochee muriccitinaꞌone.

2 Kiinoo 20:15

Biyoo ishichiye: “Taatoo Yoshafaaxo, Yihudee showoonaa Yerusaaleminooch beetinaꞌote, bull waayebote. Doono Yeeri ittoshich ishichii beetone: ‘Hini dofee ginee naayinaꞌon shati keqqiyaahote. Koyo Yeeri taachoani ittoshicho toonoone.

2 Kiinoo 20:17

Hini koyoon koyemmo ittoshi toonoone; ittoshi xaaꞌi xaaꞌoon yeshiree baach neexebote; manji neexebote. Doono Yeeri ta, wudoon ittoshich ta daniyoon beeggemmo ittoshine. Yihudee asheenaꞌonaa Yerusaalemi asheenaꞌonote, shati keqqiyaahote; yaach hamiree boonoshina koyebote. Doono Yeeri tawoo ittoshina tookki tunemmo taane’ itone” iye.

Nehimi 4:8

Yerusaalem waaree boonoshi kochemmonaa shiribbiree boonoshi shaccemmonoyich, ikkittinoona koceeheete.

Shoddo 118:8

Ashoon gibenoyee Doono Yeerichi shoobooch gimo gaawiye.

Isiyaasi 35:4

Boonoshi mullo shattii beetinaꞌon “Kupphebote; shattaahote; ittoshi Nuggishoo nichoon kichiya, boonoshi shuuneton boonoshich shuuneree, ittoshin wodiiya, woyemmone” getote.

Erimiyaasi 42:11

Ittoshi shattiibeeti Baabloonee taatoon shattaahote; ittoshin wodiyoyich, bi kishoochee ittoshin kichoyich, ta ittoshina tookki tunemmo ta tunetoyich, biin shattaahote, iye Doono Yeeri.

Daaneeli 10:19

Biyoo ishichiye: “Oogeton shucheti uroocho, shattaahine; diggoo neech tunebe; kupphebe; manjibe” iye. Ebin bi gettimmona, tawoo kupphaꞌa, “Ta doonocho, taan kupphiito neene. Illa getta ne qaawiton gete” iyo.

Zakaariyaasi 4:6

Aroochee taach ishichiye: “Zerubabeelich getteeti Doono Yeerichi qaaro ebine: ‘Zerubabeelo, ebin ne tuniyemmo ta Ayaanoonalli hakkoona woyee giidoona toonoone’ iye Beshe Mawe Doono Yeeri.

Zakaariyaasi 8:23

Beshe Mawe Doono Yeeri ishichiye: “Ebiyooba baribare noonoona yibbaateebeeti aageteenaꞌoochee, aashire asheenaꞌo ikke Ayihudo waan waa, bi qoreddee caappoon yeshiichi, ‘Yeeri ittoshina tookkii beeto bi tunoon no waayetoyich ittoshina tookki hambone’ gettemminaꞌone” iye.

Zakaariyaasi 8:9

Beshe Mawe Doono Yeeri ishichiye: “Beshe Mawe Doono Yeeri ta yaafee kechi heco hecheehooba keemechinaꞌo keemmiti keemoon and beddaahaa waayeebeeti ittoshi, yaafee kexon shuunoyich ittoshi mochoon kupphiibote.

Roomi 8:31

Illa ebi mooyichon ama gettehone? Yeeri noonna tookkii bi tunegaata, noon koyi wochemmo konine?

Efesooni 6:10

Illa and, Doono Yesuusinaa bi ooge giidoona kupphebote.

Yibbaatoo 20:1

Muusi Israꞌeeleenaꞌoyich ishichiye: “Gibitsee neen kichii deebiti ne Nuggishoo Doono Yeeri neenna tookkii bi tunetoyich, ne ettoona koyeya koyooch hammaꞌa, neechoyee beshiti gaarin, hareshoonaa ginee naayinaꞌonon ne beegigaata, shattaahine.

Yibbaatoo 31:23

Aroochee Doono Yeeri Nuuni bushoo Yaasin iraashiiꞌi biich ishichiye: “Boonoshich imma ta wogeti showooch Israꞌeeleenaꞌon giijjemmo ne tunetoyich, kupphebe; maac kuxoonoo tunebe. Tawoo neenna tookki tunemmo taane” iye.

2 Ximootiyoosi 2:1

Illa ta bushoochoo, Kiristoos Yesuusina daneebeeti wojjoona kupphebe.

1 Yowannisi 4:4

Ta shuni bushiisheenaꞌote! Ittoshi Yeer magecho ittoshine; hini alemeexi asheenaꞌona tookkii beetoyee, ittoshina tookkii beeto besho bi tunetoyich, are koote keemechinaꞌon kochii wochito ittoshine.