2 Kiinoo 30:8 - Kafa Linguistics Project

⁸ Ittoshi qaabbechinaꞌo tunetoommon, babberoo tuneyaahote. Ittoshi qelloon Doono Yeerich hajjiibote; bulli yemeenoon bi yaafiti yaafee kexooch wobote; kupphe bi kaaro ittoshi waanee bi wottemmoyich, ittoshi Nuggishoo Doono Yeerich goyinnebote.

2 Kiinoo 30:8 ပူးပေါင်းရင်းမြစ်များ

2 Taateenaꞌo 23:26

Tunebaani Yihudee taatoo Minaasi biin ippiyoyich tuniiti gonde mooyo bullichi naboona Yihudee showee toommooch cufiti, Doono Yeerichi shattiiti kaaro aqqeyaanoone.

1 Kiinoo 29:24

Ukkireenaꞌo bulli, ginee naayinaꞌonaa taatoo Daawiti bushiisheenaꞌo bullina taatoo Solomoonich gibeneetinaꞌo boonoshi tunoon xiishiyeete.

2 Kiinoo 28:11

Illa waayebote. Doono Yeerichi kaaree shiixxoo ittoshi toommooch bi aaxxetoyich, kecciꞌi ittoshi deebiti ittoshi xibeenaꞌon wochibote” iye.

2 Kiinoo 28:13

“Ebi keceenaꞌon no waan deebaahote; axaaxoon shuunaꞌa Doono Yeerin no xuꞌona, bi kaaree shiixxoo no toommooch bi kindemmoyich tuniito noone. Andoo xuꞌoon daakki no shuunemmoyich qaawii beetote?” iyeete.

2 Kiinoo 29:10

Andoo bi kaaree shiixxoo no waanee bi wottemmoyich, Israꞌeelee Nuggishoo Doono Yeerina tookki wogoon gimoyich ta mulloona gabito taane.

2 Kiinoo 36:13

Sedeqiyaasi Yeerina biin wogiiti taatoo Nabukadinatsori toommooch hukkoon shuunehe. Israꞌeelee Nuggishoo Doono Yeer waan wottoon qajjii, bi mulloon manjiiꞌi babberoo tunehe.

2 Kiinoo 7:16

Andoo ta shigo aroochaa bulli yemeenoon bi ceekkemmoyich, hini yaafee kexon kaacceto taane; yaafiyanoo ito taane. Ta aafoonaa ta mulloona bulli aabooch arooch tunemmone.

Iziri 10:14

Ebich no ukkireenaꞌo, iiteenaꞌo bullichi qoodooch neexebeete; no katemoo bulliich beeti, dallaawe maacheenaꞌon shaaggitinaꞌo bulli boonoshi katemi katemoo bulliichee taajji taajjee aabooba wobeete; boonoshi katemi katemeexi geeneenaꞌonaa nallechinaꞌona boonoshina tookki wobeete. Ebina no toommooch kinditi, no Nuggishoochi kaaree shiixxoo no waanee wokkemmone” iyeete.

Iziri 10:19

Boonoshiyoo boonoshi mecheenaꞌon gawukkoyich wogoon giyiyeete; boonoshi xuꞌoyich deejjeyemmi, ikkikke bagee baaddoon boonoshi gijjoochee deebiyeete.

Shoddo 63:2

Ne yaafee kexoochaa neen ciinneho; ne hakkoonaa ne oogoonon beeggehoye.

Shoddo 68:24

Yeero, deenaa ne hamo, ta Nuggishoo, ta Taatoo ne, yaafee kexooch deenaa ne hamo, bekkehe.

Shoddo 68:31

Iraasheenaꞌo Gibitsee woyemminaꞌone; Topphiyee bi kishoon Yeer waan yaggemmine.

Shoddo 73:17

Ebiyoo Yeerich yaafee kexooch ta giyemmi wottooniye. Ta giyetoyee gubb, gondeenaꞌochi ciiro amo gaata ariihoye.

Shoddo 78:49

Aalloon deebiibeeti maraakoon deejjiꞌi, naxoona, aalliyoonaa xuuxiyoona, bi kaaree shiixxoon boonoshi toommooch kindiihe.

Keyo 32:9

Doono Yeeriyoo daakkiꞌi Muusich ishichiye: “Ebi asheenaꞌon beeggeto taane; boonoshiyoo babbereenaꞌone.

Erimiyaasi 50:15

Doono Yeerichi nichee kichoo bi tunetoyich bi guudoochaa cookibote; kishoon immitone; bi mishigo shekiretone; bi uxeroo dihitone; bi toommooch nichoon kichibote; bi shuunetoommon bi toommooch shuunebote.

Maatiyoosi 4:10

Arooba Yesuusi daabiloosin “Hini Sheexaanoocho! Ta aafoochee wohe! ‘Doono Yeerich goyinnebe; biich baach maddebe’ getaa Yaafe Macaafooch kooreetone” iye.

Yowannisi 12:26

Taach maddoon qaawiibeeto, taan dabbibe; ta beetooch hini are ta maddecho wotta beeyemmone; taach maddee beetoyich Nihoo Yeeri oogoon immemmone” iye.

Roomi 10:21

Tunebaani Israꞌeeleenaꞌochon, “Yeeri ‘Maaddoochee xum beddaahaa taach deꞌa getaani hukkechi asheenaꞌoyich ta kishoon yaggiyoye’ itone” iye.

Roomi 6:22

Tunebaani and axaaxee guuchittinoochee kechiꞌi Yeerich hajjeebeeti guuno tuneto ittoshine; Yeerich yaafeeti gaacecho ittoshine; ebiyoo ciiroochaa bulli yemeenee kashoochiye ittoshin bi shakkiyemmo.

Yibbaatoo 10:16

Illa ebich, ebiyee damba Doono Yeerich deꞌa getote. Babberittinoonoo qayote.

Yibbaatoo 6:13

“Ne Nuggishoo Doono Yeerin shate. Biich baach goyinne maddebe. Bi shigoona baach wogebe.

Yibbaatoo 6:17

Ittoshi Nuggishoo Doono Yeeri ittoshich gettiti getoon, doyoonaa qociyoonon manjii quyebote.

Yaasi 24:15

Tunebaani Doono Yeerich goyinnee maddoo ittoshich gaaweto tuneꞌi bekko bi qayigaata, ittoshi qaabbechinaꞌo Efiraaxisee beqach beeti Mesopotaamee showooch boonoshi beehooba, boonoshi goyinnee maddeti nuggisheenaꞌoyich woyee boonoshi showooch ittoshi beeti Amooreenaꞌo goyinnee maddeti nuggisheenaꞌoyich goyinne maddemmo ittoshi tunegaata, ittoshi goyinne maddemmon hanaach goomiree kaacote. Tunebaani taannaa ta kechi asheenaꞌona no goyinne maddemmo Doono Yeerichiye” iye.

Yaaꞌoo 7:15

Ebich, Yeerichi taatee qeechi aafooch beechii, areddoonaa xumoonon yaafe bi kexoochaa biich maddee beetinaꞌone; taatee qeenooch kotetoo boonoshi toommooch yiiroo tunemmone.