2 Kiinoo 24:20 - Kafa Linguistics Project

²⁰ Doono Yeerichi Ayaano qeeshoo Yoyaadi bushoo Zakaariyaasi toommooch waahe. Biyoo bekke xaaꞌooch neexeechii, “Yeeri ishichiye: ‘Doono Yeeri ta getoon ittoshi shaaddeebeeto amoyichiye? Illa and ittoshich kaameyaachemmone. Doono Yeeri taan ittoshi qajjitoyich, tawoo ittoshin qajjeto taane’ itone” iye.

2 Kiinoo 24:20 ပူးပေါင်းရင်းမြစ်များ

1 Kiinoo 12:18

Aroochee Ayaano shaasheenaꞌochi ukkiroo Amasayi toommooch waataa ishichiye: “Daawito, no, neecho noone; Iseyi bushoocho, neenna tookkaa noone; ne Nuggishoo neen gaacheebeeto bi tunetoyich, diggoo, diggoo neech tunebe, diggoo neen gaachee beetinaꞌoyichoo tunebe” iye. Daawitiyoo boonoshin daammiꞌi bi ginee naayinaꞌo toommooch ukkiriihe.

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

2 Kiinoo 12:5

Aroochee keemechi Shemayaahi Shishaaqin shattiꞌi, Yerusaalem kiceeti, Roboꞌaminaa Yihudee iraasheenaꞌona waan waaꞌi, boonoshich, “Doono Yeeri ishichiye: ‘Taan ittoshi qajjitoyich, tawoo ittoshin Shishaaqichi kishooch duppehoye’ itone” iye.

2 Kiinoo 20:14

Ebiyooba Doono Yeerichi Ayaano iitee daggooch beeti, Asaafichi yaroo tuneti Lewoo, Mataniyi bushoo, Yeꞌeeli bushoo, Banayi bushoo, Zakaariyaasi bushoo Yahazeli toommooch waahe.

2 Kiinoo 23:11

Aroochee Yoyaadi taatoochi bushoon kichiꞌi, gubbichoon ukiihe; wogee macaafoonoo biich immiye; taatoo bi tunoon awaajjiyeete; Yoyaadinaa bi bushiisheenaꞌona biin huuttiꞌi taatiiheete. Boonoshiyoo, “Taatoo hume naton taatebe” iibee cookiyeete.

2 Kiinoo 24:24

Sooriyee ginee naayinaꞌo giishecheenaꞌo boonoshi tunetaanoona, Doono Yeeri dofee ginee naayinaꞌon boonoshi kishooch beshiiꞌi immiye. Ebi tuneto, boonoshi qaabbechinaꞌochi Nuggishoo Doono Yeerin boonoshi qajjitoyichiye. Ebina Yoꞌaashi toommooch tate nalloo nalleehe.

2 Kiinoo 25:16

Tunebaani getooch bi beetaa taatoo, “Neen taatoochi mikkirecho tuniyaꞌa ukkiriito noone? Cikkibe; qitiya ne qaawaabeeto amoyichiye?” iye. Keemechoo cikkiye; aroochee, “Ebin ne tuniitoyich, ta ciicoonoo waayo ne qajjetoyich, Doono Yeeri neen aalliiya bi maacon and ariite” iye.

2 Kiinoo 29:8

Ebich Doono Yeeri kaaro Yihudee showoonaa Yerusaaleminooch kindiye. Ittoshi aafoona ittoshi beeggii beetoommon keqqooch, wuche getteyoonaa cooqqireyoonooch boonoshin beshiiꞌi immiye.

Erimiyaasi 2:19

Ne gondo wochi neen sheeremmone; taan ne qayo wochi neen qallayemmone; ne Nuggishoo Doono Yeeri taan ne qayo, taachoo shaton ne qayo, neech gondoonaa caamoona bi tunoon ariibe” iye Beshe Mawe Nuggishoo Doono Yeeri.

Erimiyaasi 26:2

“Doono Yeerichi yaafee kechi addibaabooch neexebe; Doono Yeerichi yaafee kexooch goyinnoyich Yihudee katemeenaꞌoochee waabeeti asheenaꞌoyich ne gettemmoyich ta getteti qaaro bullin gete; ikke qaaroonolla shappiiyaahine.

Erimiyaasi 4:18

“Ne shaaddoonaa ne shuunoona ebin ne toommooch shakkiitone; ebi ne gondo mulloon tiichemmi oogeti magge caame mooyon ne toommooch deebitone” iye.

Erimiyaasi 5:19

Ittoshi asheenaꞌo ‘No Nuggishoo Doono Yeeri amoyich ebi bulli mooyon no toommooch tuniihe’ boonoshi getigaata, newoo boonoshich ‘Taan ittoshi qayoommon, ittoshi showoochaa bara nuggisheenaꞌoyich ittoshi goyinnoommon, ebiyoommon ittoshicho tuneyaani showoochaa bare asheenaꞌoyich hajjeyemmo ittoshine’ itone gettemmo neene” iye.

Erimiyaasi 5:25

Eboshin ittoshi xuꞌo ittoshi waanee echiitone; ittoshi axaaxoo ebi deꞌe mooyinaꞌon ittoshich mucciitone.

Amootsi 5:10

Ittoshi, nallee gabberoochaa ittoshin kaaree ciiccii beetinaꞌon shixxiyote; iberoon yibbaatee beetinaꞌon ciigehote.

Haddoo 14:41

Tunebaani Muusi “Doono Yeerichi getoon ittoshi shaaddeebeeto amoyichiye? Ittoshich kaameyaachemmone.

Maatiyoosi 23:35

Ebich cadiqo tuneti Abeelichi damoochee tiijjiꞌi, yaafee kexonaa deejjee gudee gutte daggoonoochaa ittoshi wuxiti Baraakiyichi bushoo Zakaariyaasichi damooch beddaahaa, showee toommooch ufeti cadiqeenaꞌo bullichi damee naboona echeyemmo ittoshine.

Yibbaatoo 31:17

Ebi tunehooba, ta kaaro boonoshi toommooch cufemmone; boonoshin qajjemmo taane; boonoshin guudi ciinaachemmo taane; boonoshiyoo aalleminaꞌone. Meeti gonde mooyonaa iritoona boonoshi toommooch shaggemmone. Boonoshiyoo ebiyooba, ‘Ebi gonde mooyo no toommooch bi shaggito, no Nuggishoo noonna tookkii tuno bi qajjitoyich toonoone?’ gettemminaꞌone.

Woraaferasheenaꞌo 6:34

Areegaata, Doono Yeerichi Ayaano Geediyooni toommooch kindiye. Biyoo tiroon huggiꞌi Abezeeri yaree asheenaꞌo biin dabbemmoyich ceeggiye.