2 Kiinoo 32:25 - Kafa Linguistics Project

²⁵ Tunebaani Hiziqiyaasi bi mulloo geecaa, Doono Yeeri biich tuniiti deꞌe mooyoyich biin galleteyaanoone. Ebich bi toommooch, Yihudee showoonaa Yerusaaleminochi toommooch, Doono Yeeri kaaro kindiye.

2 Kiinoo 32:25 ပူးပေါင်းရင်းမြစ်များ

2 Saameeli 24:1

Ebiyee gubb, wochinnoon Doono Yeeri kaaro Israꞌeeleenaꞌo toommooch cufiye. Biyoo Daawiti boonoshi toommooch bi tiyemmoyich tuniiꞌi, “Hamiree Israꞌeeleenaꞌonaa Yihudee asheenaꞌonochi daggooch beeti, koyoyich bedditi asheenaꞌon haddibe” iye.

2 Taateenaꞌo 14:10

Edoomin kochaa ne wochitoyich ne mulloona geecito neene. Ne daneti oogo neech beddiye; ne kexooch kasheree kotebe. Neennaa Yihudee asheenaꞌona iritooch dihemmoyich ne qaawaabeeto, amoyichiye?” iye.

2 Taateenaꞌo 20:12

Ebiyooba Baabloonee taatoo, Balidaanichi bushoo Merodaak Balidaani Hiziqiyaasi biiyeꞌi wodoon bi waayetoyich, bi wocheyechinaꞌo kishoona wojjoonaa koorichoonon Hiziqiyaasich deejjiye.

2 Taateenaꞌo 20:13

Hiziqiyaasiyoo wocheyechinaꞌon emiroona iibbiihe; bi taatee kechi ginjabeetooch beeto bullin, ebiyoo aachoon, birewoon, qimaamoon, shittoonaa ginee qiicoonon boonoshich bekkiihe. Bi taatee kexoochee tuneba, bi showee daggooch beeti gaannoochee boonoshich bi bekkiyaani amee mooyolla aalloone.

1 Kiinoo 21:1

Sheexaanoo Israꞌeeleenaꞌo toommooch tiyiꞌi, Daawiti Israꞌeeleenaꞌon haddiyemmoyich tuniihe.

2 Kiinoo 19:2

Hanaani bushoo yaaꞌechi Yehi biinna daneya hammiꞌi, taatoo Yoshafaaxich ishichiye: “Gonde ashoon gaachenne? Doono Yeerin shixxii beeton shunnenne? Ebich Doono Yeeri kaaro ne toommooch waatone.

2 Kiinoo 24:18

Aroochee boonoshi qaabbechinaꞌochi Nuggishoo Doono Yeerichi yaafee kexon qajjiichii, Asheeri misileenaꞌonaa shahalleenaꞌoyich goyinnee maddooch giyiyeete. Ebi boonoshi xuꞌee naboona Yihudee showoonaa Yerusaaleminooch kaaro kindiye.

2 Kiinoo 25:19

‘Edoomin kocheto taane’ iyaꞌa ne mulloona geecito neene. Illa and ne kexooch kasheree kotebe. Neennaa Yihudee asheenaꞌona iritooch dihemmoyich ne qaawaabeeto, amoyichiye?” iye.

2 Kiinoo 26:16

Tunebaani Uziyaahi kupphe taatoo bi tunetoyee gubb, geeciye. Ebi bi geecoo bi dihoyich naboo tunehe. Biyoo bi Nuggishoo Doono Yeerin xuqqiye. Ixaanee deejjee gudoochaa ixaanoon shookka Doono Yeerichi yaafee kexooch giyiye.

2 Kiinoo 32:31

Tunebaani Baabloonee iraasheenaꞌochi wocheyechinaꞌo bi showooch tuneti mooyon biin echeya bi waan boonoshi waahooba, Doono Yeeri biin beegga, bi mullooch beetonoo ariiya bi qaawitoyich biin qajjiye.

Isiyaasi 39:1

Ebiyooba Baabloonee taatoo, Balidaanichi bushoo Merodaak Balidaani Hiziqiyaasi biiyeꞌi wodoon bi waayetoyich, bi wocheyechinaꞌo kishoona wojjoonaa koorichoonon Hiziqiyaasich deejjiye.

