2 Kiinoo 24:6 - Kafa Linguistics Project

⁶ Ebich taatoo boonoshi wulloo Yoyaadin ceeggiꞌi, “Israꞌeelee iiteenaꞌo miixee duukkaanoyich boonoshi qoccemmi, Doono Yeerichi guuno Muusi gettiti gibiroon, Yihudee asheenaꞌonaa Yerusaalemi asheenaꞌona waanee boonoshi kichiyemmoyich Leweenaꞌon kupphiyoo ne qajjeto amoyichiye?” iye.

2 Kiinoo 24:6 ပူးပေါင်းရင်းမြစ်များ

2 Saameeli 24:3

Tunebaani Yoꞌaabi taatoyich ishichiye: “Ne Nuggishoo Doono Yeeri asheenaꞌon ebi boonoshi haddoyee balle kishoon woddiitaa, taatoo ta doono ne aafoona beege! Taatoo ta doonocho, ebin tuniyoyich, amoyich qaawinne?” iye.

2 Kiinoo 24:9

Doono Yeerichi guuno Muusi Israꞌeeleenaꞌo qoccemmoyich barahoochaa bi gettiti gijjoon Doono Yeerich boonoshi deebemmoyich Yihudee showoonaa Yerusaaleminooch awaajjoon gettiyeete.

Haddoo 1:50

Tunebaani Leweenaꞌon miixee duukkaanoonaa bi qiico bullinochi, wotta arooch beeti mooyo bulli toommooch ukkiriibe. Danee duukkaanoonaa bi qiico bullinon shaageete; aroonoo quyebeete. Danee duukkaanee guudoona boonoshi kaamboon gedi kotebeete.

Haddoo 18:2

Neennaa ne bushiishoona miixee duukkaanoochaa ittoshi maddee beegaata, shuunoona ittoshin boonoshi gaachemmoyich, Lewi yoodo tuneti ne maneenaꞌon deebe.

Mishiraachechinaꞌo 7:44

“No qaabbechinaꞌo barahooch beehooba, Yeerichi miixee duukkaanoo boonoshina tookkii beetone. Are duukkaanoo Yeeri Muusich bekkiiꞌi gettitoommon shaahiitaa shuuneetone.