2 Kiinoo 32:20 - Kafa Linguistics Project

²⁰ Taatoo Hiziqiyaasinaa Amootsi bushoo keemechi Isiyaasina ebi mooyoyich shimaayooch cookiꞌi Yeer waan corootiyeete.

2 Kiinoo 32:20 ပူးပေါင်းရင်းမြစ်များ

2 Taateenaꞌo 19:1

Taatoo Hiziqiyaasi ebin waayeꞌi bi tahoon keexxiye; dookoonoo taheꞌi Doono Yeerichi yaafee kexooch hammiye.

2 Kiinoo 13:14

Yihudee asheenaꞌo boonoshi guudoona ciinnii, aafinaa gubbinon giicheetinaꞌo boonoshi tunoon beeggiꞌi, Doono Yeer waan cookiyeete; qeesheenaꞌoo tiroon huggiyeete.

2 Kiinoo 14:10

Aasiyoo boonoshina koyeya hammiye. Mareshi gaꞌooch beeti Tsefatayi bamboochaa boonoshi koyee xaaꞌi xaaꞌoon yechiyeete.

2 Kiinoo 14:11

Aasi bi Nuggishoo Doono Yeer waan ishichiꞌi cookiye: “Doono Yeero, hakka guuteenaꞌon hakkechinaꞌo waanee gaacheebeeto neenoommo koniyoona aalloone. No Nuggishoo Doono Yeero, neen no gibenetoyich, ne shigoona hini mattiqutte ginee naayona koyemmo noone; noon gaachebe. Doono Yeero, no Nuggishoo neene; asho neen kochii wochoon hakkaache” iye.

2 Kiinoo 32:19

Boonoshiyoo ashi kishoona shuuneeti, aageteenaꞌochi nuggisheenaꞌo toommooch boonoshi yibbaatetoommon, Yerusaalemi Nuggishoo toommooch yibbaateheete.

2 Kiinoo 32:21

Doono Yeeriyoo Asooree taatoochi kaambooch bi maraakoon daachiiꞌi, ginee anaaminaꞌon, ginee iraasheenaꞌonaa ukkireenaꞌonon bi aalliyemmoyich tuniihe. Ebina Asooree taatoo giisheꞌi bi showooch wottehe. Bi nuggishoo kexooch bi giyimmona, bi gutenoochee kechiti bi bushiisheenaꞌo aroochaa goraadoona biin wuxiyeete.

Shoddo 50:15

Ne xuuxee aabooba taan ceege; ta neen wodiyemmo taane; newoo taach oogoon immemmo neene” iye.