2 Kiinoo 25:19 - Kafa Linguistics Project

¹⁹ ‘Edoomin kocheto taane’ iyaꞌa ne mulloona geecito neene. Illa and ne kexooch kasheree kotebe. Neennaa Yihudee asheenaꞌona iritooch dihemmoyich ne qaawaabeeto, amoyichiye?” iye.

2 Kiinoo 25:19 ပူးပေါင်းရင်းမြစ်များ

2 Kiinoo 25:20

Tunebaani Amasiyaasi ebin deꞌa iꞌi waayeyaanoone; ebiyoo Edoomeenaꞌochi nuggisheenaꞌo waan boonoshi wottetoyich, boonoshi etteenaꞌo kishooch beshiiꞌi boonoshin imoyich Doono Yeerichi daaggoo bi tunetoyichiye.

2 Kiinoo 26:16

Tunebaani Uziyaahi kupphe taatoo bi tunetoyee gubb, geeciye. Ebi bi geecoo bi dihoyich naboo tunehe. Biyoo bi Nuggishoo Doono Yeerin xuqqiye. Ixaanee deejjee gudoochaa ixaanoon shookka Doono Yeerichi yaafee kexooch giyiye.

2 Kiinoo 32:25

Tunebaani Hiziqiyaasi bi mulloo geecaa, Doono Yeeri biich tuniiti deꞌe mooyoyich biin galleteyaanoone. Ebich bi toommooch, Yihudee showoonaa Yerusaaleminochi toommooch, Doono Yeeri kaaro kindiye.

2 Kiinoo 35:21

Nekiyoo, “Yihudee taatoocho, neennaa taannon amo daniihe? Ta waato ta etteenaꞌon kochani, neenna koyeya toonoone. Ta afaafinemmoyich Yeeri taach gettitone. Taanna tookkii beeti Yeeri neen bi aalliyaachemmoyich, ebi mooyon tuniyoochee wottebe” iꞌi wocheyechinaꞌon daachiihe.

Shaahiyoo 13:10

Geecoo yexooch bechiye; tunebaani ciicoon deqqii beetinaꞌo mullechinaꞌone.

Shaahiyoo 16:18

Geecoo aallooch bechiye; bi qelloon yeephoo dihooch yaabiye.

Shaahiyoo 18:6

Tuushe ashi yibbaatoo kaaroon deebiye; bi noonoo gumboon ataalliye.

Shaahiyoo 20:3

Kaaroochee woho ashoon oogiihe; tunebaani tuushe asho kaaroyich afaafinehe.

Shaahiyoo 26:17

Biin gedaanoon ashi kaaree daggooch giyiibeeti asho, gommon besheebeeti kunaanee waamon yechiibeeti ashoommone.

Shaahiyoo 28:25

Hiriggechi asho kaaroon booddiye; tunebaani Doono Yeerin gibeneebeeto gaannemmone.

Erimiyaasi 9:23

Doono Yeeri ishichiye: “Ariyecho bi ariyoona yebenaaye; hakkecho bi hakkoona yebenaaye; gaannecho bi gaannoona yebenaaye;

Daaneeli 11:12

Eboshin kochii bi wochitonaa dofee ginee naayinaꞌon bi wuxitonoyich, oogeton geecemmone. Tunebaani kochii wochoona manjiree beetaachemmone.

Imbaaqoomi 2:4

Ne kooremmo ebiniye: ‘Gonde asheenaꞌo yagaachemminaꞌone; tunebaani cadiqeenaꞌo, ta toommooch mulloon boonoshi tooꞌitoyich, kashoona beeyemminaꞌone’ ii beetoniye” iye.

Luqaasi 14:31

“Wotta ‘Bare taatoona koyebona’ iꞌi hiye hume ginechon yechiꞌi waabeeti taatoon aashire hume ginechona kechii koyeꞌi wochoyich, shiichi koteree bi giidoon qoppaachemmi taatoo konine?

1 Qorontoosi 1:29

ebich Yeeri aafoochaa geecoon hakkemmo koniyoona aalloone.

Yibbaatoo 8:14

ne mullo geecaa, Gibitsee showeexi guuchittinoochee neen kichii deebiti ne Nuggishoo Doono Yeerin ne batteyaachemmoyich ne qelloon ariibe!

Yaaqobi 4:6

Yeeri beshiti wojjoon immii beetone; ebich Yaafe Macaafoochaa, “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” getaa kooreetone.

1 Pheexiroosi 5:5

Gurimaasheenaꞌote! Ebiyoommon wotta geeneenaꞌoyich deꞌa getote. Yaafe Macaafo “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” iye. Ebich kittinnoo tuneti ittoshi bulli ikkoo baroyich bi qelloon giishiibee qellee giishiyoon tahoochoommon tahebote.