2 Kiinoo 30:13 - Kafa Linguistics Project

¹³ Guttinnee agenooch Shittoo Giyaani Kochi Baaroon baaroyich dofee asheenaꞌo Yerusaalem kiceeheete.

2 Kiinoo 30:13 ပူးပေါင်းရင်းမြစ်များ

2 Taateenaꞌo 23:22

Woraaferasheenaꞌo asheenaꞌon qeejjiibee echeti yemeenoyee gubb, Israꞌeelee taateenaꞌochi woyee Yihudee taateenaꞌochi taatee yemeenooch, ebiyoommi Beshee Baaroo ciroona baaree ariyaanoone.

2 Kiinoo 30:14

Boonoshiyoo Yerusaalem beeti deejjee gudeenaꞌonaa ixaano shookkeebeeti gudeenaꞌo bullinon happiꞌi, Qedirooni bambooch daammii duppiyeete.

2 Kiinoo 30:15

Guttinnee agenee aaraa awuddinnee qemooba, Beshee Baaree bagoon guuriyeete. Qeesheenaꞌonaa Leweenaꞌona yeelleꞌi, boonoshi qelloon yaafiyeete; Doono Yeerichi yaafee kexoochoo micciibeeti deejjoon deebiyeete.

2 Kiinoo 30:2

Taatoo, iraasheenaꞌonaa Yerusaalem beeti iitoo bullina Beshee Baaroon guttinnee agenooch baaroyich boyeeheete.

2 Kiinoo 35:1

Yosiyaasi Yerusaalemaa Doono Yeerich Beshee Baaroon baariye. Batti batti agenee aaraa awuddinnee qemooba, Beshee Baaree bago guureehe.

Shoddo 84:7

Boonoshiyoo giide giide hammemminaꞌone; nuggisheenaꞌochi Nuggishoo Tsiyoonaa bekkemmone.

Haddoo 9:10

“Israꞌeeleenaꞌoyich ishichi gete: ‘Ittoshi daggoochee woyee ittoshi shiijjereenaꞌo daggoochee, asho koniyoona dubenoon yeshona bi eeꞌegaata woyee wohi gommooch hammito bi tunegaata, Doono Yeeri taach Beshee Baaroon baaroo hakkiye.