2 Kiinoo 28:3 - Kafa Linguistics Project

³ Hinoomi bushoo bamboochaa ixaanoon shookkiye. Doono Yeeri Israꞌeeleenaꞌo aafoochee yookkii kichiti aageteenaꞌochi ciigiiti doyoon dabboona bi anaami bushiisheenaꞌon qaaqqooch goggiꞌi deejjiye.

2 Kiinoo 28:3 ပူးပေါင်းရင်းမြစ်များ

2 Taateenaꞌo 16:3

Israꞌeelee taateenaꞌochi gommon dabbiye; Doono Yeeri Israꞌeeleenaꞌo aafoochee yookkii kichiti aageteenaꞌochi, ciigiiti doyoon dabboona bi bushoon qaaqqooch goggiꞌi deejjiye.

2 Taateenaꞌo 23:10

Hinoomi bushoochi bambooch beeti, Tofeeti goyinnee xaaꞌoon eeꞌiihe; ebiyoo koniyoona Molookich bi bushoon woyee bi busheen bi deejjaachemmoyichiye.

2 Kiinoo 33:2

Doono Yeeri Israꞌeeleenaꞌo aafoochee yookkii aalliiti aageteenaꞌochi, ciigiiti doyoon dabboona Doono Yeeri aafooch gonde mooyon tuniihe.

2 Kiinoo 33:6

bi hajjee bushiisheenaꞌon Hinoomi bushoo bamboochaa goggiꞌi deejjoo giddiihe. Biyoo kaayecho, iicechonaa qaaxechonon tunehe. Qititi ashoona tookkii yibbaatee beetinaꞌonaa allaameenaꞌona waanee keemmii waayee beehe. Wodde gonde mooyon shuunoona Doono Yeerin ippii beehe.

2 Kiinoo 36:14

Ebiyoommon wotta qeesheenaꞌochi wulleenaꞌonaa asheenaꞌona aageteenaꞌochi ciigiiti doyoon dabbiibee, Yerusaalemi beeti, Doono Yeeri yaafiti yaafee kexon eeꞌiibee, aafichoyee beshoon gibeneyee qayona beshii beshii hammiyeete.

Erimiyaasi 19:13

Yerusaalemi katemeexi kexinaꞌonaa Yihudee taateenaꞌo kexinaꞌona, boonoshi kechi toommeexi kexinaꞌoochaa shimaajji xojjeneenaꞌo bullich boonoshi deejjiti, bare nuggisheenaꞌoyich uyee buuroon boonoshi ukkiti kexinaꞌo bulliyoo Tofeeti xaaꞌoochoommon eeꞌeenaꞌo tunemminaꞌone’ itone gete” iye.

Erimiyaasi 2:34

Gaajjii boonoshi beetaa ne daneyaani, xalleenaꞌo tuneti girechinaꞌochi damoo ne tahoochee danetone. “Ebi bullin tuniichaa,

Erimiyaasi 32:35

Yihudee asheenaꞌo axaaxoon shuunemmoyich, ebi eeꞌe mooyon tuniyoyich, ta getaanoon, wottoo ta mulloona ta gabaanoon, boonoshi anaami bushiisheenaꞌonaa maache bushiisheenaꞌonon qaaqqooch goggii Molookich deejjoyich, Hinoomi bushoo bambooch beeti geppeexi goyinnee xaaꞌoon Baꞌaaloyich shuunetinaꞌone” iye.

Leweenaꞌo 18:21

“ ‘Ne bushiishoochee ikkoonolla Molookich bi deejjeyemmoyich beshii imona ne Nuggishoo ta shigoon naakkiyaahine. Ta, Doono Yeeri taane.

Mikiyaasi 6:7

Doono Yeeri hume bagee baaddoon woyee aashire hume woce aacoommi zayitoon ta giddiitaa ebina emirehe? Ta xuꞌoonaa ta axaaxoonoyich deejjoyich ta gutenee bushoon giddiibote?

Yibbaatoo 12:31

Boonoshi nuggisheenaꞌoyich boonoshi goyinnee maddee beetoommi gommona ne Nuggishoo Doono Yeerich goyinne maddeyaahine. Boonoshiyoo boonoshi nuggisheenaꞌoyich goyinnee maddee boonoshi beegaata, Doono Yeeri shixxii, ciigeebeeti mooyo bullin tunii beetinaꞌone. Boonoshi anaami bushiishoonaa boonoshi maache bushiishoonolla, qaaqqooch goggiꞌi boonoshi nuggisheenaꞌoyich deejjii beetinaꞌone.

Yibbaatoo 18:10

Ne daggooch bi bushoon woyee bi busheen qaaqqooch goggiꞌi deejjiibeeto woyee allaamoo woyee kaayecho woyee mareccee maaccecho woyee qooroo,

Yibbaatoo 18:9

Muusi Israꞌeeleenaꞌoyich ishichiye: “Ne Nuggishoo Doono Yeeri neech immiibeeti showooch ne giyiyooba, arooch beeti aageteenaꞌo shuuneebeeti, ciigiiti mooyon doyiyaahine.

Yaasi 15:8

Aroochee showee dano Hinoomi bushoo bamboon dabbiꞌi, Yebuseenaꞌochi katemoo tuneti Yerusaalem beeti geppoochaa deshi-waan besheꞌi, Refayee bamboochaa deshi-waanaa tuniiꞌi, Hinoomi bamboochaa aabi-gimo waan beeti geppee cillooch shaggii beetone.

Woraaferasheenaꞌo 2:11

Aroochee Israꞌeeleenaꞌo Doono Yeeri aafooch axaaxoon shuuneheete. Baꞌaaleenaꞌoyich goyinneheete.

Woraaferasheenaꞌo 2:13

Doono Yeerin qajjiꞌi Baꞌaaleenaꞌonaa Ashitarooteenaꞌonoyich goyinneheete.