2 Kiinoo 31:1 - Kafa Linguistics Project

¹ Ebi bulli tunetoyee gubb, arooch beeti Israꞌeeleenaꞌo Yihudee showooch beeti katemeenaꞌooch hammiꞌi, bullinolla boonoshi aalliimmi wottoon goyinnee xaqqee giimbeenaꞌon tiichiyeete; Asheeri misiloon kuxxiyeete. Yihudichi, Biiniyaamichi, Efreeminaa Minaasinochi showooch beeti guudi toommeexi goyinnee xaaꞌeenaꞌonaa deejjee gudeenaꞌonon happiyeete. Ebiyee gubb, Israꞌeeleenaꞌo boonoshi katemeenaꞌooch, boonoshi kexi kexooch wotteheete.

2 Kiinoo 31:1 ပူးပေါင်းရင်းမြစ်များ

Halloo 19:15

Showoo hariya gaargaariye. Maraakeenaꞌo Looxich “Kaate tibe! Ne mecheenaa hiniich beeti, ne gutte maache bushiishoonon yeshiree keye. Katemeexi asheenaꞌo toommooch shaggemmi naxoona hidaa ittoshi aalleyaachemmoyich keyote” iibee afaafinikkiyeete.

2 Taateenaꞌo 17:2

Biyoo Doono Yeeri aafooch gonde mooyon tuniihe. Tunebaani bi tuniito, biyee aafi Israꞌeelee taateenaꞌochoommon toonoone.

2 Taateenaꞌo 18:22

Ittoshiyoo taach, “No Nuggishoo Doono Yeerin gibenemmo noone” ittoshi getaachemmoyich, Hiziqiyaasi Yihudee asheenaꞌonaa Yerusaalemi asheenaꞌonoyich, “Ittoshi goyinnemmo, Yerusaalem beeti deejjee gudee aafoochiye” getona, guudi toommeexi, Doono Yeerichi goyinnee xaaꞌeenaꞌonaa deejjee gudeenaꞌonon aalliitone.

2 Taateenaꞌo 18:4

Guudi toommeexi goyinnee xaaꞌeenaꞌon happii aalliihe; goyinnee xaqqee giimbeenaꞌonoo tiichiye; nuggishee Asheeri misiloon kuxxii duppiye. Arooba beddaahaa Israꞌeeleenaꞌo ixaanoon aroyich shookkii boonoshi beetoyich, Muusi gooshoochee shuuneti, Nehushitaani getteebeeti dingeree misiloonoo tiichiye.

2 Kiinoo 14:2

Aasi bi Nuggishoo Doono Yeeri aafooch gaawetonaa kaamoona tuneti mooyon tuniihe.

2 Kiinoo 14:3

Biyoo dallaawe nuggisheenaꞌochi deejjee gudoonaa guudi toommeexi goyinnee xaaꞌeenaꞌonon aalliihe. Boonoshi goyinneebeeti xaqqee giimbeenaꞌon tiichiye. Boonoshi nuggishee Asheeri misileenaꞌon kuxxii dichiye.

2 Kiinoo 23:17

Asheenaꞌo bulliyoo Baꞌaalee yaafee kexooch hammiꞌi, kexon happiyeete. Bi deejjee gudeenaꞌonaa misileenaꞌonon tiichii aalliiheete; Baꞌaalee qeeshoo Mataaninoo deejjee gudee aafoochaa wuxiyeete.

2 Kiinoo 32:12

Yihudee asheenaꞌonaa Yerusaalemi asheenaꞌonoyich, “Ikke deejjee gudooch baach ixaanoon shoohibee aroochaa goyinnebote” getona bi Nuggishoochi guudi toommeexi goyinnee xaaꞌeenaꞌonaa deejjee gudeenaꞌonon happii aalliito, Hiziqiyaasi toone?

2 Kiinoo 33:3

Bi nihoo Hiziqiyaasi happii aalliiti, guudi toommeexi goyinnee xaaꞌeenaꞌon wochinnoon shuunehe; Baꞌaaloyich deejjee gudeenaꞌon shuunehe; nuggishee Asheeri misileenaꞌon neechiye; shimaajji xojjeno bullichoo goyinnee maddehe.

Asteeri 4:16

“Hamiree Suusa beeti Ayihudeenaꞌo bullin ikkittinoona kicibe; taachoo coomibote; keejje areddoonaa keejje xumoonon amoonolla maayaahote; uchaahote; taannaa ta naayinaꞌo tuneti maache bushiisheenaꞌona ebiyoommon coomemmo noone. Aroyee gubb, sheeroona bacheto bi tunetaanoona, taatoo waan giyemmi taane; ta qitenoo qitibona” iyan.

Keyo 23:24

Boonoshi nuggisheenaꞌoyich goyinne maddeyaahine. Boonoshi tuniibeeti doyoon dabbiyaahine. Boonoshi nuggisheenaꞌochi misiloon happi aalliibe. Boonoshi goyinneebeeti xaqqee giimboon tiishi burice.

Keyo 34:13

Boonoshi deejjee gudoon happibote. Boonoshi goyinneebeeti xaqqee giimbeenaꞌon tiishi buricote. Boonoshi nuggishee Asheeri misileenaꞌon kuxi dichibote.

Isiyaasi 17:8

Boonoshi kishee shuunoo tuneti deejjee gudeenaꞌon gibeneyaachemminaꞌone; boonoshi yaphereenaꞌo shuuneton, Asheeri misiloon woyee ixaanee deejjee gudoon gibeneyaachemminaꞌone.

Yibbaatoo 7:5

Tunebaani boonoshi toommooch ebin tuniibote. Boonoshi deejjee gudoon happi aalliibote. Boonoshi goyinnee xaqqee giimboon tiishi buricote. Boonoshi nuggishee Asheeri misiloon kuxote. Boonoshi shahalloon qaaqqoona michibote.