2 Kiinoo 31:21 - Kafa Linguistics Project

²¹ Doono Yeerichi yaafee kechi maddoon tunetaa, Doono Yeerichi sheeroonaa getoonon ceechoon ciinnii beetona, bi tuniibeeto bullin bi ceeni mulloona Doono Yeerin gibenoona tuniihe; biichoo mooyo mashaamiye.

2 Kiinoo 31:21 ပူးပေါင်းရင်းမြစ်များ

1 Taateenaꞌo 2:4

Ebin ne tuniigaata, Doono Yeeri taach ‘Ne yareenaꞌo ta getoon boonoshi waayegaata, ta aafooch ceeni boonoshi mulloonaa ceeni boonoshi kashoona gibeneeto tuneꞌi boonoshi giyii keyigaata, Israꞌeelee taatee qeenooch kotemmi asho ne yaroochee mucceyaachemmone’ bi iti qaaro ceennemmone.

2 Taateenaꞌo 18:7

Doono Yeeri biinna tookkii bi beetoyich, bi tuniibeeto bulli biich kaamehe. Asooree taatoo toommooch hukkoon tiijjiꞌi biich hajjeyoon qajjiye.

1 Kiinoo 22:13

Doono Yeeri Muusina bi immiti sheeroonaa qociyoonon manjiyaꞌa ne quyegaata, mooyo neech kaamemmone. Kupphebe; maac kuxo tunebe; shattaahine; ne gibenoon kuxxaahine.

1 Kiinoo 22:19

Andoo ittoshi Nuggishoo Doono Yeer waan wottoyich ittoshi mulloonaa ittoshi gaboonon ikkochibote; tiyiree Nuggishoo Doono Yeerichi yaafee kexon ittoshi hagaa, Doono Yeerichi wogee taabootoonaa yaafeeti yaafee kechi qiiceenaꞌona Doono Yeerichi shigoyich hakkemmi yaafee kexooch gibeete” iye.

2 Kiinoo 14:6

Showoo diggoon bi danetoyich, Yihudee showooch mishigechi katemeenaꞌon shuunehe. Doono Yeeri bi yemeenoon diggoo bi tuniitoyich, aroobee yemeenooch tiyiti koyo aalloone.

2 Kiinoo 14:7

Aroochee Aasi Yihudee asheenaꞌoyich ishichiye: “Hini katemeenaꞌon shuunebone; boonoshi guudoonoo xaqqee uxereenaꞌon, dilaaleenaꞌon, shaaqqeenaꞌonaa boonoshi tuggeenaꞌonon gedone. No Nuggishoo Doono Yeer waan no wottetoyich, showoo noocho tunetone. Bi waan no wottetoyich, biyoo bulli gommona noon kashiitone” iye. Boonoshiyoo shuuneheete; boonoshichoo kaamehe.

2 Kiinoo 20:26

Awuddinnee qemooba Baraaki bambooch kiceeheete; aroochaanoo Doono Yeerin galleteheete. Ebich are xaaꞌoo hanaach beddaahaa Baraaki Bamboo getaa ceekkehe.

2 Kiinoo 26:5

Yeerin shaton biich dojjiti Zakaariyaasi kashoona beeti yemeenooch Yeerich gibeneeton tunehe. Doono Yeerich gibeneeton bi tunetooba, Yeeri mooyon biich mashaamiihe.

Shoddo 119:2

Bi geteenaꞌon quyee beetinaꞌo, boonoshi ceeni mulloona biin qaawii beetinaꞌo, diireetinaꞌone.

Shaahiyoo 3:10

Ebin ne tuniigaata, ne gotoo maayoona ceennemmone; ne woyinee goonooch woyinee uyo ceeni ufemmone.

Shaahiyoo 3:9

Ne hajjitona, ne maayoocheenoo qaabbii shaggitona Doono Yeerin oogiibe.

Dojjecho 9:10

Ebi ne hamma iyaabeeti maash shuunoonaa gaboona, ariyoonaa shalligoona aallo bi tunetoyich, ne shuunoo bullin neech beeti hakkoona shuunebe!

Erimiyaasi 29:13

Taan qaawemmo ittoshine; ittoshi ceeni mulloona taan qaawiree danemmo ittoshine.

Maatiyoosi 6:33

Tunebaani shiichi Yeerichi taatittineen, bi cadiqoonoo qaawibote. Arooba ebi bullin bi ittoshich daakkemmone.

Yibbaatoo 10:12

“Andoo Israꞌeelo, ne Nuggishoo Doono Yeeri ne waanee bi qaawiibeeto, amooniye? Ne Nuggishoo Doono Yeerin ne shattemmoyich, bi gommo bullina ne hammemmoyich, biin ne shunnemmoyich, ceeni ne mulloonaa ceeni ne kashoona biich ne goyinne maddemmoyich,

Yibbaatoo 29:9

Ebich ittoshi tuniibeeti mooyo bulli ittoshich bi kaamemmoyich, hini wogeeti wogoon manjii quyebote.

Yibbaatoo 6:5

Newoo ne Nuggishoo Doono Yeerin ceeni ne mulloona, ceeni ne kashoona, ceeni ne giidoona shune.