2 Kiinoo 29:34 - Kafa Linguistics Project

³⁴ Qeesheenaꞌo micciibeeti deejjoon gaxxoyich giishecheenaꞌo boonoshi tunetoyich, shuunoo ciiremmi wottoon, wotta bare qeesheenaꞌo boonoshi qelloon yaafimmi wottoon, boonoshi maneenaꞌo tuneti Leweenaꞌo boonoshin gaacheheete. Ebiyoo Leweenaꞌo boonoshi qelloon xalliyoona qeesheenaꞌoyee boonoshi beshitoyichiye.

2 Kiinoo 29:34 ပူးပေါင်းရင်းမြစ်များ

2 Taateenaꞌo 12:6

Tunebaani qeesheenaꞌo Yoꞌaashi taateti hiyaa keejjinnee natooch beddaahaa, yaafee kechi tiishoon wochinnoon shuuneyaaneenaꞌone.

1 Kiinoo 29:17

Ta Nuggishoocho, mulloon haattaabeeto ne tunoonaa kaamittinoon shunnaabeeto ne tunoonon ariyaabeeto taane. Tawoo ebi bullin ta immeto gaawe daaggoonaa kaame mulloonane. Andoo hiniich beeti ne asheenaꞌo gaawe boonoshi daaggoona emiroona boonoshi imon beeggeto taane.

2 Kiinoo 29:33

Wotta deejjoyich, shiritte balle wuronaa keejje hume bagoonon giddiiheete.

2 Kiinoo 29:5

ishichiye: “Leweenaꞌote, hach ellebote; yaafeebote; ittoshi qaabbechinaꞌochi Nuggishoo Doono Yeerichi yaafee kexon yaafibote; eeꞌe mooyo bullinoo yaafee kexoochee kichibote.

2 Kiinoo 30:15

Guttinnee agenee aaraa awuddinnee qemooba, Beshee Baaree bagoon guuriyeete. Qeesheenaꞌonaa Leweenaꞌona yeelleꞌi, boonoshi qelloon yaafiyeete; Doono Yeerichi yaafee kexoochoo micciibeeti deejjoon deebiyeete.

2 Kiinoo 30:24

Yihudee taatoo Hiziqiyaasi hume wuronaa shabaatte hume bagoonon iitoyich immiye. Iraasheenaꞌoo ebiyoommon hume wuronaa aashire hume bagoonon immiyeete; meeti qeesheenaꞌo boonoshi qelloon yaafiyeete.

2 Kiinoo 30:3

Ebiyoo boonoshi qelloon xalliiti qeesheenaꞌochi haddoo qaaweetoommon tuno bi qayaa, asheenaꞌo Yerusaalem kiceyoo boonoshi qajjitoyich, baaroo bi goorooba baareyaano bi tunetoyichiye.

2 Kiinoo 35:11

Baaree bagoonaa emmishoonon bashiyeete. Leweenaꞌoo gooqqoon gaxxiyeete; qeesheenaꞌo boonoshi kishoochee boonoshi deqqiti damoon wuciyeete.

Iziri 6:20

Qeesheenaꞌonaa Leweenaꞌona boonoshi qelloon xalliiꞌi, bulliyona yaafeetinaꞌone; bulliyona xalletinaꞌone. Ebich Leweenaꞌo kecoochee wottetinaꞌo bullich, boonoshi asheenaꞌo tuneti, qeesheenaꞌonaa boonoshi qelloonoyich baaree bagoon bashiyeete.

Shoddo 26:6

Doono Yeero, ta xallittinoon bekkiyoyich, ta kishoon machemmo taane. Ne deejjee gudoonoo guudibee,

Shoddo 7:10

Mulli kaameenaꞌon wodiibeeti Yeeri, taach gaachoommone.

Shoddo 94:15

Dayinneto nallee gabberooch wottemmone; mulli kaameenaꞌo bulli aroon dabbemminaꞌone.

Hiziqeeli 44:11

Tunetaa boonoshi ta yaafee kechi kelloon quyoona, micciibeeti deejjoonaa asheenaꞌo giddiibeeti deejjoonoyich giddeebeeti gijjeenaꞌon guuroon, wottoo asheenaꞌoyich maddoona yaafee kechi maddechinaꞌon tunemminaꞌone.

Haddoo 18:3

Boonoshiyoo ittoshin gaachebee yaafee duukkaaneexi shuunoon shuunemminaꞌone. Tunebaani boonoshiyoo, ittoshiyoo qitaachemmoyich, Yaafe Xaaꞌeexi qiicoonaa deejjee gudoonooch katinnaayeete.

Haddoo 8:15

“Boonoshin xallii, kaama tiijjaa giddeebeeti deejjoommon tuniyaꞌa ne giddiitoyee gubb, shuunee maddoyich danee duukkaanooch giyemminaꞌone.

Haddoo 8:19

Israꞌeeleenaꞌo daggoochee Leweenaꞌon Harooninaa bi bushiishoonoyich wojjaa immeto taane; ebiyoo danee duukkaanoochaa Israꞌeeleenaꞌoyich boonoshi maddemmonaa Israꞌeeleenaꞌo diqq Yaafe Xaaꞌooch katiniree boonoshi naxeyaachemmoyich, Israꞌeeleenaꞌochi axaaxoon boonoshi maariyemmonoyichiye” iye.