2 Kiinoo 28:5 - Kafa Linguistics Project

⁵ Ebich bi Nuggishoo Doono Yeeri Sooriyee taatoo kishooch biin beshiiꞌi immiye. Sooriyeenaꞌoo boonoshin kochii wochiꞌi, meeti asheenaꞌon keccii Damaasiqa daammiyeete. Wotta Doono Yeeri boonoshin Israꞌeelee taatoo kishooch beshiiꞌi immiye. Biyoo gonde yexon boonoshin yexxiye.

2 Kiinoo 28:5 ပူးပေါင်းရင်းမြစ်များ

2 Kiinoo 24:24

Sooriyee ginee naayinaꞌo giishecheenaꞌo boonoshi tunetaanoona, Doono Yeeri dofee ginee naayinaꞌon boonoshi kishooch beshiiꞌi immiye. Ebi tuneto, boonoshi qaabbechinaꞌochi Nuggishoo Doono Yeerin boonoshi qajjitoyichiye. Ebina Yoꞌaashi toommooch tate nalloo nalleehe.

2 Kiinoo 29:9

Ebichi naboona no qaabbechinaꞌo goraadoona dihiyeete; no anaami bushiisheenaꞌo, no maache bushiisheenaꞌonaa no mecheenaꞌona kecceheete.

2 Kiinoo 33:11

Ebich Doono Yeeri Asooree gino boonoshin bi kochemmoyich tuniihe. Boonoshiyoo Minaasichi muddooch tuutoon geddii, gooshee qoqqaannoona cuchiꞌi, Baabloonee showooch daammiyeete.

2 Kiinoo 36:17

Ebich Doono Yeeri Baabloonee taatoon boonoshi toommooch deejjiye. Ebi taatoo boonoshi gurimaasheenaꞌon yaafee kexoochaa goraadoona guuriye. Biyoo gurimaashoon tuneba gidiideen, geeneton tuneba geenee baayeton, ariqqaalloon wuxiye. Doono Yeeri bullinolla Nabukadinatsorichi kishooch beshiiꞌi immiye.

2 Kiinoo 36:5

Yoyaqiimi bi taatehooba, bi eeno hiyaa uuche natone. Yerusaalem beechii aaraa ikke naton qeejjiye. Bi Nuggishoo Doono Yeeri aafooch gonde mooyon tuniihe.

Isiyaasi 7:1

Uziyaahi bushoochi bushoo, Yotaamichi bushoo Akaazi Yihudee taatoo tuneꞌi beehooba, Sooriyee taatoo Resininaa Israꞌeelee taatoo Remaliyichi bushoo Feqaahina Yerusaalemin kocha kechiyeete; tunebaani kochii yeshon hakkaaneenaꞌone.

Isiyaasi 7:6

“Damba keyiree, Yihudin koyi xuuxiiree yeshone. Xabeelichi bushoonoo arooch taatiibone” itinaꞌone.

Hiziqeeli 16:57

Ebiyoo ne axaaxoo gaxxeeyoye aafiye. And Sooriyee maache bushiisheenaꞌonaa bi giyeenaꞌo bullina, ne guudoona beechi neen hoxeebeeti Filsixeemee maache bushiishoo bullina cooneeti neene.

Woraaferasheenaꞌo 2:14

Ebina Doono Yeeri kaaro Israꞌeeleenaꞌo toommooch cufiye; biyoo boggemmi bokkeenaꞌo kishooch boonoshin beshiiꞌi immiye. Boonoshi guudoona beeti boonoshi etteenaꞌo kishooch boonoshin beshiiꞌi immiye. Ebich boonoshi etteenaꞌo aafooch kuppheꞌi neexoon mawiiheete.