2 Kiinoo 29:5 - Kafa Linguistics Project

⁵ ishichiye: “Leweenaꞌote, hach ellebote; yaafeebote; ittoshi qaabbechinaꞌochi Nuggishoo Doono Yeerichi yaafee kexon yaafibote; eeꞌe mooyo bullinoo yaafee kexoochee kichibote.

2 Kiinoo 29:5 ပူးပေါင်းရင်းမြစ်များ

1 Kiinoo 15:12

boonoshich ishichiye: “Ittoshi, Lewee yoodee yareenaꞌochi ukkiroo ittoshi tunetoyich, ittoshinaa Leweenaꞌo tuneti ittoshi maneenaꞌona ittoshi qelloon yaafibote. Ebiyee gubb, Israꞌeelee Nuggishoo Doono Yeerichi taabootoon biich ta qanniiti xaaꞌooch deebote.

2 Kiinoo 29:34

Qeesheenaꞌo micciibeeti deejjoon gaxxoyich giishecheenaꞌo boonoshi tunetoyich, shuunoo ciiremmi wottoon, wotta bare qeesheenaꞌo boonoshi qelloon yaafimmi wottoon, boonoshi maneenaꞌo tuneti Leweenaꞌo boonoshin gaacheheete. Ebiyoo Leweenaꞌo boonoshi qelloon xalliyoona qeesheenaꞌoyee boonoshi beshitoyichiye.

2 Kiinoo 29:4

Qeesheenaꞌonaa Leweenaꞌonon deebiꞌi, aabi-keyo waan beeti addibaabooch kiciichii,

2 Kiinoo 35:6

Beshee Baaree bagoonoo guuribote; ittoshiyoo yaafeebote. Doono Yeeri Muusina bi gettitoommon, ittoshi maneenaꞌoyich bagoon bashi qanniibote” iye.

Nehimi 12:30

Qeesheenaꞌonaa Leweenaꞌona boonoshi qelloon boonoshi yaafitoyee gubb, asheenaꞌon, kelleenaꞌonaa uxeroonon yaafiyeete.

Nehimi 13:9

Gateenaꞌonoo boonoshi xalliyemmoyich getteho; yaafee kechi qiiceenaꞌon, maayi buuroonaa ixaanoonon wochaa kexooch giijjiyo.

Shoddo 93:5

Doono Yeero, ne qociyoo manjoone; ne yaafee kexo yaafittinoona bulli yemeenoon mashaamitone.

Keyo 19:10

Doono Yeeriyoo Muusich ishichiye: “Asheenaꞌo waan hamiree, hanaachinaa yaachinon boonoshin yaafibe. Boonoshi tahoon boonoshi machemmoyich gete.

Keyo 19:15

Asheenaꞌoyichoo, “Sharittich qannibote. Arooch beddaahaa maachee waan shaggaahote” iye.

Hiziqeeli 36:25

Xalle aacon ittoshi toommooch wucemmo taane; ittoshiyoo xallemmo ittoshine; ittoshi eeꞌo bulliichee, ittoshi shahalloocheenoo ittoshin xalliyemmo taane.

Hiziqeeli 8:3

Biyoo kishoommi mooyon yaggiꞌi ta qelli eexon yechiye; Ayaano showoonaa shimaayoona gutte daggooch kaama taan tiijjiye; aroochee Yerusaalem, qanaatoon tiijjiibeeti shahalloo neexetooch, maaci addibaabooch giyeebeeti dambi-waanee yaafee kechi kellooch Yeerichi yaaꞌoona taan daammiye.

Hiziqeeli 8:6

Biyoo “Ashi bushoocho, boonoshi tunii beeton, ta yaafee kexoochee taan wokkiyoyich Israꞌeelee macceenaꞌo hiniichaa tuniibeeti oogeton ciigiiti mooyon beeggaa beetine? Andoo ebiyee beshi oogeton ciigiiti mooyon beeggemmo neene” iye.

Yoꞌeeli 2:16

Asheenaꞌon kicibote! Iitoonoo yaafibote! Geeneenaꞌon kicibote! Bushiisheenaꞌon kicibote! Xammii beetinaꞌon beddaahaa kicibote! Woꞌee keno bi kollee kexoochee; woꞌeyoo ebi aroochee, keyeete.

2 Qorontoosi 6:16

Yeerichi yaafee kexonaa shahalloonoyich amee danittino beete? No, beeyechi Yeerichi yaafee kexo noone; Yeeri ishichiye: “Boonoshina tookki beeyemmo taane; boonoshi daggooch shaꞌemmo taane; boonoshi Nuggishoo tunemmo taane; boonoshiyoo ta macceenaꞌo tunemminaꞌone” iye.

2 Qorontoosi 7:1

Illa ta shunechinaꞌote! Ebi gibeno nooch bi beetoyee, no meenonaa no ayaanoonon eeꞌiibeeti mooyo bulliichee no qelloon xalliibone; Yeerin shatibee, no yaafittinoon ceeno tuniibone.