2 Kiinoo 28:9 - Kafa Linguistics Project

⁹ Are Shamaara Odeedi getteebeeti Doono Yeerichi keemecho beehe. Shamaara waabeeti ginee naayinaꞌona daneya hammiꞌi, boonoshich ishichiye: “Ittoshi qaabbechinaꞌochi Nuggishoo Doono Yeeri Yihudee asheenaꞌon bi kaaretoyich, ittoshi kishooch boonoshin beshiiꞌi immiye. Ittoshiyoo ariqqaalloon boonoshin wuxiyote.

2 Kiinoo 28:9 ပူးပေါင်းရင်းမြစ်များ

Halloo 4:10

Doono Yeeriyoo biich ishichiye: “Ebi ne halliti mooyo amoone? Ne manoo damee qaaro showoochaa ta waan cookii beetone.

1 Taateenaꞌo 20:13

Aroochee Israꞌeelee taatoo Akaab waan keemecho waaꞌi, “Doono Yeeri ‘Ebi mattiqutte ginee naayo bullin beeggaa beetine? And ne kishooch beshiiree immemmo taane. Ta, Doono Yeeri ta tunoonoo ariyemmo neene’ itone” iye.

1 Taateenaꞌo 20:22

Aroochee keemecho Israꞌeelee taatoo waan waaꞌi biich, “Waabeeti naawooch Sooriyee taatoo wochinnoon neenna koyemmo bi tunetoyich, kupphebe; amoon ne tuniyemmo gaata gabibe” iye.

1 Taateenaꞌo 20:42

Are keemecho biich “Doono Yeeri ishichiye: ‘Qitibe iyaꞌa bi toommooch ta nalliti uroon ne kishoochee kichaa ne gawukkitoyich, ne kashe bi kashee xaaꞌooch kereyemmine; ne asheenaꞌo bi asheenaꞌo xaaꞌooch kereyemminaꞌone’ itone” iye.

1 Kiinoo 21:13

Aroochee Daawiti Gaadich ishichiye: “And oogeton xuuxeto taane. Bi wodde maarecho bi tunetoyich, Doono Yeerichi kishooch dihoo taach gaawiye. Tunebaani ashi kishooch dihoon qaawaache” iye.

2 Kiinoo 28:5

Ebich bi Nuggishoo Doono Yeeri Sooriyee taatoo kishooch biin beshiiꞌi immiye. Sooriyeenaꞌoo boonoshin kochii wochiꞌi, meeti asheenaꞌon keccii Damaasiqa daammiyeete. Wotta Doono Yeeri boonoshin Israꞌeelee taatoo kishooch beshiiꞌi immiye. Biyoo gonde yexon boonoshin yexxiye.

Iziri 9:6

ishichaꞌa corootiyo: “Ta Nuggishoocho, no axaaxoo no qelloyee damboo tunetone; no xuꞌo shimaayooch beddaahaa shaggitone. Ta Nuggishoocho, ne aafooch kaama ciinon yeellehoye; ceellaanoo iyoye.

Shoddo 69:26

Ebiyoo ne naxeti asheenaꞌon boonoshi duꞌitoyich, ne mayiitinaꞌonoo daakkiꞌi boonoshi shooddiitoyichiye.

Isiyaasi 47:6

Ta asheenaꞌon kaarehoye; boonoshin ne kishooch beshiyaa imona, ta hajjee asheenaꞌo giishemmoyich tuniihoye; newoo boonoshich ariqqeyaane neene; geeneenaꞌo toommooch waanjoon maggiihine.

Yoonaasi 1:2

“Tiyiree ooge katemoo Nanawa hambe; are katemeexi asheenaꞌochi axaaxoo ta aafooch bi bekketoyich, hamiree boonoshich ‘Magge axaaxoon shuuneto ittoshine’ gete” iye.

Zakaariyaasi 1:15

Tunebaani diggoona koteti aageteenaꞌo toommooch oogichii kaareto taane; giishechoon ta kaaremmona boonoshi ta asheenaꞌon woddoon duꞌiitinaꞌone” gete’ iye.

Yaaꞌoo 18:5

Bi axaaxoo tummeeꞌi shimaayooch bedditone; Yeeriyoo bi xuꞌoon gabitone.

Woraaferasheenaꞌo 3:8

Ebich Doono Yeerichi kaaro Israꞌeeleenaꞌo toommooch cufiye. Biyoo boonoshin Mesopotaamee taatoo Kushaan Rishatayimichi kishooch beshiiꞌi immiye. Israꞌeeleenaꞌo shimitte naton biich hajjeeheete.