2 Kiinoo 31:14 - Kafa Linguistics Project

¹⁴ Lewoo, aabi-keyo waanee kelloon quyeebeeti, Yimini bushoo Qoori, mullee daaggoona Doono Yeerich icheti gijjoonaa yaafeeti mooyinaꞌonon qoodoyich ukkirehe.

2 Kiinoo 31:14 ပူးပေါင်းရင်းမြစ်များ

Halloo 46:17

Aseerinaa bi anaami bushiishoo: Yimini, Yishiwaahi, Yishiwinaa Beeriyinane. Boonoshi manee Seerine. Beeriyichi anaami bushiishoo: Hebeerinaa Malikelinane.

1 Kiinoo 26:12

Kellechinaꞌo boonoshi ukkireenaꞌo kishooch tuneꞌi, boonoshi maneenaꞌochoommon Doono Yeerichi yaafee kechi shuunoon shuunoyich shuunee kaallo boonoshich beetone.

1 Kiinoo 26:14

Aabi-keyo waani kellee ixoo Shelemaayin yechiye. Aroochee ciicon ariyechi bi bushoo Zakaariyaasich ixoon duppiyeete. Bi ixoo dambi-waani kelloon yechiye.

1 Kiinoo 26:17

Aabi-keyo waanaa shiritte kellechinaꞌo, dambi-waanaa awudde kellechinaꞌo, deshi-waanaa awudde kellechinaꞌo, qiicee kexooch wotta gutte Leweenaꞌo tuneꞌi qemi qemona quyee beeheete.

2 Kiinoo 31:13

Konaniyinaa bi manoo Shimeꞌinoyee desh tuneꞌi, shuunoyich, Yehiꞌeeli, Azaziyi, Nahaati, Asaheeli, Yerimooti, Yozabaadi, Eleli, Ismakiyi, Mahaatinaa Beenayinon taatoo Hiziqiyaasinaa qeeshee guudo Azariyaasina ukkiriiheete.

2 Kiinoo 31:15

Qeesheenaꞌo beeti katemeenaꞌooch tuneꞌi Edeni, Miniyamini, Yaasi, Shemayaahi, Amariyinaa Shekaniyina biin gaachee beeheete; boonoshiyoo gibeneeton tuneꞌi boonoshi maneenaꞌo tuneti qeesheenaꞌoyich, ogoogeenaꞌonaa gishiisheenaꞌonoyich boonoshi kuxi kuxona boonoshi qoodi qoodoon immii beeheete.

Iziri 1:4

Yeerichi kexon haggoyich hammemmi asho bulli beeti amee showoocholla beeti asheenaꞌo Yerusaalem beeti, Yeerichi kexo hakkemmoyich, mullee daaggoona boonoshi immemmi wojjoon, wotta birewoon, aachoon, qiicoonaa gijjeenaꞌonon giddiyoona biin gaachebeete” iye.

Iziri 3:5

Ebiyee gubb, qemi qemona micciibeeti deejjoon, agenee keyi baaree deejjoon, Doono Yeerich yaafeeti baaroo bullichi deejjoonaa mullee daaggoona asheenaꞌo Doono Yeerich immiti wojjoonon giddiiheete.

Iziri 7:16

Baabloonee showoochee ne danemmi aachoonaa birewoo bullinon, asheenaꞌonaa qeesheenaꞌona Yerusaalem beeti boonoshi Nuggishoo kexoyich mullee daaggoona boonoshi immimmon yeshiree hambe.

Nehimi 13:13

Qiicee kexinaꞌoochoo qeeshoo Shelemaayin, Muusichi Sheeree dojjechi Sadooqinaa Leweenaꞌo daggoochee Fedayinon ukkiriiho; wotta boonoshin bi gaachemmoyich, Mataniyi bushoochi bushoo, Zakuuri bushoo Hanaanin ukkiriiho; boonoshin ta ukkiriito, gibeneetinaꞌo tuneꞌi boonoshi danetoyichiye. Boonoshi shuunoo, maayoon boonoshi maneenaꞌoyich qoodoone.

Shoddo 119:108

Doono Yeero, ta galletee deejjoon deꞌe; ne geteenaꞌon taach dojjibe.

Leweenaꞌo 2:10

Maayi buuroochee echeto Harooninaa bi anaami bushiishoonoyich tunebe. Doono Yeeri taach deejjeeti maayoochee tiijjeeto bi tunetoyich oogeti yaafoone.

Leweenaꞌo 22:18

“Haroonich, bi bushiishoonaa Israꞌeeleenaꞌo bullinoyich ishichibe: ‘Ittoshi daggoochee Israꞌeelee asho woyee Israꞌeelee showooch koteti shiqqoo tiikkeshoon woyee mullee daaggoona giddeebeeti, micciibeeti deejjoon Doono Yeeri taach bi giddiigaata,

Leweenaꞌo 23:38

Ebi baareenaꞌo Doono Yeeri ta shambetoyee, ittoshi immemmi wojjoyee, ittoshi giddiyemmi tiikkeshoyee, mullee daaggoona Doono Yeeri taach ittoshi immiibeeti mooyo bulliyee bareenaꞌone.

Leweenaꞌo 27:28

“ ‘Tunebaani wottaaye, getaa mookkeeꞌi taach kechiti mooyo amolla, asho tuneba gijjoo woyee woraasheeti showoo tuneba kecheyaachemmone; wochenoo deqqeyaachemmone; Doono Yeeri taach kechiti mooyo bulli oogeti yaafoone.

Haddoo 29:39

“ ‘Micciibeeti ittoshi deejjeenaꞌon, ittoshi maayi buureenaꞌon, ittoshi uyee deejjeenaꞌonaa ittoshi ikkittinee deejjeenaꞌonon maacheeti ittoshi baaree aabooba Doono Yeeri taach deejjibote. Ebiyoo tiikkeshoonaa ittoshi mullee daaggoona ittoshi deejjiibeeti deejjoonoyee baroone’ gete” iye.

Yibbaatoo 12:17

Ne maayoochee, ne woyinee uyoonaa ne zayitoonoochee ne kichiti asraatoon woyee ne gijjoochee shiichii shiijjeton woyee Doono Yeerich ne mookketi ne tiikkeshoo amoonolla woyee ne mullee daaggoona ne immaabeeti mooyo woyee bare wojjoo amoonolla, ne katemoochaa maayaahine.

Yibbaatoo 12:6

Micciibeeti ittoshi deejjoonaa bare deejjoonon, ittoshi danee beetoochee kechiibeeti asraatoonaa ittoshi wojjoonon, ittoshi mookketi tiikkeshoonaa ittoshi mullee daaggoona ittoshi immiibeeti wojjoonon, ittoshi gijjeenaꞌoochee shiichii shiijjetonoo arooch deebote.

Yibbaatoo 16:10

Aroochee ne Nuggishoo Doono Yeeri neen bi diiritoommon, ne daaggoona ne giddiibeeti wojjoon giddiiree, ne Nuggishoo Doono Yeerin oogiyoona Maayi Qeci Baaroon baaribe.