2 Kiinoo 24:17 - Kafa Linguistics Project

¹⁷ Yoyaadi qititoyee gubb, Yihudee iraasheenaꞌo waa taatoyich oogoon immiꞌi, taatoo boonoshi ciicoon bi waayemmoyich tuniiheete.

2 Kiinoo 24:17 ပူးပေါင်းရင်းမြစ်များ

2 Taateenaꞌo 12:18

Yihudee taatoo Yoꞌaashi biyee aafi taateenaꞌo, ebi geto, Yoshafaaxi, Yehoraaminaa Akaziyaasina Doono Yeerich kichii boonoshi kotiiti, yaafeeti wojjoonaa bi wojjiti wojjoonon, yaafee kechi ginjabeetoonaa taatee kechi ginjabeetoonooch beeti aachoo bullinoo kicii, wojjoo tuniiꞌi, taatoo Hazaheelich daachiihe. Hazaheeliyoo ebin deqqiꞌi, bi ginee naayinaꞌon Yerusaalemee wochiye.

2 Kiinoo 24:16

Biyoo Israꞌeeleenaꞌoyich, Yeerinaa bi yaafee kexonoyich gaawe mooyon bi shuunetoyich, biin Daawiti Katemooch beeti taateenaꞌochi maashooch duukkiyeete.

2 Kiinoo 24:18

Aroochee boonoshi qaabbechinaꞌochi Nuggishoo Doono Yeerichi yaafee kexon qajjiichii, Asheeri misileenaꞌonaa shahalleenaꞌoyich goyinnee maddooch giyiyeete. Ebi boonoshi xuꞌee naboona Yihudee showoonaa Yerusaaleminooch kaaro kindiye.

Shaahiyoo 20:19

Guuddii oonnechona aashee mooyo kechiye; ebich yibbaateechii wotteyaani ashi waanee wohe.

Shaahiyoo 26:28

Koottiibeeti heciyoo bi mayiitinaꞌon shixxiye; maree yibbaatoo aalloon deebiye.

Shaahiyoo 26:8

Mullaalloyich oogoon imo, xeppellooch xaqqoon qulloommone.

Shaahiyoo 29:12

Iraashoo koote mooyon elleebeeto bi tunegaata, bi naayinaꞌo bulli gondeenaꞌo tunemminaꞌone.

Shaahiyoo 29:5

Bi giyoyich noonoon shaawiibeeto, bi baatooch shaachoon shaachiye.

Hiziqeeli 18:24

“Tunebaani cadiqe asho bi cadiqittinoochee wotteꞌi gonde asheenaꞌo tuniibeeti gondoonaa ciigiiti mooyonon bi tuniigaata, kashoona beeyehe? Kashoona beetache; halla bi shuuneti cadiqe mooyolla gabeyaachemmone; gibeneyaano bi tunoonaa bi axaaxoonoyich qitemmone.

Daaneeli 11:32

Biyoo Yeerich goyinnoon qajjiti asheenaꞌon maroona bi waan tuniyemmone; tunebaani boonoshi Nuggishoon ariibeeti asheenaꞌo manji neexeree, biinna koyemminaꞌone.

Luqaasi 11:25

wottee bi waahaa, are bi kechiti kexo hidaa qanniꞌi beeton beeggiye.

Yibbaatoo 31:27

Am shaahe hukkechonaa babberoona ittoshi gaata ariibeeto taane. Ebiyoche, and kashoona ittoshina tookkaa ta beetaa, hanaach Doono Yeeri toommooch hukkoon tiijjito ittoshine. Illa ta qitiichaa aabichehe!

2 Pheexiroosi 1:15

And ta qiiccaabeeto, ta qititoyee gubb, bulli aaboon ebi mooyinaꞌon ittoshi shalligemmoyichiye.

Woraaferasheenaꞌo 8:33

Geediyooni qitii yagaan beetaa Israꞌeeleenaꞌo Yeerich gibeneyoon qajjiꞌi wochinnoon Baꞌaaleenaꞌoyich goyinnooch giyiyeete; Baꞌaal Beriitinoo boonoshi nuggishoon tuniiheete.