2 Kiinoo 23:13 - Kafa Linguistics Project

¹³ Biyoo taatoo kelleexi giimbee gaꞌooch neexeꞌi beemon, bi gaꞌoochoo iraasheenaꞌonaa tiree huggechinaꞌona neexeꞌi beemon beeggahan; asheenaꞌo bulliyoo emirii, tiroonoo huggii beeheete. Shoddechinaꞌoo shoddee qiicoon yechiꞌi, shoddoon yaggii beeheete. Ataaliyi bi tahoon keexxaꞌa, “Hukkoone, hukkoone!” iyaꞌa cookiyan.

2 Kiinoo 23:13 ပူးပေါင်းရင်းမြစ်များ

2 Taateenaꞌo 11:14

Biyoo doyeetoommon taatoo giimbee gaꞌooch neexeꞌi beemon, bi gaꞌoochoo iraasheenaꞌonaa tiree huggechinaꞌona neexeꞌi beemon beeggahan; asheenaꞌo bulliyoo emirii, tiroonoo huggii beeheete. Ataaliyi bi tahoon keexxaꞌa, “Hukkoone, hukkoone!” iyaꞌa cookiyan.

2 Taateenaꞌo 23:3

Taatoo giimbee gaꞌooch neexeechii, ceeni bi mulloonaa ceeni bi kashoona Doono Yeerin dabboyich, bi getoon, bi qociyoonaa bi sheeroonon quyoyich, ebi macaafooch kooreeti wogoon ceechoyich, Doono Yeeri aafooch wogoon giyiye. Asheenaꞌo bulliyoo wogoon giyiyeete.

2 Taateenaꞌo 9:13

Aroochee boonoshi bulliyona afaafinoona boonoshi iddimoon daammii, bi shaaddeebeeti daqqellooch yaggiyeete; tiroonoo huggiꞌi, “Yehi taatetone” iꞌi awaajjiyeete.

2 Taateenaꞌo 9:23

Aroochee Yoraami gaarin guudiiꞌi wocciibee, Akaziyaasich, “Akaziyaaso, ebi hukkoani amoone” iye.

1 Kiinoo 12:40

Dambi-waan beeti Yisakooree yoodeenaꞌo, Zebuloonee yoodeenaꞌonaa Nifitaalee yoodeenaꞌonooch beddaahaa maayoon kurooch, gaaleech, biceroonaa gattoonooch xaaniꞌi deebiyeete. Israꞌeelee showooch oogeti emiroo bi tunetoyich koshon, buddinoon, nuuppheti balaasee michi aafoon, woyinee aafee yuunjoon, woyinee uyoon, zayitoon, gatteenaꞌonaa bageenaꞌononoo woddiiꞌi deebiyeete.

1 Kiinoo 15:24

Qeesheenaꞌo tuneti Shebaniyi, Yoshafeexi, Netaaneli, Amasayi, Zakaariyaasi, Beenayinaa Elezeerina Yeerichi taabootee aafoochaa tiroon huggii beeheete. Obeed Edoominaa Yehiyahinoo wotta taabootee kechi kelloon quyechinaꞌone.

1 Kiinoo 15:27

Daawiti muttee tuppoochee shippeti tahoon tahetone; taabootoon shaaggiti Leweenaꞌo bulli, shoddechinaꞌonaa shoddechinaꞌonochi ukkiroo Kananiyina wotta muttee tuppoochee shippeti tahoon tahetinaꞌone. Daawiti wotta muttee tuppoochee shippeti efoodoon tahetone.

2 Kiinoo 23:12

Ataaliyiyoo okki hach woceebee taatoon moogeebeeti asheenaꞌochi cookoon waayaꞌa, asheenaꞌo beetooch, Doono Yeerichi yaafee kexooch hammahan.

2 Kiinoo 23:14

Qeeshoo Yoyaadi Ataaliyi Doono Yeerichi yaafee kexoochaa bi qitemmoyich qaawaano bi tunetoyich, ginee naayinaꞌo toommooch iraasheti ballee iraasheenaꞌon ceeggiꞌi boonoshich ishichiye: “Ginee naayinaꞌochi gutte daggoona biin kichi deebote; biin dabbimmo koninolla goraadoona wuxibote” iye.

2 Kiinoo 34:31

Taatoo bi beetooch neexeechii, ceeni bi mulloonaa ceeni bi kashoona Doono Yeerin dabboyich, bi getoon, bi qociyoonaa bi sheeroonon quyoyich, ebi macaafooch kooreeti wogoon ceechoyich, Doono Yeeri aafooch wogoon giyiye.

Shoddo 14:5

Yeeri beeto cadiqeenaꞌona tookkii bi tunetoyich, gonde shuunechinaꞌo boonoshi beetoochaa shatona geewemminaꞌone.

Shaahiyoo 11:10

Cadiqeenaꞌoyich mooyo kaamegaata, katemoo emiriye; gondeenaꞌo aallegaata, wotta emiroona ililiye.

Shaahiyoo 29:2

Cadiqeenaꞌo ukkirehooba maccoo emiriye; tunebaani gonde asheenaꞌo ukkirehooba maccoo gaashilliye.

Dojjecho 9:12

Asho bi ciiro aata gaata ariyaache. Haashoo dabbooch bi yechoommon, kafoo ballaattooch bi yechoommon, asho gabaanoon diqqoona qitoona danehe.

Hiziqeeli 46:2

Iraashoo maach waan beeti beshe boochoona giyiree kellee qoomee gaꞌooch neexebe; qeesheenaꞌoo micciibeeti bi giddiiti deejjoonaa ikkittinee deejjoonon deejjibeete. Iraashoo kelloochaa goyinnebe; ebiyee gubboo keye; tunebaani kello xumemmi wottoon hichaaye.

Woraaferasheenaꞌo 7:8

Geediyooni keejje balleenaꞌon baach bi waan echiichii, echeti Israꞌeeleenaꞌon boonoshi kexi kexooch boonoshi wottemmoyich tuniihe. Bi waan echeti asheenaꞌo shohoonaa tiroonon ebi wotteti asheenaꞌo waanee deqqiyeete. Miidiyameenaꞌo kaamboon geddiꞌi koteti xaaꞌoo beeto, boonoshi baata beeti bamboochiye.