2 Kiinoo 24:19 - Kafa Linguistics Project

¹⁹ Bi waan boonoshin wochoyich Doono Yeerichi keemechinaꞌon boonoshi waan deejjii beehe. Keemechinaꞌoo boonoshich miixeheete. Tunebaani waayemmon qajjiyeete.

2 Kiinoo 24:19 ပူးပေါင်းရင်းမြစ်များ

2 Kiinoo 36:13

Sedeqiyaasi Yeerina biin wogiiti taatoo Nabukadinatsori toommooch hukkoon shuunehe. Israꞌeelee Nuggishoo Doono Yeer waan wottoon qajjii, bi mulloon manjiiꞌi babberoo tunehe.

Nehimi 9:26

“Tunebaani neech deꞌa getaaneenaꞌone; ne toommoochoo tiyiyeete; ne sheeroonoo gubb duppiyeete; ne waan boonoshi wottemmoyich boonoshich kupphii gettiti keemechinaꞌon wuxiyeete; oogichiꞌinoo neen hoxeheete.

Nehimi 9:30

Wodde yemeenoon boonoshin haaꞌiihine; ne keemechinaꞌona tunaꞌa ne Ayaanoona boonoshin kupphiyaꞌa meeqqeqqiihine; tunebaani ellee waayeyaaneenaꞌone. Ebich boonoshi guudoona beeti aageteenaꞌo kishooch beshiyaꞌa boonoshin immehine.

Isiyaasi 28:23

Ellebote; ta qaaroon waayebote; waayebote; ta yibbaatoon waayebote.

Isiyaasi 42:23

Ittoshi daggoochee ebin waayemmo, woyemmi yemeenoyicha getiree ellemmo konine?

Isiyaasi 51:4

“Ta asheenaꞌote, ellebote; ta aageteenaꞌote, waayebote: Sheeroo ta waanee kechii beetone; ta dayinnetoo asheenaꞌoyich bekko tunemmone.

Isiyaasi 55:3

Ittoshi waamon gaꞌiiree ta waan wobote; kashoona ittoshi beeyemmoyich waayebote. Daawitich ta giyeti manje shunoona, bulli yemeenee wogoon ittoshina tookki giyemmo taane.

Erimiyaasi 25:3

“Yihudee taatoo Amooni bushoo Yosiyaasi taateti aaraa keejjinnee natoochee tiijjiꞌi hanaach beddaahaa beeti hiyaa keejje nati wottoon Doono Yeeri bi qaaroon taach gettii beehe; tawoo kuxaanoon ittoshich gettaa beehoye; tunebaani ittoshi waayeyaano ittoshine.

Erimiyaasi 25:7

Doono Yeeri ishichiye: ‘Taan ellee waayeyaano ittoshine; ittoshi toommoochoo gonde mooyon deeboyich, ittoshi kishee shuunoo tuneti shahalloona taan ippiihote’ iye.

Erimiyaasi 25:8

“Ebich Beshe Mawe Doono Yeeri ishichiye: ‘Ta qaaroyich deꞌa geto ittoshi qajjitoyich,

Erimiyaasi 26:5

wochii wochii ittoshi waan ta deejjiti ta maddechinaꞌo tuneti keemechinaꞌochi qaaroonoo waayoon qajjito ittoshine; andoo waayo ittoshi qayigaata,

Zakaariyaasi 1:4

Ittoshi qaabbechinaꞌon shaahiyaahote. Ebiyee aafi keemechinaꞌo boonoshich, ‘Beshe Mawe Doono Yeeri, ittoshi gonde gommonaa gonde shuunoonoochee wottebote, itone’ iꞌi gettiyeete; tunebaani boonoshi waayemmon qajjiꞌi ta getoonoo aaxxiyaache iyeete.

Maatiyoosi 13:9

Waayeebeeti waajjecho waayebe” iye.

Luqaasi 16:31

“Abrahamiyoo ‘Muusinaa keemechinaꞌona kooriti macaafeenaꞌoochee waayo boonoshi qayigaata, ikkoo qitoochee tiyii hammiꞌi bi gettitaanolla, iberiyaachemminaꞌone’ iꞌi wochiye” iye.