2 Kiinoo 23:11 - Kafa Linguistics Project

¹¹ Aroochee Yoyaadi taatoochi bushoon kichiꞌi, gubbichoon ukiihe; wogee macaafoonoo biich immiye; taatoo bi tunoon awaajjiyeete; Yoyaadinaa bi bushiisheenaꞌona biin huuttiꞌi taatiiheete. Boonoshiyoo, “Taatoo hume naton taatebe” iibee cookiyeete.

2 Kiinoo 23:11 ပူးပေါင်းရင်းမြစ်များ

2 Saameeli 1:10

“Tawoo bi dihigaata bekkech qitemmo bi tunoon ta ariitoyich, bi waan giddaꞌa biin wuxiyoye. Bi shimbooch beeti gubbichoonaa bi kishee dibbooch beeti shagaamoonon yechaꞌa, ta doono neech ebiyoche deebeto taane” iye.

2 Saameeli 16:16

Daawitichi boyechi, Arikee asho Hushayi Abisoloom waan waahe. Biyoo Abisoloomin “Taatoocho, ne eeno genjebe; ne eeno genjebe” iye.

2 Saameeli 5:3

Ebina Israꞌeeleenaꞌon qeejjiibeeti geeneenaꞌo bulli Kebiroon, Daawit waan waaheete. Taatoo Daawitiyoo Kebiroonaa Doono Yeeri aafoochaa boonoshina tookkii wogoon giyiye. Boonoshiyoo Daawiti shimbooch zayitoon huuttiꞌi, Israꞌeelee showooch biin taatiiheete.

1 Taateenaꞌo 1:25

Hanaach desh kindiꞌi, meeti wuron, gubbeneenaꞌonaa bageenaꞌonon deejjitone. Taatoochi bushiishoo bullin, ginee iraashoo Yoꞌaabinaa qeeshoo Abiyataarinon ceeggitone. Ebiyoche, boonoshiyoo bi aafoochaa maa uchiibee, ‘Taatoo Adoniyaasi hume naton taatebe!’ ii beetinaꞌone.

1 Taateenaꞌo 1:34

Aroochaa qeeshoo Sadooqinaa keemechi Naataanina biin huutiree, Israꞌeeleenaꞌo toommooch taatiibeete; tiroon (waaringoon) hugibee, ‘Taatoo Solomooni hume naton taatebe!’ getote.

1 Taateenaꞌo 1:39

Qeeshoo Sadooqiyoo zayitee xoofoon danee duukkaanoochee deebiꞌi, Solomoonin huuttiye; tiroon huggiyeete. Asheenaꞌo bulliyoo “Taatoo Solomooni hume naton taatebe!” iyeete.

2 Taateenaꞌo 11:12

Aroochee Yoyaadi taatoochi bushoon kichiꞌi, gubbichoon ukiihe; wogee macaafoonoo biich immiye; taatoo bi tunoon awaajjiyeete; biinoo huuttiꞌi taatiiheete. Boonoshiyoo koppeebee, “Taatoo hume naton taatebe” ii cookiyeete.

2 Kiinoo 22:11

Tunebaani taatoo Yehoraami bushee Yehoshaabi, wuxeebeeti, taatoochi bushiisheenaꞌo daggoochee Akaziyaasi bushoo Yoꞌaashin gaajjaꞌa daammahan; biinnaa bi dichindeenon yaafee kechi gatooch aachiyan. Taatoo Yehoraami bushee, Akaziyaasi manee, qeeshoo Yoyaadi mechee Yehoshaabi, ebiyoommi gommona bushoon aachaꞌa Ataaliyi kishoochee wodiihan.

2 Kiinoo 23:10

Asheenaꞌo boonoshi ikkikkoona ginee qiicoon yeshiree, yaafee kexoochaa deshi-waanee dambi-waan beddaahaa, deejjee gudoonaa yaafee kexonochi guudoonooch neexeree taatoon boonoshi quyemmoyich tuniihe.

2 Kiinoo 23:12

Ataaliyiyoo okki hach woceebee taatoon moogeebeeti asheenaꞌochi cookoon waayaꞌa, asheenaꞌo beetooch, Doono Yeerichi yaafee kexooch hammahan.

Shoddo 132:18

Bi etteenaꞌoyich yeelloon tajjemmo taane; tunebaani bi uketi gubbichoo waccemmone” iye.

Shoddo 21:3

Wodde diiroon imona biinna danehine; xalle aachee gubbichoon bi qellooch ukiihine.

Shoddo 78:5

Biyoo Yaaqobichi shiijjereenaꞌoyich qociyoon neechiye; Israꞌeeleenaꞌoyichoo sheeroon geddiye; no qaabbechinaꞌoo boonoshi bushiisheenaꞌoyich boonoshi dojjemmoyichoo gettiye.

Shoddo 89:20

Ta guuno Daawitin danehoye; yaafeeti ta zayitoona biin huuttehoye.

Shoddo 89:39

Ne guunona tookkaa ne giyeti wogoon biichehine; bi gubbichoonoo showooch duppaꞌa eeꞌiihine.