Isiyaasi 39:2

Hiziqiyaasiyoo wocheyechinaꞌon emiroona iibbiihe; bi taatee kechi ginjabeetooch beeto bullin, ebiyoo aachoon, birewoon, qimaamoon, shittoonaa ginee qiico bullinon boonoshich bekkiihe. Bi taatee kexooch tuneba, bi showee daggooch beeti gaannoochee boonoshich bi bekkiyaani amee mooyolla aalloone.

Hiziqeeli 28:17

Mallet gaawoo ne tunoona ne mullo geecitone; ne oogoyicha iyaꞌa ne ariyoon eeꞌiihine. Ebich showooch neen duppehoye; neenna boonoshi cuuqqemmoyich taateenaꞌo aafooch neen duppehoye.

Hiziqeeli 28:2

“Ashi bushoocho, Xiroosi taatoyich, Nuggishoo Doono Yeeri ishichiye, gete: ‘Ne mullo geecitoyich, “Ta, nuggishoo taane; baharee daggooch, nuggisheenaꞌo taatee qeenooch kotemmo taane” ito neene. Ne mulloona nuggishoo taane iyaꞌa ne gabitaanona ne, asho nealli nuggishoo toono neene.

Hiziqeeli 28:5

Giixoona oogeti ariyecho ne tunetoyich, woddii gaanneto neene; ne gaannee naboona ne mullo geecitone.

Hiziqeeli 31:10

“ ‘Ebich Nuggishoo Doono Yeeri ishichiye: Bi neexo bi genjetoyich, bi cilloonoo gumee daggooch bi gedditoyich,

Daaneeli 11:12

Eboshin kochii bi wochitonaa dofee ginee naayinaꞌon bi wuxitonoyich, oogeton geecemmone. Tunebaani kochii wochoona manjiree beetaachemmone.

Daaneeli 5:20

Tunebaani geecechonaa mulli manjoona bi tunehooba, bi taatittinoochee kindiye; bi oogee yiiroonoo muccehe.

Daaneeli 5:23

Ne qelloon shimaajji Nuggishoyee damba tuniyaꞌa, bi yaafee kechi uyee qiiceenaꞌo woyemmoyich tuniihine. Ne, ne iraasheenaꞌo, ne mecheenaꞌonaa ne naamacheenaꞌona aroona woyinee uyoon uchiyote. Uchiibee birewoochee, aachoochee, gooshoochee, xuuroochee, mixonaa xaqqoonoochee shuuneeti, ciinon, waayoonaa ariyoonon hakkaani, nuggisheenaꞌochi misiloon galletehote. Tunebaani ne kashoon, ne shaaddo bullinoo bi kishooch yechiti Nuggishoon oogiyaano neene.

Hosee'i 14:2

Biich ittoshi gettemmi qaaroon yeshiree Doono Yeer waan wottebote; biichoo ishichibote: “No axaaxoo bullin maaribe; no qolloon waayebe; no noonoochee kechiibeeti galletoon neech giddiyemmo noone.

Imbaaqoomi 2:4

Ne kooremmo ebiniye: ‘Gonde asheenaꞌo yagaachemminaꞌone; tunebaani cadiqeenaꞌo, ta toommooch mulloon boonoshi tooꞌitoyich, kashoona beeyemminaꞌone’ ii beetoniye” iye.

2 Qorontoosi 12:7

Ebi taach bekketi, worganikkiti wodde mooyinaꞌona ta geecaachemmoyich, ta meenon angixochoommon kochii shooddiibeeti, ebiyoo taan guripphiibeeti Sheexaanee wocheyecho taach ichehe; bi ichetoo, beshoon ta geecaachemmoyichiye.

Yibbaatoo 32:6

Hini mullaalli baalle ashoocho! Doono Yeerich ne tuniyemmo ebiniye? Biyoo ne Nihoonaa neen Hallitonane; neen aagetoo tuniiꞌi manjiitone.

Yibbaatoo 8:17

Ebich ne mulloona ‘Ebi bulli gaannoon taach daniito, ta giidoonaa ta hakkoonane’ getiree ne gabaachemmoyich, ne qelloon ariibe!

1 Ximootiyoosi 3:6

Biyoo geeciree daabiloosi toommooch nalleetoommi nalloo bi toommooch bi nalleyaachemmoyich, kashaani kittinnoo tunaaye.