2 Kiinoo 26:10 - Kafa Linguistics Project

¹⁰ Meeti gijjeenaꞌo biich beetoyich, barahooch, Shefeeli worebe showoonaa angeshoonooch dilaaloon shuunehe. Meeti aachi oppoonoo iijjiye. Goyoon shunnii bi beetoyich, geppe xaaꞌoonaa qeemi showoonooch gochechinaꞌonaa bechechinaꞌona biich beetinaꞌone.

2 Kiinoo 26:10 ပူးပေါင်းရင်းမြစ်များ

2 Taateenaꞌo 19:23

Ne wocheyechinaꞌona Doono taan cooneto neene. Newoo, “Wodde ta gaarinaꞌona genje guudinaꞌooch, Libanoosichi cullullooch kecheto taane; genji genje ciideenaꞌon, macecikkiti yigeenaꞌon dichito taane; are showee daareenaꞌooch, gaawe shaareenaꞌooch giyeto taane;

2 Taateenaꞌo 3:4

Ebiyooba Moꞌabee taatoo Meeshi bagoon shiijjii beetone. Biyoo balle hume gishiishi bagee baaddoonaa balle hume ogooge bagee baaddoonochi huushoon Israꞌeelee taatoyich giijjii beehe.

2 Kiinoo 17:12

Yoshafaaxiyoo beshii beshii qeyiye. Yihudee showoochoo mishigeenaꞌonaa maayoonaa baribare mooyona kiceyemmi katemeenaꞌonon shuuniihe.

2 Kiinoo 17:13

Yihudee katemeenaꞌooch wodde maayoonaa ginee qiicoonon kicitone. Wotta ginee anaaminaꞌo tuneti, meeti ginee naayinaꞌonoo Yerusaalem kotiihe.

2 Kiinoo 26:11

Uziyaahich koyoyich qanniti ginee naayinaꞌo beetinaꞌone. Taatoo iraashiiti iraashoo Hanaaniyichi getoona, ukkiroo Maseyaahinaa koorechi Yeꞌeelichi kishoona boonoshi haddeetoommon koyooch boonoshi haddi haddoona kechii beeheete.

2 Kiinoo 32:29

Doono Yeeri wodde gaannoon, miimon, bagoonaa emmishoon biich bi immitoyich, meeti katemeenaꞌon shuunehe.

Dojjecho 5:8

Ikke showoochaa girecho xukketaa, dayinnetaalloon bi toommooch nalleeꞌi neexaa hajjee bi beetaa ne beegigaata, ebi mooyona worganeyaahine! Iraashoyich biin quyeebeeti, biyee dambee iraashoo beetone; wotta eboshich boonoshin quyeebeeti, boonoshiyee damboo tuneti bare iraashoo beetone.

Isiyaasi 29:17

Giisheche aaboyee gubb Libanoosi kubbo goyee budon tunemmone; goyee budoo kubboommon tunemmone.

Yibbaatoo 3:10

Nowoo Bashaanee taatoo Oogichi showoo bullin yechehon. Ebiyoo guudi toommeexi naqqe showooch beeti katemeenaꞌo bullin, Saleeki katemoonaa Edireyi katemoonooch beddaahaa beeti Gilaadee showoonaa Bashaanee showoononiye” iye.

Yaasi 15:55

Aashire katemeenaꞌo, Maꞌooni, Qermeloosi, Ziifi, Yuxaahi, Yezireeli, Yokidaami, Zanoohi, Qayini, Gibaahinaa Timinaahinane. Ebi katemeenaꞌochi guudoona gafeenaꞌo beetinaꞌone.

1 Saameeli 15:12

Saameeliyoo maaddoona tiyiꞌi, Saaꞌoolina daneya hammiye. Biyoo “Saaꞌooli Qermeloos hammiꞌi, biich haawulitoon shuuniitone. Aroochee wotteꞌi Galigala kinditone” getaa waayehe.