2 Kiinoo 32:5 - Kafa Linguistics Project

⁵ Ebiyee gubb, taatoo kuppheꞌi shuunoona tiisheti xaqqee uxeroo bullin wochinnoon shuunehe. Uxeree toommoochoo dilaaloon shuunehe. Uxeroyee maach bare xaqqee uxeroon shuunehe. Daawiti Katemooch, Miiloo getteebeeti xaaꞌooch beeti mishigoon manjiiꞌi shuunehe; wodde ginee qiicoonaa gaachoonon shuunehe.

2 Kiinoo 32:5 ပူးပေါင်းရင်းမြစ်များ

2 Saameeli 5:9

Aroochee Daawiti bi beeyi xaaꞌoon are mishigechi katemooch tuniihe. Aroonoo Daawiti Katemoo iꞌi ceeggiye. Biyoo Miilee tiijjii bi guudoon xaqqoona shuunehe.

1 Taateenaꞌo 11:27

Taatoo toommooch Yeroboꞌami tiyiti naboo ebine: Taatoo Solomooni Miiloo getteebeeti xaaꞌoon shuunii, bi nihoo Daawiti Katemee uxeree tiishoonoo dookkii beehe.

1 Taateenaꞌo 9:24

Farooni bushee Daawiti Katemoochee, Solomooni biich shuuniiti taatee kexooch damba waahan. Ebiyee gubb, Solomooni Miiloo getteebeeti xaaꞌoon shuunehe.

2 Taateenaꞌo 12:20

Bi ukkiriiti ukkireenaꞌo tiyiꞌi bi toommooch koceeheete; Siila daammiibeeti gommooch beeti Miiloo getteebeeti xaaꞌooch beeti kexoochaa biin wuxiyeete.

2 Taateenaꞌo 25:4

Katemee uxeroo gaakkeehe; Baabloonee ginee naayinaꞌo katemee guudoona boonoshi beetaa, taatoo bi ginee naayo bullina tookkii xumoona muricciꞌi, gutte uxeree danooch beeti kelloona taatoochi bechee mixo beeto waan daammiibeeti gommona, Yoordaanoosi bamboo waan hammiye.

2 Kiinoo 12:1

Roboꞌami bi taatittino manjaa kupphe taatoo tuneechii, biinnaa Israꞌeelee asho bullina Doono Yeerichi sheeroon quyoon qajjiyeete.

2 Kiinoo 23:1

Shabaattinnee natooba Yoyaadi aafoon kupphehe. Biyoo balle ginee iraasheenaꞌo tuneti, Yerohaami bushoo Azariyaasi, Yehohanaani bushoo Ishmaꞌeeli, Obeedi bushoo Azariyaasi, Adaayi bushoo Maseyaahinaa Zikiri bushoo Elishafaaxina tookkii wogoon giyiye.

2 Kiinoo 25:23

Aroochee Israꞌeelee taatoo Yehoꞌashi, Akaziyaasi bushoo Yoꞌaashi bushoo Yihudee taatoo, Amasiyaasin Beet Shemeeshee keccii, Yerusaalem deebiye. Yerusaalemi xaqqee uxeroonoo Efreemi Kelloochee tiijjii Uxeree Daneexi Kellooch beddaahaa, awudde balle hira bedoon happiye.

2 Kiinoo 26:8

Amoonee asheenaꞌoo Uziyaahich gibiroon qocciyeete. Uziyaahi oogichii bi kupphetoyich bi mooyo Gibitsee showee danooch beddaahaa waayeehe.

2 Kiinoo 33:14

Ebiyee gubb, bambooch beeti Giyooni aachi xuuphoochaa aabi-gimo waanee tiijjii, Haashee Kellooch beddaahaa beeti Daawiti Katemee maachi xaqqee uxeroon, Ofeeli geppoon guudiiꞌi, genjiiꞌinoo wochinnoon uxerehe. Yihudee showooch beeti xaqqee uxerechi katemoo bulliich ginee iraasheenaꞌon kotiihe.

Shaahiyoo 25:28

Bi kaaroon aqqiyoon hakkaani asho, bi uxeroo tiisheti katemoommone.

Erimiyaasi 39:4

Yihudee taatoo Sedeqiyaasinaa bi ginee naayinaꞌo bullina boonoshin beeggiꞌi, woceheete; xumoona taatoochi becheenaꞌo beetona, gutte uxeree daggooch beeti kelloona katemoochee kechiꞌi Yoordaanoosi bamboo waan hammiyeete.

Yoꞌeeli 2:8

Boonoshinaa boonoshina xuꞌeyaanoon, boonoshi woreti woretoona qaxiremminaꞌone. Mishigoon tiishi beshe hammemminaꞌone; boonoshin yeshi neechemmo amolla daneyaachemmone.

Woraaferasheenaꞌo 9:6

Shekeeminaa Beet Miilinooch beeti asheenaꞌo bulli kiceeꞌi hammii Shekeem beeti, ikke xaqqee giimbee gaꞌooch beeti ooge michi xepphoochaa Abimeleekin taatiiheete.