2 Kiinoo 24:18 - Kafa Linguistics Project

¹⁸ Aroochee boonoshi qaabbechinaꞌochi Nuggishoo Doono Yeerichi yaafee kexon qajjiichii, Asheeri misileenaꞌonaa shahalleenaꞌoyich goyinnee maddooch giyiyeete. Ebi boonoshi xuꞌee naboona Yihudee showoonaa Yerusaaleminooch kaaro kindiye.

2 Kiinoo 24:18 ပူးပေါင်းရင်းမြစ်များ

2 Saameeli 24:1

Ebiyee gubb, wochinnoon Doono Yeeri kaaro Israꞌeeleenaꞌo toommooch cufiye. Biyoo Daawiti boonoshi toommooch bi tiyemmoyich tuniiꞌi, “Hamiree Israꞌeeleenaꞌonaa Yihudee asheenaꞌonochi daggooch beeti, koyoyich bedditi asheenaꞌon haddibe” iye.

1 Taateenaꞌo 14:23

Boonoshiyoo guudi toommo bullinaa waajjechi michi baatoo bullinooch goyinnee xaaꞌeenaꞌon, goyinnee xaqqee giimbeenaꞌonaa Asheeri misileenaꞌonon shuuneheete.

1 Taateenaꞌo 14:9

Neyee aafi taateenaꞌo bulliyee beshe gonde shuunoon shuunehine. Taan qajjehine; ne qellich bare shahalloonaa aachoon ukkaa shuuneeti misileenaꞌonon shuunehine; taanoo ippiihine.

2 Kiinoo 12:1

Roboꞌami bi taatittino manjaa kupphe taatoo tuneechii, biinnaa Israꞌeelee asho bullina Doono Yeerichi sheeroon quyoon qajjiyeete.

2 Kiinoo 12:2

Doono Yeerich gibeneyoo boonoshi qajjitoyich, Roboꞌami taateti uuchinnee natooba, Gibitsee taatoo Shishaaqi waaꞌi Yerusaalemin kochiye.

2 Kiinoo 19:2

Hanaani bushoo yaaꞌechi Yehi biinna daneya hammiꞌi, taatoo Yoshafaaxich ishichiye: “Gonde ashoon gaachenne? Doono Yeerin shixxii beeton shunnenne? Ebich Doono Yeeri kaaro ne toommooch waatone.

2 Kiinoo 21:13

tunebaani Israꞌeelee taateenaꞌochi gommon dabbito neene; Akaabichi shiijjereenaꞌo Israꞌeeleenaꞌo Yeerich boonoshi gibeneyaachemmon boonoshi tuniyoommon Yihudee asheenaꞌonaa Yerusaalemi asheenaꞌona gibeneyaachemmon tuniihine; neyee beshe gaaweti, ne nihoochi kechi asho tuneti ne maneenaꞌon wuxihine;

2 Kiinoo 22:4

Bi nihoo qititoyee gubb, Akaabi kechi asheenaꞌo boyeꞌi aallooch biin boonoshi yaabitoyich, Akaabichi shiijjereenaꞌo tuniitoommon, Doono Yeeri aafooch gonde mooyon tuniihe.

2 Kiinoo 24:17

Yoyaadi qititoyee gubb, Yihudee iraasheenaꞌo waa taatoyich oogoon immiꞌi, taatoo boonoshi ciicoon bi waayemmoyich tuniiheete.

2 Kiinoo 24:4

Ebiyee gubb, Yoꞌaashi Doono Yeerichi yaafee kexon andiriiya gabiye.

2 Kiinoo 25:15

Ebich Doono Yeeri kaaro Amasiyaasi toommooch aaxxehe. Biyoo Amasiyaas waan keemechon deejjiye; keemechoo waaꞌi, “Boonoshi asheenaꞌon ne kishoochee wodiyoon hakkaani aageteenaꞌochi nuggisheenaꞌoyich ne goyinneto amoyichiye?” iye.

2 Kiinoo 28:13

“Ebi keceenaꞌon no waan deebaahote; axaaxoon shuunaꞌa Doono Yeerin no xuꞌona, bi kaaree shiixxoo no toommooch bi kindemmoyich tuniito noone. Andoo xuꞌoon daakki no shuunemmoyich qaawii beetote?” iyeete.

2 Kiinoo 29:8

Ebich Doono Yeeri kaaro Yihudee showoonaa Yerusaaleminooch kindiye. Ittoshi aafoona ittoshi beeggii beetoommon keqqooch, wuche getteyoonaa cooqqireyoonooch boonoshin beshiiꞌi immiye.

2 Kiinoo 32:25

Tunebaani Hiziqiyaasi bi mulloo geecaa, Doono Yeeri biich tuniiti deꞌe mooyoyich biin galleteyaanoone. Ebich bi toommooch, Yihudee showoonaa Yerusaaleminochi toommooch, Doono Yeeri kaaro kindiye.

2 Kiinoo 34:25

Boonoshi taan qajjiichii bare nuggisheenaꞌoyich ixaanoon shookkitinaꞌone; boonoshi kishoona boonoshi shuuneti, nuggisheenaꞌona taan ippiitinaꞌone. Ebich ta kaaree shiixxoo hini xaaꞌooch kindi aaxxeshalli bi gettemmo, aqqeyaachemmone’ getote.

Keyo 34:12

Ne hammaabeeti showeexi asheenaꞌona tookki wogoon ne giyaachemmoyich, ne qelloon ariibe! Ebin ne tuniigaata, neech olloon tunemminaꞌone.

Keyo 34:13

Boonoshi deejjee gudoon happibote. Boonoshi goyinneebeeti xaqqee giimbeenaꞌon tiishi buricote. Boonoshi nuggishee Asheeri misileenaꞌon kuxi dichibote.

Erimiyaasi 17:2

Boonoshiyoo waajjechi michi baatoonaa genje geppeenaꞌochi toommonooch beeti boonoshi deejjee gudeenaꞌonaa Asheeri misiloona beetoochaa goyinnemminaꞌone.

Hosee'i 5:14

Ebich Efreemich daaheroon, Yihudee asheenaꞌoyich, more daaheroon tuneree boonoshin tiishiichi beshe hammemmo taane. Bogishoo daammemmo taane. Koniyoona boonoshin wodiyoon hakkaachemmone.

Efesooni 5:6

Eboshi naboona Yeerichi kaaree shiixxoo biich deꞌa getaaneenaꞌo toommooch kindemmone; ebich koniyoona duube yibbaatoona ittoshin dachaaye.

Yaasi 22:20

Zaari kechi asheenaꞌoochee ikkoo tuneti Akaani Yeerich gibeneyoon qajjiꞌi, timeeti mooyon bi daammitoyich, Israꞌeeleenaꞌo bulli toommooch Yeerichi naxo kinditone. Bi shuuneti axaaxoyich qitito, bi ikkeeto baach toonoone” iyeete.

Woraaferasheenaꞌo 5:8

Dallaawe nuggisheenaꞌon Israꞌeeleenaꞌo shunnitoyich, gino boonoshi kellooch shaggiye; aabbe hume Israꞌeeleenaꞌo daggoochee, ginoon woyee gaachoon yechiti ikke asholla aalloone.

Woraaferasheenaꞌo 8:33

Geediyooni qitii yagaan beetaa Israꞌeeleenaꞌo Yeerich gibeneyoon qajjiꞌi wochinnoon Baꞌaaleenaꞌoyich goyinnooch giyiyeete; Baꞌaal Beriitinoo boonoshi nuggishoon tuniiheete.