2 Kiinoo 30:12 - Kafa Linguistics Project

¹² Wottoo Doono Yeerichi qaaroommon, taatoonaa iraasheenaꞌona boonoshich gettiton boonoshi tuniyemmoyich, ikke mulloon boonoshich imona, Doono Yeeri Yihudee asheenaꞌo daggooch shuunee beehe.

2 Kiinoo 30:12 ပူးပေါင်းရင်းမြစ်များ

2 Kiinoo 29:15

Eboshiyoo boonoshi maneenaꞌon kiciꞌi, yaafeeheete. Doono Yeerichi qaaroona taatoo boonoshich gettitoommon, Doono Yeerichi yaafee kexon yaafiya giyiyeete.

2 Kiinoo 29:25

Taatoo Hiziqiyaasi, Daawitichi qociyoommon, yaaꞌechi Gaadinaa keemechi Naataaninochi qociyoommonoo, Leweenaꞌoyich qaaxilloon, ooge ximboonaa giishi ximboonon yechiiꞌi, Doono Yeerichi yaafee kexooch neechiye. Ebiyoo keemechinaꞌona Doono Yeer waanee icheti getoone.

2 Kiinoo 29:36

Hiziqiyaasinaa asheenaꞌo bullina, mooyo bulli ebiyoommon kaateree bi qannemmoyich Doono Yeeri boonoshin bi gaachetoyich emiriyeete.

2 Kiinoo 8:15

Ginjabeeteenaꞌochonaa baribare mooyinaꞌochonon ciinnii beetona taatoo boonoshich gettiti getoochee qeesheenaꞌonaa Leweenaꞌona okk hach getaaneenaꞌone.

Iziri 7:27

Yerusaalem beeti Doono Yeerichi kexo ebiyoommon bi gaawemmoyich, ebiyoommi mooyon taatoochi mullooch kotiiti, taatoo aafooch, bi mikkirechinaꞌonaa hakkechi bi naayinaꞌo bullinochi aafoochoo bi ariqqoon taach bekkiiti, no qaabbechinaꞌochi Nuggishoo Doono Yeeri diireebe. Tawoo, ta Nuggishoo Doono Yeeri gaawe aafoona taan bi ciinnitoyich, kuppheho; Israꞌeeleenaꞌo daggoocheenoo yaree ukkireenaꞌo taanna tookki boonoshi hammemmoyich kiciyo.

Shoddo 110:3

Koyooch ne keyiyooba, ne asheenaꞌo boonoshi qelloon neech beshii immemminaꞌone; gurimaashe ne asheenaꞌo haree doshoo (caagibano) kindoommon, yaafeeti geppooch, ne waan woyemminaꞌone.

Erimiyaasi 24:7

Ta, Doono Yeeri ta tunoon ariyemmi mulloon boonoshich immemmo taane; boonoshi ceeni mulloona ta waan wottemminaꞌo boonoshi tunetoyich, ta asheenaꞌon tunemminaꞌone; tawoo boonoshich Nuggishoo tunemmo taane.

Erimiyaasi 32:39

Boonoshichoo boonoshiyee gubbi boonoshi bushiisheenaꞌoyichoo bi gaawemmoyich, bulli aaboochoo taan boonoshi shattemmoyich, ikke mulloonaa ikke gommonon immemmo taane.

Hiziqeeli 36:26

Andire mulloon ittoshich immemmo taane; andire ayaanoonoo ittoshi kashooch kotiyemmo taane; xaqqee mulloon ittoshi meechi daggoochee kichemmo taane; meechi mulloon ittoshich immemmo taane.

Mishiraachechinaꞌo 4:19

Tunetaa Pheexiroosinaa Yowannisina wochiꞌi, “Yeerich deꞌa getonaa woyee ittoshich deꞌa getona? Yeeri aafooch aabine tato? Eke ittoshi nallibote.

2 Qorontoosi 3:5

Ebi shuunoon shuuno no hakkemmoyich hakkoon no daneto Yeer waaneenalli, no qelloona no, amoonolla tuniyoyich “Hakkoo nooch beete” geton ciroona hakkaachone.

Yibbaatoo 4:2

Ebi ittoshich ta gettaabeeti qaaree toommooch amoonolla daakkiyaahote. Aroochee amoonolla shappiiyaahote. Ebi ittoshich ta gettaabeeti no Nuggishoo Doono Yeerichi getoon quyebote.

1 Tasaloonqi 4:2

Doono Yesuusina wocheeꞌa, “Ebin tuniibote” iyaꞌa ittoshich no getteti mooyon ariibeeto ittoshine.

Hibireena'o 13:20

Ufeti bi damoona bulli yemeenee wogoon manjiiti, bi bageenaꞌochi ooge Qiddoo tuneti no Doono Yesuusin qitoochee tiijjiti Diggee Nuggishoo,

Hibireena'o 13:21

bi daaggoon ittoshi tuniyemmoyich, gaaweto tuneti mooyo bullin ittoshich imbe; biin emirikkiibeeti mooyon Yesuus Kiristoos waanaa no bullina shuunebe. Yesuus Kiristoosichoo bulli yemeenoon galleto tunebe. Ameena.