2 Kiinoo 25:16 - Kafa Linguistics Project

¹⁶ Tunebaani getooch bi beetaa taatoo, “Neen taatoochi mikkirecho tuniyaꞌa ukkiriito noone? Cikkibe; qitiya ne qaawaabeeto amoyichiye?” iye. Keemechoo cikkiye; aroochee, “Ebin ne tuniitoyich, ta ciicoonoo waayo ne qajjetoyich, Doono Yeeri neen aalliiya bi maacon and ariite” iye.

2 Kiinoo 25:16 ပူးပေါင်းရင်းမြစ်များ

2 Kiinoo 10:15

Doono Yeeri Shiloohee asho Akiyina, Nebaaxi bushoo Yeroboꞌamichon bi gettiti qaaroon ceechoyich, bi waanaa maacheto bi tunetoyich, taatoo asheenaꞌo mooyon waayeyaanoone.

2 Kiinoo 16:10

Ebichi naboona Aasi yaaꞌechon kaarehe; oogichiꞌi bi ippetoyich, cuyee kexooch giijjiye. Ebiyooba Aasi ikkikke asheenaꞌon oogichiꞌi xuuxiihe.

2 Kiinoo 18:25

Aroochee Israꞌeelee taatoo ishichiye: “Mikiyaasin yeshote; katemee iraashoo Amooninaa taatoochi bushoo Yoꞌaashina waan daambote.

2 Kiinoo 24:20

Doono Yeerichi Ayaano qeeshoo Yoyaadi bushoo Zakaariyaasi toommooch waahe. Biyoo bekke xaaꞌooch neexeechii, “Yeeri ishichiye: ‘Doono Yeeri ta getoon ittoshi shaaddeebeeto amoyichiye? Illa and ittoshich kaameyaachemmone. Doono Yeeri taan ittoshi qajjitoyich, tawoo ittoshin qajjeto taane’ itone” iye.

2 Kiinoo 24:21

Tunebaani boonoshi bi toommooch koceeheete; taatoochi getoona Doono Yeerichi yaafee kechi addibaaboochaa xaqqoona yexxiꞌi biin wuxiyeete.

2 Kiinoo 25:15

Ebich Doono Yeeri kaaro Amasiyaasi toommooch aaxxehe. Biyoo Amasiyaas waan keemechon deejjiye; keemechoo waaꞌi, “Boonoshi asheenaꞌon ne kishoochee wodiyoon hakkaani aageteenaꞌochi nuggisheenaꞌoyich ne goyinneto amoyichiye?” iye.

2 Kiinoo 25:17

Aroochee Yihudee taatoo Amasiyaasi bi mikkirechinaꞌona koceeꞌi, “Eke wobe danebone” iꞌi koyoon tiijjoyich, Yehi bushoo Yoꞌakaazi bushoo Israꞌeelee taatoo Yehoꞌash waan wochoon daachiihe.

Keyo 10:28

Muusin “Ta aafoochee aallebe! Ne qelloon ariibe! Ta aafooch shaggaahine! Guttinnoon ta aafooch ne shagiyooba, qitemmo ne tunoon ariibe” iye.

Keyo 9:16

tunebaani kashoona ne beeyemmoyich ta tuniito, ta giidoon neech ta bekkiyemmonaa ta shigo showee toommo bulliich bi arichemmonoyichiye.

Shaahiyoo 1:29

Ariyoon boonoshi shixxitoyich, Doono Yeerin shaton boonoshi qajjitoyich,

Shaahiyoo 1:30

ta ciicoon deꞌo boonoshi qajjitoyich, ta sheeroon boonoshi hoxetoyich,

Isiyaasi 46:10

Ciirooch tunemmi mooyon shiichaꞌa awaajjito taane; meeti yemeenoyee aaf, amo tunemmo gaata getteto taane. ‘Ta ciico manjoone; ta daaggoo bullin ceechemmo taane’ ito taane.

Erimiyaasi 2:19

Ne gondo wochi neen sheeremmone; taan ne qayo wochi neen qallayemmone; ne Nuggishoo Doono Yeeri taan ne qayo, taachoo shaton ne qayo, neech gondoonaa caamoona bi tunoon ariibe” iye Beshe Mawe Nuggishoo Doono Yeeri.

