2 Kiinoo 24:25 - Kafa Linguistics Project

²⁵ Boonoshiyoo Yoꞌaashin qaakkii kochiꞌi mayiitinaꞌone. Sooriyee ginee naayinaꞌo aroochee boonoshi wotteechaa, bi naayinaꞌo bi toommooch koceeꞌi, bi qeenooch bi beetaa, biin wuxiyeete. Ebiyoo qeeshoo Yoyaadi bushoon bi wuxitoyichiye. Ebina biyoo qitiye. Biinoo Daawiti Katemooch duukkiyeete; tunebaani taateenaꞌochi maashooch duukkeyaanoone.

2 Kiinoo 24:25 ပူးပေါင်းရင်းမြစ်များ

1 Taateenaꞌo 15:27

Nadaabinaa Israꞌeelee asho bullina Filsixeemee showooch beeti Gibetooni katemoon giichiꞌi boonoshi beetaa, Yisakoori yoodoochee shiijjeti Akiyi bushoo Baꞌaashi Nadaabi toommooch koceeꞌi, Gibetoonaa biin wuxiye.

2 Kiinoo 21:16

Doono Yeeri Yehoraamin boonoshi kochemmoyich, Filsixeemeenaꞌonaa Topphiyeenaꞌochi gaꞌooch beeti Arabeenaꞌonon bi toommooch tiijjiye.

2 Kiinoo 22:6

Aroochee Sooriyee taatoo Hazaheelina tookkii bi koyehooba, Ramooti katemoochaa bi kocheti mayochee wodoyich Yezireel wottehe. Yehoraami bushoo Yihudee taatoo Akaziyaasi ebi biiyeti, Akaabi bushoo Yoraamin cacheya Yezireel hammiye.

2 Kiinoo 22:9

Asheenaꞌo Akaziyaasin qaawiꞌi, Shamaara aasheꞌi bi beetoochee daneheete. Yehi waan deebiꞌinoo wuxiyeete. Tunebaani bi ceeni mulloona Doono Yeer waan wotteti bi nihinihoo Yoshafaaxicha iꞌi, bi dubenoon duukkiyeete. Akaziyaasi yaroochee taatittinoon yesho hakkito, koniyoona aalloone.

2 Kiinoo 24:16

Biyoo Israꞌeeleenaꞌoyich, Yeerinaa bi yaafee kexonoyich gaawe mooyon bi shuunetoyich, biin Daawiti Katemooch beeti taateenaꞌochi maashooch duukkiyeete.

2 Kiinoo 24:26

Bi toommooch koceetinaꞌoo Amoonechee Shimaati bushoo Zabaadinaa Moꞌabechee Shimiriiti bushoo Yehozabaadinane.

2 Kiinoo 25:27

Amasiyaasi Doono Yeerichi gommon bi qajjiti aaboochee tiijjiꞌi, asheenaꞌo biin wuxoyich Yerusaalemaa koceeheete. Aroochee Amasiyaasi Lakish muriccii hammiye. Tunebaani boonoshi bi hillooch ashoon daachiiꞌi, aroochaa biin wuxiiheete.

2 Kiinoo 25:3

Amasiyaasi taatittino bi kishooch manjitoyee gubb, taatoo bi nihoon wuxiti iraasheenaꞌon wuxiye.

2 Kiinoo 28:27

Akaazi qitiꞌi bi qaabbechinaꞌo waan xaꞌeehe; Yerusaalem duukkehe. Tunebaani taatee maashooch duukkeyaanoone. Bi bushoo Hiziqiyaasi bi xaaꞌooch kereeꞌi taatehe.

Shoddo 10:14

Tunebaani ne, ne kishoona gatiyoon qocoyich, ashi xuuxoonaa ayinoonon beeggaabeeto neene; girecho bi qelloon neech aderehe; newoo nihaalloyich gaachoo neene.

Yaaꞌoo 16:6

Yaafeenaꞌonaa keemechinaꞌonochi damoon ukkitinaꞌone; ebich ne wotta damoon boonoshich uchitine; ebiyoo boonoshich tuno tatoone” ii bi getaa waayeho.