2 Kiinoo 28:20 - Kafa Linguistics Project

²⁰ Asooree taatoo Tigilaat Fileseeri bi waan waaꞌi biin xuuxiihalli, biin gaacheyaanoone.

2 Kiinoo 28:20 ပူးပေါင်းရင်းမြစ်များ

2 Taateenaꞌo 15:29

Israꞌeelee taatoo Feqaahichi taatee yemeenooch Asooree taatoo Tigilaat Fileseeri waaꞌi, Iyooni, Abeel Beet Maꞌaki, Yanoohi, Qedeeshinaa Hatsoorina getteebeeti katemeenaꞌon, Gilaadee showoon, Galiilee showoonaa Nifitaalee showoo bullinon yechiye; asheenaꞌonoo kecciꞌi, Asooree showooch daammiye.

2 Taateenaꞌo 17:5

Aroochee Asooree taatoo showoo bullin kochiye. Shamaara waaꞌi, keejje naton giichiye.

1 Kiinoo 5:26

Ebich Israꞌeelee Nuggishoo Asooree taatoo Fuulichi (Biyoo wotta Tigilaat Fileseeri getteehe.) mulloon shuurikkiye. Biyoo waaꞌi Roobeelinaa Gaadinoch yoodeenaꞌonaa Minaasi yoodoochee qatinaꞌonon keccii daammiꞌi, and beddaahaa Halaahee showooch, Habooree showooch, Haraahee showoonaa Gozaani aachi gaꞌoonooch boonoshi kotemmoyich tuniihe.

1 Kiinoo 5:6

Baali bushoo Asooree taatoo Tigilaat Fileseeri keccii daammiti Berayahine. Biyoo Roobeeleenaꞌochi iraashoone.

2 Kiinoo 30:6

Taatoochi getoommon, wocheyechinaꞌo taatoonaa iraasheenaꞌonochi koorichoon yechiꞌi, Israꞌeelee showoo bullinaa Yihudee showoo bullinooch hammiyeete. Koorichoo ishichii beetone: “Israꞌeeleenaꞌote, Asooree taateenaꞌo kishoochee muriccii echeti curo ittoshi waan bi wottemmoyich, Abrahami, Yisaaqinaa Israꞌeelinochi Nuggishoo Doono Yeer waan wottebote.

Isiyaasi 30:16

Ittoshiyoo ‘Hareshoon yebberee wocishalli no gettemmo ebin tuniyaachone’ iyote; ebich woccemmo ittoshine. ‘Afaafinechi hareshoona muriccemmo noone’ iyote; ebich ittoshin yookkii beetinaꞌo afaafinechinaꞌo tunemminaꞌone.

Isiyaasi 30:3

Ebich Faroonichi shoobo ittoshich yeelloon, Gibitsichi yiirooch beemo ittoshich cooneyoon tunemmone.

Isiyaasi 7:17

Efreemi Yihudiyee bi bariti aaboochee tiijjiꞌi ebiyee aaf tunee ariyaani gonde yemeenoon, Doono Yeeri neennaa ne asheenaꞌonochi toommooch, ne nihoochi yareenaꞌo toommoochoo deebemmone; ebiyoo Asooree taatoo womone” iye.

Isiyaasi 7:20

Aroobee yemeenooch Doono Yeeri aacoyee beqachee bi kiraayiti appoona, ebiyoo Asooree taatoona, ittoshi qelli eexonaa ittoshi baateexi eexonon, ittoshi ishaanoonoo caggemmone.

Erimiyaasi 2:36

Ne gommon shaddoyich ne woccaabeeto amoyichiye? Asoori neen yeelliyoommon Gibitsiyoo neen yeelliyemmone.

Erimiyaasi 2:37

Ne gibenetinaꞌon Doono Yeeri giishiitoyich, boonoshina neech kaameyaachemmone; ebich ne kishoon ne shimbooch gediree, aroochee kechemmi neene” iye.

Hiziqeeli 16:28

Neech bedo bi qajjitoyich Asooreenaꞌona tookkii yahihine; tunebaani andoo tooꞌaanee neene.

Hosee'i 5:13

“Efreemi bi biiyoon, Yihudiyoo bi mayon beeggiꞌi, Efreemi Asoor waan hammiye; gaachoon danoyich ooge taatoo waan wocheyechon daachiihe. Tunebaani bi ittoshin wodiyoon woyee ittoshi mayon wodiyoon hakkaachemmoone.