2 Kiinoo 32:15 - Kafa Linguistics Project

¹⁵ Andoo Hiziqiyaasi ittoshin dachaaye; ittoshin muriciyaaye; Hiziqiyaasin iberiyaahote. Bi asheenaꞌon ta kishoochee woyee ta qaabbechinaꞌo kishoochee wodiyoon hakkiti, amee showee asheenaꞌochi woyee taatoochi nuggisholla aalloone. Ittoshi nuggishochi, ta kishoochee ittoshin wodiyoon bi hakkemmo, aabichireeshiye?’ iiniye” iye.

2 Kiinoo 32:15 ပူးပေါင်းရင်းမြစ်များ

1 Taateenaꞌo 22:22

“Doono Yeeriyoo biich, ‘Aabichireeshiye ne muriciyemmo?’ iye. “Biyoo, ‘Hamiree, bi keemechinaꞌo bulli kootoon keemmemmoyich tuniyemmo taane’ iye. “Doono Yeeriyoo, ‘Muriciyemmo neene; neechoo kaamemmone; hamiree, ebin tuniibe’ iye.

2 Taateenaꞌo 18:29

Taatoo ishichitone. Ta kishoochee ittoshin wodiyoon hakkaachemmo bi tunetoyich, Hiziqiyaasi ittoshin dachaaye.

2 Taateenaꞌo 19:10

“Ishichiree Yihudee taatoo Hiziqiyaasich getote: ‘Ne gibenaabeeti nuggishoo, “Yerusaalemi Asooree taatoo kishooch dihaachemmone” getona neen dachaaye.

2 Kiinoo 32:11

Hiziqiyaasi, “No Nuggishoo Doono Yeeri Asooreenaꞌo kishoochee noon wodiyemmone” bi ii beeto, shaacoonaa shachewoona ittoshi qitemmoyich, ittoshin muriciyoyich toone?

2 Kiinoo 32:16

Senakireebi wocheti iraasheenaꞌo, Nuggishoo Doono Yeerinaa bi guuno Hiziqiyaasinochi toommooch ebiyee beshe wodde gonde mooyon gettiyeete.

Keyo 10:10

Farooniyoo ishichiye: “Gondoon gabito ittoshi tuno xiishoone. Ittoshi maacheenaꞌonaa ittoshi bushiisheenaꞌonon yeshiree ittoshi hammemmoyich ciroona daaggaachemmo taane.

Keyo 5:2

Farooniyoo wochiꞌi ishichiye: “Bi getoon ta waayemmonaa Israꞌeeleenaꞌon ta gawukkemmonoyich, Doono Yeeri aroo konine? Doono Yeerin ariyaache; Israꞌeeleenaꞌonoo gawukkaache” iye.

Isiyaasi 36:18

Hiziqiyaasi “Doono Yeeri noon wodiyemmone” getona ittoshin bi muriciyaachemmoyich ittoshi qelloon ariibote! Iberoochaa aagetee nuggisheenaꞌoochee bi showoon Asooree taatoo kishoochee wodiito beete?

Hiziqeeli 35:13

Ittoshi noonoona ta toommooch ittoshi coodon, ta toommooch woddii ittoshi yibbaatoon waayeto taane.

Daaneeli 3:15

Andoo xurumbee qaaroon, tiree qaaroon, shumburee qaaroon, giishi ximbee qaaroon, ooge ximbee qaaroon, ebi duubbi qiiceenaꞌo bullichi qaaroon ittoshi waayemmona, ta neechiti misiloyich baroona guuferee goyinneya ittoshi qannigaata, gaawiye. Goyinno ittoshi qayigaata, aaxxeebeeti qaaqqee sheellooch bekkech duppeyemmo ittoshine. Ta kishoochee ittoshin wodiyemmi nuggishoo, konine?” iye.

Daaneeli 8:11

Shimaayeexi ginee iraashoo tuneti Yeerina tookkii bi tatemmi wottoon bi qelloon oogiihe; Yeerich qemi qemona micciibeeti deejjoon echiihe; yaafee kexonoo eeꞌiihe.

Mishiraachechinaꞌo 19:26

Tunebaani hini Phawuloosi ‘Ashi kishoona shuuneeti malleteenaꞌo nuggisheenaꞌo tooneenaꞌone’ ii beetone; Efesooni katemooch baach tuneyaanoon giisheche katemoyee besh, Isiyee showoo bulliich beeti meeti asheenaꞌo bi yibbaatoon iberoo tuniiꞌi boonoshi muricon beeggiibeeto, waayeenoo beeto ittoshine.

Galaati 1:10

Illa and naadoon danoon ta qaawaabeeto, ashi waaneeniyee Yeer waaneeniye? Woyee ashoon emirikkoon qaawaa beetote? Ashoon emirikkoon qaawaabeeto ta tunemmogaata, Kiristoosichi maddecho tuneyaachesho taane.