2 Kiinoo 29:10 - Kafa Linguistics Project

¹⁰ Andoo bi kaaree shiixxoo no waanee bi wottemmoyich, Israꞌeelee Nuggishoo Doono Yeerina tookki wogoon gimoyich ta mulloona gabito taane.

2 Kiinoo 29:10 ပူးပေါင်းရင်းမြစ်များ

2 Taateenaꞌo 23:26

Tunebaani Yihudee taatoo Minaasi biin ippiyoyich tuniiti gonde mooyo bullichi naboona Yihudee showee toommooch cufiti, Doono Yeerichi shattiiti kaaro aqqeyaanoone.

2 Taateenaꞌo 23:3

Taatoo giimbee gaꞌooch neexeechii, ceeni bi mulloonaa ceeni bi kashoona Doono Yeerin dabboyich, bi getoon, bi qociyoonaa bi sheeroonon quyoyich, ebi macaafooch kooreeti wogoon ceechoyich, Doono Yeeri aafooch wogoon giyiye. Asheenaꞌo bulliyoo wogoon giyiyeete.

2 Kiinoo 23:16

Aroochee Yoyaadi bi qelloona, taatoonaa asheenaꞌo bullina Doono Yeerichi asheenaꞌo boonoshi tunee wogoon boonoshi giyemmoyich tuniihe.

2 Kiinoo 30:8

Ittoshi qaabbechinaꞌo tunetoommon, babberoo tuneyaahote. Ittoshi qelloon Doono Yeerich hajjiibote; bulli yemeenoon bi yaafiti yaafee kexooch wobote; kupphe bi kaaro ittoshi waanee bi wottemmoyich, ittoshi Nuggishoo Doono Yeerich goyinnebote.

Iziri 10:14

Ebich no ukkireenaꞌo, iiteenaꞌo bullichi qoodooch neexebeete; no katemoo bulliich beeti, dallaawe maacheenaꞌon shaaggitinaꞌo bulli boonoshi katemi katemoo bulliichee taajji taajjee aabooba wobeete; boonoshi katemi katemeexi geeneenaꞌonaa nallechinaꞌona boonoshina tookki wobeete. Ebina no toommooch kinditi, no Nuggishoochi kaaree shiixxoo no waanee wokkemmone” iyeete.

Iziri 10:3

Ebich no Nuggishoochi getoon shattiibeeti asheenaꞌonaa ta doono neennochi ciicoommon, ebi maacheenaꞌo bullinaa boonoshi bushiishoonon daachiyoyich, no Nuggishoo aafooch wogoon gibone; ebiyoo sheeroo gettii beetoommon tunebe.

Nehimi 8:6

Iziriyoo ooge Nuggishoo Doono Yeerin galletehe. Asheenaꞌo bulliyoo boonoshi kishoon kaama yaggiꞌi, “Ameena, ameena” iibee ceechiyeete; boonoshi qelloon yittiiheete; baroona guufeꞌi Doono Yeerich goyinneheete.

Nehimi 9:38

“Ebi mooyo bullich manjiti wogoon giyaꞌa koorichooch kooraabeeto noone. No ogoogeenaꞌo, Leweenaꞌonaa qeesheenaꞌona aree toommooch boonoshi maatemoona dukkee beetinaꞌone” iyeete.

Erimiyaasi 3:12

Dambi-waan hamiree ebi qaaroon ishichi awaajjibe: ‘Gibeneyaani Israꞌeele, ta waan wottebe’ iye Doono Yeeri. ‘Ariqqecho ta tunetoyich kaaroona neen ciinaachemmo taane; bulli aabooch kaareyaachemmo taane’ iye Doono Yeeri.

Erimiyaasi 3:5

‘Bulli aabooch kaarenne? Ciirooch beddaahaa ippenne?’ iibee axaaxoon shuunoochee wotteyaache iyine” iye.

Erimiyaasi 34:15

Ittoshiyoo gondoochee wotteꞌi asho bulli bi manoon bi gawukkemmoyich, awaajjoon getona ta aafooch tate mooyon tuniihote; taach goyinneebeeti yaafee kexoochaa, ta aafoochaa wogoon giyiyote.

Erimiyaasi 34:18

Ta wogoon happiti, ta aafooch boonoshi giyiti wogoon quyeyaani asheenaꞌon, bi meenon gutta qoodiichii bi gutte daggoona boonoshi besheti maamo toommooch boonoshi tuniitoommon, boonoshi toommooch tuniyemmo taane.

Erimiyaasi 50:5

Boonoshi aafoon Tsiyoon waan wochiichi ‘Ittoshi waataa ciroona batteyaani bulli aabee wogoona Doono Yeerina tookki ikkottebone’ getiree Tsiyooni katemooch daammiibeeti gommon echemminaꞌone.

2 Qorontoosi 8:5

No gabitoyee beshooniye boonoshi tuniito; bulliyee shiichiꞌi boonoshi qelloon Doono Yesuus Kiristoosich beshii immiyeete; daakkiꞌi wotta Yeerichi daaggoommon boonoshi qelloon beshiiꞌi nooch immitinaꞌone.

Yaasi 7:26

Hanaach beddaahaa bekkeebeeti, ooge xaqqee gutoon aree toommooch gutiyeete. Ebina Doono Yeeri bi kaaree shiixxoochee wottehe. Ebich hanaach beddaahaa, ebi are xaaꞌoo Akoori Bamboo getteehe.