2 Kiinoo 30:27 - Kafa Linguistics Project

²⁷ Aroochee qeesheenaꞌonaa Leweenaꞌona tiyiꞌi, asheenaꞌon diiriyeete. Doono Yeeriyoo waayehe. Boonoshi corooto shimaayooch, Doono Yeeri beeyi xaaꞌooch shaggiye.

2 Kiinoo 30:27 ပူးပေါင်းရင်းမြစ်များ

1 Taateenaꞌo 8:30

Ne guuno taannaa ne asheenaꞌo tuneti Israꞌeeleenaꞌona, hini xaaꞌoo waan wottaachaa, no corootaabeeti corootoon waayebe; ne beeyi xaaꞌoo tuneti shimaayoochaa waayeree noon maaribe.

1 Taateenaꞌo 8:39

ne beeyi xaaꞌoo tuneti shimaayoochaa waayebe; maarishoo gete. Asho bullichi mulloon ariyaabeeto ne baach ne tunetoyich, bi mulloon ne ariibeeti asho bullich bi shuuni shuunoommon qoce.

2 Kiinoo 23:18

Yoyaadi qeesheenaꞌonaa Leweenaꞌonon Doono Yeerichi maddooch ukkiriihe; boonoshi shuunoo Daawiti gettiti mooyinaꞌon tuniyoonaa Muusichi Sheerooch bi kooreetoommon micciibeeti deejjoon Doono Yeerich giddiyoonane. Ebiyoommon wotta Daawiti gettitoommon, emiroonaa shoddoona baaroon baaroone.

2 Kiinoo 6:21

Ne guuno taannaa ne asheenaꞌo tuneti Israꞌeeleenaꞌona hini xaaꞌoo waan wottaachaa no corootaabeeti corootoon waayebe; ne beeyi xaaꞌoo tuneti shimaayoochaa waayeree noon maaribe.

Shoddo 68:5

Yaafeeti bi xaaꞌooch beeti Yeeri, nihaalleenaꞌoyich nihoone; xuumeenaꞌoyich shaxoone.

Keyo 39:43

Muusiyoo ebi shuuneeti mooyo bullin Doono Yeeri gettitoommon tuniiꞌi boonoshi shuunoon beeggiye; boonoshinoo diiriye.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 63:15

Doono Yeero, yaafoonaa oogee yiirechona tuneti ne beeyi xaaꞌoo, shimaayoochaa dugilla ciine; ne qanaatoonaa ne giidoona aaye? Noon ne sharaatoonaa ne ariqqoona noyee wokkitone.

Isiyaasi 66:1

Doono Yeeri ishichiye: “Shimaayoo ta taatee qeenone; showoo ta baatoo neexxemmi xaaꞌoone; ishigaata taach ittoshi haggemmi kexo am shaahoone? Ta kashemmi xaaꞌochi amoommone?

Yoonaasi 2:7

“Doono Yeero, ta kashe kech beddaachee neen gabiyoye; ta qolloo ne waan, yaafoo tuneti, damba ne yaafee kexooch kechiye.

Mishiraachechinaꞌo 10:4

Biyoo keqqoona manjiiꞌi ciinniibee, “Ta doonocho, amoone?” iye. Are maraakoo ishichiye: “Ne corootoonaa girechinaꞌon ne degona shalligichoo tuneꞌi Yeeri aafooch shaggitone.

Yibbaatoo 10:8

Muusi daakkiꞌi ishichiye: “Arooba Doono Yeeri bi wogee taabootoon boonoshi shaaggemmoyich, bi aafooch neexeree boonoshi maddemmonaa bi shigoona boonoshi diiremmonoyich, Lewi yoodoon bariihe. Ebinoo hanaach beddaahaa tunii beetinaꞌone.

Yibbaatoo 26:15

Yaafoo tuneti ne kote xaaꞌoochaa, shimaayoochaa ciine. Ne asheenaꞌo tuneti Israꞌeeleenaꞌon diiribe; no qaabbechinaꞌoyich wogaꞌa ne gibenikkitoommon nooch ne immeti hini ejjoonaa eeyona xuupphiibeeti showoonoo diiribe’ gete” iye.