2 Kiinoo 24:24 - Kafa Linguistics Project

²⁴ Sooriyee ginee naayinaꞌo giishecheenaꞌo boonoshi tunetaanoona, Doono Yeeri dofee ginee naayinaꞌon boonoshi kishooch beshiiꞌi immiye. Ebi tuneto, boonoshi qaabbechinaꞌochi Nuggishoo Doono Yeerin boonoshi qajjitoyichiye. Ebina Yoꞌaashi toommooch tate nalloo nalleehe.

2 Kiinoo 24:24 ပူးပေါင်းရင်းမြစ်များ

2 Taateenaꞌo 12:17

Ebiyooba Sooriyee taatoo Hazaheeli damba kechii hammiꞌi, Gaatin kochii yechiye. Yerusaaleminoo keyi kocha aroo waan wottehe.

2 Kiinoo 16:7

Ebiyooba yaaꞌechi Hanaani Yihudee taatoo waan waaꞌi, “Ne Nuggishoo Doono Yeerin gibeneyaanoon Sooriyee taatoon ne gibenetoyich Sooriyee taatoochi ginee naayinaꞌo ne kishoochee muriccitinaꞌone.

2 Kiinoo 22:8

Yehiyoo Yeerichi nalloon Akaabichi yareenaꞌo toommooch ceechiibee, Akaziyaasin deennii waati, Yihudee woraaferasheenaꞌonaa bi maneenaꞌochi bushiisheenaꞌonon daneꞌi wuxiye.

2 Kiinoo 24:20

Doono Yeerichi Ayaano qeeshoo Yoyaadi bushoo Zakaariyaasi toommooch waahe. Biyoo bekke xaaꞌooch neexeechii, “Yeeri ishichiye: ‘Doono Yeeri ta getoon ittoshi shaaddeebeeto amoyichiye? Illa and ittoshich kaameyaachemmone. Doono Yeeri taan ittoshi qajjitoyich, tawoo ittoshin qajjeto taane’ itone” iye.

2 Kiinoo 28:5

Ebich bi Nuggishoo Doono Yeeri Sooriyee taatoo kishooch biin beshiiꞌi immiye. Sooriyeenaꞌoo boonoshin kochii wochiꞌi, meeti asheenaꞌon keccii Damaasiqa daammiyeete. Wotta Doono Yeeri boonoshin Israꞌeelee taatoo kishooch beshiiꞌi immiye. Biyoo gonde yexon boonoshin yexxiye.

Isiyaasi 13:5

Boonoshiyoo showee tuggooch beddaahaa beeti, wohi showoochee waa beetinaꞌone; Doono Yeeri boonoshin, bi kaaroon bi bekkiyemmi ginee qiiceenaꞌo tuniiꞌi, showoo bullin aalliyoyich waa beetone.

Isiyaasi 30:17

Ikke ashi miicho ittoshi daggoochee humeenaꞌon yoohi aalliyemmone; uucheenaꞌochi miicho ittoshi bullin yoohi aalliyemmone; ittoshi bulli woccii aallemmona, echeti giishecheenaꞌo guudi toommeexi baanderee mixochoommon, geppee toommeexi malletoochoommon tuneree echemminaꞌone” itone.

Erimiyaasi 37:10

Ittoshin kochiibeeti Baabloonee ginee naayinaꞌo bullin ittoshi kochii wochimmo gaatoona, boonoshiichee muriccii echeꞌi bi duukkaani duukkaanooch beeti mayeti asheenaꞌo bulli tiyiree hini katemoon qaaqqoona michemminaꞌone” iye.

Leweenaꞌo 26:25

Ta wogoon ittoshi happitoyich, ginoon ittoshi toommooch deejjiree nichoon kichemmo taane. Ittoshi qelloon wodiyoyich ittoshi katemeenaꞌooch ittoshi kiceetaanona, kupphe biiyoon ittoshi daggooch giijjemmo taane; ittoshi etteenaꞌo kishooch beshiitaa ichemmo ittoshine.

Leweenaꞌo 26:37

Koniyoona boonoshin yoohaanoon, ginoochee muriccii beetochoommon, wocibee boonoshinaa boonoshina tepheeree dihemminaꞌone. Ittoshi etteenaꞌona tookki koyoon hakkaachemmo ittoshine.

Leweenaꞌo 26:8

Ittoshi daggoochee uuchoo balloon, balloo aashire humoon koyi wochemmone. Ittoshi etteenaꞌon koyi wuxemmo ittoshine.

Imbaaqoomi 1:12

Yaafe ta Nuggishoo Doono Yeero, ne, bulli yemeenoon beeyechi Nuggishoo neene. No qitaachemmo noone. Doono Yeero, no toommooch boonoshi nallemmoyich Baablooneenaꞌon kaaccehine; no Xaqqee Inderoocho, noon boonoshi sheeremmoyich boonoshich giidoon immeto neene.

Sofoniyaasi 1:2

Doono Yeeri ishichiye: “Bulli mooyon showee toommoochee hidi aalliyemmo taane.

Yibbaatoo 28:25

“Doono Yeeri ne etteenaꞌo neen koyi wochemmoyich tuniyemmone. Ikke gommona hamiree boonoshina koyemmo neene; tunebaani shabaatte gommona boonoshi aafoochee woci aallemmo neene. Ebi ne toommooch shaggiton beegiree, showee toommooch beeti asheenaꞌo bulli keqqemminaꞌone.

Yibbaatoo 28:48

Ebich neen koyiree yechemmi etteenaꞌon bi deejjaa, newoo shaace shachewebee, ne tahemmon muccebee, oogetonoo girebee boonoshich maddemmo neene. Doono Yeeri neen bi aalliimmi wottoon, xuuree waanjoon ne qettooch haxxemmone.

Yibbaatoo 32:30

Ikke ginee naayo hume Israꞌeelee ginee naayinaꞌon yookkiye; gutte ginee naayinaꞌo wotta aashire hume Israꞌeelee ginee naayinaꞌon kochii wochiyeete. Ebiyoo bi tuneto, boonoshi Xaqqee Inderoo boonoshin bi duppitoyichiye; Doono Yeeri boonoshin bi qajjitoyichiye.