2 Kiinoo 24:14 - Kafa Linguistics Project

¹⁴ Shuunoon boonoshi ciichitoyee gubb, eche gijjoon taatoonaa Yoyaadina waan deebiyeete. Boonoshiyoo ebi aachoonaa birewoona Doono Yeerichi yaafee kechi qiicoyich, maddoonaa micciibeeti deejjoonoyich heechiibeeti saaneenaꞌonaa baribare qiiceenaꞌonoyich tuniiheete. Yoyaadi kashoona beeti yemeeno bulliich Doono Yeerichi yaafee kexooch micciibeeti deejjoo giddee beehe.

2 Kiinoo 24:14 ပူးပေါင်းရင်းမြစ်များ

1 Taateenaꞌo 7:50

xoofeenaꞌo, qafeteenaꞌo, quppe saaneenaꞌo, ixaanee qiiceenaꞌo, qaaqqee buno yecheyemmi qiiceenaꞌo; Yaafe Xaaꞌeexi Yaafooch giyeebeeti kellee shaaqqeenaꞌonaa yaafee kechi kella giyeebeeti kellee shaaqqeenaꞌonochi aachee maaxaafeenaꞌonane.

2 Taateenaꞌo 25:12

Tunebaani girechi ikkikke asheenaꞌon, woyinee bechechinaꞌonaa goyee gochechinaꞌona boonoshi tunemmoyich echiihe.

2 Taateenaꞌo 25:15

taatoo quyee naayinaꞌochi iraashoo aachee qiico bullinaa birewee qiico bullinon, qaaqqee buno yecheebeeti qiiceenaꞌonaa saaneenaꞌonooch beddaahaa daammiye.

2 Kiinoo 2:3

Xiroosi taatoo Kiraamichoo ishichiꞌi wochoon daachiihe: “Ta nihoo Daawiti, bi beeyemmi taatee kexon bi hagiyooba yigee mixon biich ne deejjoommon, taachoo ebiyoommon deejjibe.

2 Kiinoo 24:13

Shuunee toommooch beeti shuunechinaꞌo kupphe shuunechinaꞌo boonoshi tunetoyich, shuunoo boonoshi kishoona qanniye. Doono Yeerichi yaafee kexonoo wochinnoon shuuneꞌi, wonnee bi goorooch wochiyeete; manje kexon tuniiheete.

2 Kiinoo 24:15

Yoyaadi geenee baayeꞌi qitiye. Bi qitiyooba, bi eeno balli shaashe natone.

2 Kiinoo 31:2

Hiziqiyaasi qeesheenaꞌonaa Leweenaꞌonon boonoshi kuxi kuxona, boonoshi maddi maddooch neechiye. Doono Yeerichi kechi kelloochaa micciibeeti deejjoonaa ikkittinee deejjoonon boonoshi giddiyemmoyich, boonoshi maddemmoyich, boonoshi galletemmonaa boonoshi oogiyemmonoyich, qeesheenaꞌonaa Leweenaꞌonon boonoshi maddi maddoommon neechiye.

Keyo 36:5

Muusich “Asheenaꞌo Doono Yeeri gettiti shuunoyich qaaweetoyee beshaa beshe wojjoon deebii beetinaꞌone” iyeete.

Shaahiyoo 27:22

Tuushe ashoon, bottoochaa maayoon bottoommon, bottee bushoona ne bottetaanona, bi tuushoo biin gawukkaache.