2 Kiinoo 32:13 - Kafa Linguistics Project

¹³ “ ‘Ta qaabbechinaꞌonaa taanna bare showee asheenaꞌo bulli toommooch amoon no tuniito gaata ariyaachote? Are showee asheenaꞌochi nuggisheenaꞌo boonoshi showoon ta kishoochee wodiyoon hakkiteete?

2 Kiinoo 32:13 ပူးပေါင်းရင်းမြစ်များ

2 Taateenaꞌo 15:29

Israꞌeelee taatoo Feqaahichi taatee yemeenooch Asooree taatoo Tigilaat Fileseeri waaꞌi, Iyooni, Abeel Beet Maꞌaki, Yanoohi, Qedeeshinaa Hatsoorina getteebeeti katemeenaꞌon, Gilaadee showoon, Galiilee showoonaa Nifitaalee showoo bullinon yechiye; asheenaꞌonoo kecciꞌi, Asooree showooch daammiye.

2 Kiinoo 32:14

Ta qaabbechinaꞌo aalliiti, ebi taateenaꞌochi nuggisheenaꞌo bulliichee, bi asheenaꞌon ta kishoochee wodiyoon hakkiti nuggishoo aabine? Ishigaata, ittoshi nuggishoo ta kishoochee ittoshin aabichiree wodiyoon hakkehe?

2 Kiinoo 32:19

Boonoshiyoo ashi kishoona shuuneeti, aageteenaꞌochi nuggisheenaꞌo toommooch boonoshi yibbaatetoommon, Yerusaalemi Nuggishoo toommooch yibbaateheete.

Isiyaasi 10:14

Kishoon daachiiꞌi kafee kexon yeshoommon, aageteenaꞌo gaannooch ta kishoon daachiihoye; gabexoon asho kicoommon, showoo bullin kiciyoye; ebin ta tunii beetaa, qoshoon yexxito, noonoon wochiꞌi cookito koniyoona aalloone” itone.

Erimiyaasi 10:16

Tunebaani Yaaqobichi Nuggishoo boonoshiyoommo toonoone; aroo bulli mooyon hallitone; Israꞌeeliyoo biich bariti maccoone; bi shigoo Beshe Mawe Doono Yeerine.

Daaneeli 4:30

ishichiye: “Ebi Baablooni am shaahe ooge katemoo gaata ciinote. Ebi katemoon ooge ta giidoona taatoo beeyi xaaꞌoon tuniyaꞌa ta shuuniito, ta oogee yiiroon bekkiyoyichiye” iye.

Daaneeli 4:37

Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

Daaneeli 5:19

Ebi shaahe oogoon biich bi immitoyich, ashi yaroo bulliichee, aagetoo bulliichee, asho yibbaateebeeti noonoo bulliicheenoo tuneti asheenaꞌo bulli biin shattiꞌi qewetinaꞌone. Wuxiya bi qaawiton wuxii, wodiiya bi qaawitonoo wodii beehe. Oogiiya bi qaawiton oogii, giishiiya bi qaawitonoo giishii beehe.

Mishiraachechinaꞌo 19:26

Tunebaani hini Phawuloosi ‘Ashi kishoona shuuneeti malleteenaꞌo nuggisheenaꞌo tooneenaꞌone’ ii beetone; Efesooni katemooch baach tuneyaanoon giisheche katemoyee besh, Isiyee showoo bulliich beeti meeti asheenaꞌo bi yibbaatoon iberoo tuniiꞌi boonoshi muricon beeggiibeeto, waayeenoo beeto ittoshine.

1 Qorontoosi 8:4

Illa and shahalloyich deejjeeti deejjoon mamichon bi tunegaata, shahalloo koote nuggishoo bi tunoonaa ikke Yeeriyee damba bare nuggishoo aallo bi tunoonon ariibeeto noone.