2 Kiinoo 32:30 - Kafa Linguistics Project

³⁰ Dambee Giyooni aachi xuuphoon gabbiꞌi, aaco bi qobboona dugilla waaree, aabi-gimo waan, Daawiti Katemooch bi kindemmoyich tuniito, ebi Hiziqiyaasine. Bi shuunoo bulliyoo biich kaamehe.

2 Kiinoo 32:30 ပူးပေါင်းရင်းမြစ်များ

1 Taateenaꞌo 1:33

Aroochee taatoo boonoshich ishichiye: “Ittoshi doono ta asheenaꞌon yeshi hambote; ta bushoo Solomoonin ta bicereen yebbiiree, desh Giyooni aachi xuuphooch daambote.

1 Taateenaꞌo 1:38

Ebich qeeshoo Sadooqi, keemechi Naataani, Yoyaadi bushoo Beenayi, taatoochi quyee naayinaꞌo tuneti Kereeteenaꞌonaa Feleeteenaꞌona desh hammiꞌi, Solomoonin taatoo Daawitichi bicereen yebbiiꞌi, Giyooni aachi xuuphooch deebiyeete.

1 Taateenaꞌo 1:45

Qeeshoo Sadooqinaa keemechi Naataanina Giyooni aachi Xuuphoochaa huuttiꞌi taatiitinaꞌone. Aroocheenoo emiroona kechiyeete. Katemoo bi dullito ebinane. Ittoshi waayeti qaaro ebine.

2 Taateenaꞌo 20:20

Hiziqiyaasi shuuneti eche shuunoo, oogeti giidecho bi tunoo, aaco kotemmi xaaꞌoon bi shuunoonaa aaco katemooch woyemmi woretoon bi iichiyoo bullina Yihudee taateenaꞌo kiinee macaafooch kooreetone.

2 Kiinoo 26:5

Yeerin shaton biich dojjiti Zakaariyaasi kashoona beeti yemeenooch Yeerich gibeneeton tunehe. Doono Yeerich gibeneeton bi tunetooba, Yeeri mooyon biich mashaamiihe.

2 Kiinoo 32:3

katemoyee maach ufeebeeti aachi xuupheenaꞌo hichemmoyich, showee iraasheenaꞌonaa ginee iraasheenaꞌona tookkii boyeehe. Boonoshiyoo biin gaacheheete.

2 Kiinoo 32:4

Dofee asheenaꞌoo kiceeꞌi, “Asooree taateenaꞌo waa wodde aacon boonoshi danemmo, amoyichiye?” iꞌi, aachi xuupho bullinaa showee maacoona ufeebeeti aaconon hicciyeete.

2 Kiinoo 33:14

Ebiyee gubb, bambooch beeti Giyooni aachi xuuphoochaa aabi-gimo waanee tiijjii, Haashee Kellooch beddaahaa beeti Daawiti Katemee maachi xaqqee uxeroon, Ofeeli geppoon guudiiꞌi, genjiiꞌinoo wochinnoon uxerehe. Yihudee showooch beeti xaqqee uxerechi katemoo bulliich ginee iraasheenaꞌon kotiihe.