2 Kiinoo 30:6 - Kafa Linguistics Project

⁶ Taatoochi getoommon, wocheyechinaꞌo taatoonaa iraasheenaꞌonochi koorichoon yechiꞌi, Israꞌeelee showoo bullinaa Yihudee showoo bullinooch hammiyeete. Koorichoo ishichii beetone: “Israꞌeeleenaꞌote, Asooree taateenaꞌo kishoochee muriccii echeti curo ittoshi waan bi wottemmoyich, Abrahami, Yisaaqinaa Israꞌeelinochi Nuggishoo Doono Yeer waan wottebote.

2 Kiinoo 30:6 ပူးပေါင်းရင်းမြစ်များ

1 Taateenaꞌo 18:36

Womikkee deejjee saato bedaa keemechi Eliyaasi giddeꞌi, “Abrahamichi Nuggishoo, Yisaaqichi Nuggishoo, Israꞌeelichi Nuggishoo Doono Yeero, ne, Israꞌeeleenaꞌo toommooch Nuggishoo ne tuno, tawoo ne guuno ta tuno, ebinoo ne qaaroona ta tuniyoo hanaach arichebe!

2 Taateenaꞌo 15:19

Asooree taatoo Fuuli Israꞌeelee showoon kocha waahe. Minahemi biin gaacheree bi taatittinoon bi manjiyemmoyich, shaashaa awudde hume kiilo giraamee birewoon Fuulich immiye.

2 Taateenaꞌo 15:29

Israꞌeelee taatoo Feqaahichi taatee yemeenooch Asooree taatoo Tigilaat Fileseeri waaꞌi, Iyooni, Abeel Beet Maꞌaki, Yanoohi, Qedeeshinaa Hatsoorina getteebeeti katemeenaꞌon, Gilaadee showoon, Galiilee showoonaa Nifitaalee showoo bullinon yechiye; asheenaꞌonoo kecciꞌi, Asooree showooch daammiye.

1 Kiinoo 29:18

No qaabbechi Abrahami, Yisaaqinaa Israꞌeelinochi Nuggishoo Doono Yeero, ebi gaboo bulli yemeenoon ne asheenaꞌo mullooch bi beeyemmon tuniibe; boonoshi mulloonoo ne waan wochibe.

1 Kiinoo 5:26

Ebich Israꞌeelee Nuggishoo Asooree taatoo Fuulichi (Biyoo wotta Tigilaat Fileseeri getteehe.) mulloon shuurikkiye. Biyoo waaꞌi Roobeelinaa Gaadinoch yoodeenaꞌonaa Minaasi yoodoochee qatinaꞌonon keccii daammiꞌi, and beddaahaa Halaahee showooch, Habooree showooch, Haraahee showoonaa Gozaani aachi gaꞌoonooch boonoshi kotemmoyich tuniihe.

2 Kiinoo 28:20

Asooree taatoo Tigilaat Fileseeri bi waan waaꞌi biin xuuxiihalli, biin gaacheyaanoone.

Asteeri 3:13

Koorichoo afaafinoona daami shakkiyemmi wocheyechinaꞌo kishoona taatoochi showooch beeti woraafeenaꞌo bulliich hammiye. Ebi koorichooch beeto, Adaari getteebeeti, aaraa guttinnee agenee aaraa keejjinnee qemooba ikke areddoon Ayihudeenaꞌo, gurimaashoonaa geenoona, bushoonaa maacheena getteyaanoon bulli wuxaa, hidaa boonoshi aallemmonaa boonoshich beeto bulli bokkemmonoyich gettii beetone.

Asteeri 8:14

Ebich taatee kexeexi haresheenaꞌon yebbeti wocheyechinaꞌo taatoo getaa, afaafinoona kechii hammiyeete; awaajjoo wotta inde katemoo Suusaa getteehe.

Iyoobi 9:25

“Ta yemeeno, wocciibeeti ashoyee beshoon afaafinehe; ikke deꞌe mooyonona taach bekkiyaanoon beshehe.

Isiyaasi 1:9

Beshe Mawe Doono Yeeri curoon nooch bi echiyaan gaata, Sodoomin tunesho noone; Gomoorinoo shaahesho noone.

Isiyaasi 6:13

Aashire ashoochee ikkoo bi eche gaatoona, geellee mixo woyee meellee mixo kuxaa aalloommon aallemmone; bi xugo yaafeeti yaroon tunemmone” iye.

Erimiyaasi 29:1

Yerusaalemee Baabloonee showooch Nabukadinatsori keccii daammiti geeneenaꞌoyich, qeesheenaꞌoyich, keemechinaꞌonaa asho bullinoyich, keemechi Erimiyaasi Yerusaalemee ebi koorichoon daachiihe.

Erimiyaasi 3:14

“ ‘Hini gibeneyaani bushiisheenaꞌote, ta ittoshi Doono ta tunetoyich ta waan wottebote; ikke katemoochee ikkoon, ikke yaroochee guttoon Tsiyooni guudooch deebemmo taane’ iye Doono Yeeri.

Erimiyaasi 4:1

Doono Yeeri ishichiye: “Israꞌeelo! Ne wottemmo gaata, ta waan wottebe. Ciigiiti mooyon ta aafoochee ne wokkiigaata, yallyallimoon ne qayigaata,

Erimiyaasi 51:31

Katemoo okkee hach beddaahaa bi yechoon Baabloonee taatoyich getoyich, ikke woccecho bare woccechona, ikke wocheyecho bare wocheyechona danoyich woccemmone.

Shoosho 3:40

No gommon huushi boshebone; Doono Yeer waan wottebone.

Shoosho 5:21

Doono Yeero, ne waan noon wochibe; nowoo wottemmo noone; no yemeenoonoo wonneechoommon andiriibe!

Hiziqeeli 33:11

‘Ta, beeyechi Nuggishoo Doono Yeeri ta tunoona wogehoye: Axaaxecho bi gommoochee wotteree kashoona bi beeyemmoyichani, bi qitoona emiraache. Israꞌeelee macceenaꞌote, wottebote. Ittoshi gonde gommoochee wottebote. Amoyichiye ittoshi qitemmo?’ itone gete.

Hosee'i 14:1

Israꞌeeleenaꞌote, ittoshi axaaxee naboona ittoshi dihitoyich ittoshi Nuggishoo Doono Yeer waan wottebote!

Hosee'i 6:1

Asheenaꞌo ishichiyeete: “Ittoshi waataa Doono Yeer waan wottebone. Bi noon tiichitone; bi noon guuci wodiyemmone. Bi noon mayiitone; bi noon wodiyemmone.

Zakaariyaasi 1:3

Tunebaani and ittoshich gettoye: Ta waan wottebote; tawoo ittoshi waan wottemmo taane.

Zakaariyaasi 1:4

Ittoshi qaabbechinaꞌon shaahiyaahote. Ebiyee aafi keemechinaꞌo boonoshich, ‘Beshe Mawe Doono Yeeri, ittoshi gonde gommonaa gonde shuunoonoochee wottebote, itone’ iꞌi gettiyeete; tunebaani boonoshi waayemmon qajjiꞌi ta getoonoo aaxxiyaache iyeete.

Yaaqobi 4:8

Yeer waan katinote; biyoo ittoshi waan katinnemmone. Hini axaaxechinaꞌote, ittoshi kishoon xalliibote. Gutte gabechinaꞌote, ittoshiyoo wotta ittoshi mulloon xalliibote.