Erimiyaasi 27:15

Doono Yeeri ‘Ta boonoshin deejjaano taane; tunebaani ittoshin ta yookkemmoyich, ittoshiyoo aallemmoyich tuniiya ta shigoona kootoon keemmii beetinaꞌone; ittoshiyoo ebi ittoshich kootoon keemmii beetinaꞌoo aallemmo ittoshine’ itone” iyo.

Erimiyaasi 29:26

‘Doono Yeerichi yaafee kexoochaa, geyeebee keemoon keemmiibeeti asho bullin baatee giindoona ne giindemmonaa bi qettooch sansalatoon ne geddemmonoyich, Yoyaadichi xaaꞌooch Doono Yeeri neen qeeshoo tuniiꞌi ukkiriitone.

Erimiyaasi 43:4

Ebich Qareehi bushoo Yohanaani, ginee naayinaꞌochi iraasheenaꞌo bullinaa asho bullina, Yihudee showooch kotoyich Doono Yeeri qaaroyich deꞌa getaaneenaꞌone.

Hiziqeeli 33:4

shametee qaaroon waayeti asho bi qelloon quyo bi qayigaata, goraado waaꞌi biin bi wuxigaata, bi damoo bi kishooch tunemmone.

Maatiyoosi 21:23

Ebiyee gubb, Yesuusi yaafee kexooch giyiꞌi dojjii bi beetaa, qeeshee ukkireenaꞌonaa showee geeneenaꞌona bi waan giddeꞌi, “Hini mooyinaꞌon ne tuniibeeto, amee ukkirittinoon danaꞌaaniye? Hini mooyinaꞌon ne tuniyemmoyich konine neen wocheto?” iꞌi echeheete.

Mishiraachechinaꞌo 4:28

Boonoshi kiceeti naboo, ne shiichaꞌa ne giidoonaa ne shalligoona bi tunemmoyich ne maacceto ceennemmoyichiye.

Roomi 9:22

Tunebaani Yeeri bi kaaree shiixxoon bekkiiya, bi hakkoonoo arichiiya shunniye; ebich aalloyich qanniti bi kaaree shiixxee qiiceenaꞌon woddoon haaꞌiihe.

Efesooni 1:11

Wotta Yeeri bi daaggoona shiichiꞌi bullin tuniiya gabiꞌi bi maaccitoommon, bi gaboommona, biicho no tunemmoyich Kiristoosina noon kaacciye.

Yibbaatoo 2:30

“Tunebaani Heshiboni taatoo Sihooni bi showoona no beshemmoyich daaggoon qajjiye. Ebiyoo no Nuggishoo Doono Yeeri and ebi bi tuniitoommon, no kishooch beshii biin imma iꞌi bi mulloon bi muumiitoyich, biinoo babberoo bi tuniitoyichiye.

2 Ximootiyoosi 4:3

Ebin ta gettaabeeto, asho hini gaawe kittinnittinee doyoon qajje bi gettemmi yemeeno woyemmo bi tunetoyichiye. Baribare ariyoon waayeya waamon qaacheree boonoshi qaatoon ceechemmi dofee dojjechinaꞌon boonoshi waan ceegi kicemminaꞌone

Yaaꞌoo 11:10

Ebi gutte keemechinaꞌo showee toommooch beeti asheenaꞌon boonoshi xuuxii beetoyich, showee toommooch beeti asheenaꞌo ebi keemechinaꞌo qititoyich, oogeton emiremminaꞌone; gifiroon gedi maabee, boonoshinaa boonoshina ikkoo baroyich emiree wojjoon daachiyemmone.

1 Saameeli 2:25

Ikke asho baroon bi xuꞌigaata, Yeeri shoobbii beetone. Tunebaani asho Doono Yeerin bi xuꞌigaata, shoobbemmo konine?” iye. Tunebaani bushiisheenaꞌo boonoshi nihoochi ciicoon waayemmon qajjiyeete; ebiyoo Doono Yeeri boonoshin aalliiya gabii maaccito bi tunetoyichiye.