Keyo 25:16

Neech ta immemmi, sheeroo kooreeti gutte yalle xaqqeenaꞌon taabootee maac kotiibe.

Keyo 25:21

Neech ta immemmi, sheeroo kooreeti gutte yalle xaqqeenaꞌon taabootee maac kotiibe. Aroochee axaaxoon maariyee guufoon taabootee toommooch kotiibe.

Keyo 31:18

Doono Yeeri Siini guudi toommoochaa Muusina tookkii bi yibbaatoon bi ciichitoyee gubb, bi yapheroona kooreeti, gutte yalle miixee xaqqeenaꞌon Muusich immiye.

Isiyaasi 49:23

Taateenaꞌo neech dichinihoon, taateenaꞌochi mecheenaꞌo dichindeen, tunemminaꞌone; baroona guuferee neech goyinnemminaꞌone; ne baateexi buttoon baaxxemminaꞌone; ebina Doono Yeeri ta tunoon ariyemmi neene; boonoshin ta gaachemmoyich quyee beetinaꞌo ciroona yeelleyaacheete” iye.

Isiyaasi 8:16

Miixittinoon qodi cuye; sheeroonoo kaafi nashiree, ta dabbeenaꞌoyich imbe.

Isiyaasi 8:20

Ittoshi, Doono Yeerichi sheeroonaa miixittinoona hambote; ebi qaaroon geto boonoshi qayigaata, haree bekko boonoshich bekkeyaachemmone.

Maatiyoosi 21:9

Aaf shiichii beetinaꞌonaa gubb dabbii beetinaꞌona, “Hosaana! Daawitichi Bushoyich oogo tunebe! Doonochi shigoona waabeeto diireebe! Hosaana! Shimaajji shimaayooch beeti Yeeri galleteebe!” iibee cookeeheete.

Hibireena'o 2:9

Tunebaani Yeerichi wojjoona asho bullich bi qitemmoyich, giisheche wottoon maraakeenaꞌoyee bi shappemmoyich tuneti Yesuusin, qitee xuuxoon bi beeggitoyich, oogoonaa oogee yiiroonochi gubbichoon uketon beeggehone.

Yaaqobi 1:12

Iritoo bi toommooch shagiyooba haaꞌiibeeti asho diireetone; iritoon haaꞌiyoona bi beshiitoyee gubb, Yeeri biin shunnii beetinaꞌoyich bi gibenikkiti bulli yemeenee kashee gubbichoon danemmone.

Yaaqobi 2:5

Ta shunnaabeeti ta maneenaꞌote! Ellebote! Kiristoosi toommooch mullee tooꞌiyoona gaannechinaꞌo boonoshi tunemmonaa biin shunnii beetinaꞌoyich bi gibenikkiti taatittinoon boonoshi woraashemmonoyich, Yeeri hini alemeexi girechinaꞌon kaacaanoone?

Yaaꞌoo 19:12

Bi aafo qaaqqee aaxxoommone; bi shimboochoo meeti gubbichoon uketone; bi ikkeeto baachalli koniyoona ariyaani kooreeti shigo biich beetone.

Yaaꞌoo 4:10

hiyaa awudde geeneenaꞌo taatee qeenooch koteto aafooch baroona guufeꞌi bulli yemeenoon beeyechoyich goyinneebee, “No Doono, no Nuggishoocho! Bulli mooyon hallitine; ne daaggoonoo tunetone, halleetone. Ebich ‘Oogee yiirecho neene; oogoo neene; giidecho neene’ getteya beddehine” iibee boonoshi uketi gubbichoon kindii taatee qeenooch koteto aafooch kotiiheete.

Yaaꞌoo 4:4

Ebi are taatee qeechi guudoona bare hiyaa awudde taatee qeeninaꞌo beeheete; ebi qeeninaꞌo toommooch nacce tahoon taheꞌi boonoshi qellooch aachee gubbichoon uketi hiyaa awudde geeneenaꞌo koteꞌi beeheete.

Yaaꞌoo 5:10

boonoshinoo no Nuggishoyich maddeebeeti qeesheenaꞌonaa bi taatee asheenaꞌonon tuniito neene; showee toommoochoo taatemminaꞌone” iyeete.

1 Saameeli 10:1

Aroochee Saameeli zayitoon yechiti qiicoon daammiꞌi Saaꞌooli shimbooch zayitoon ukkiye. Biin shummiichii ishichiye: “Doono Yeeri bi hajjee asheenaꞌo tuneti Israꞌeeleenaꞌo toommooch iraashoo ne tunemmoyich neen kaaccitone. [Yaabi qeejjibee, boonoshi guudoona beeti boonoshi etteenaꞌo kishoochee wodiyemmo neene. Bi asheenaꞌon yaabii qeejjecho ne tunemmoyich, Doono Yeeri neen bi kaacoyich ebi neech malletoo tunemmone.]

1 Saameeli 10:24

Saameeliyoo asheenaꞌo bullich “Ebi Doono Yeeri kaacciti uroon beeggii beetote? Asho bulli daggoochee biinna tato koniyoona aalloone” iye. Aroochee asheenaꞌo bulli “Taatoocho, ne taatittino manjibe” iibee cookiyeete.