2 Kiinoo 22:5 - Kafa Linguistics Project

⁵ Boonoshi ciicoon waayeꞌi, Israꞌeelee taatoo Akaabi bushoo Yoraamina tookkii, Sooriyee taatoo Hazaheelin kocha Gilaadee showooch beeti Ramoot hammiye. Sooriyeenaꞌo Yoraamin kochii mayiiheete.

2 Kiinoo 22:5 ပူးပေါင်းရင်းမြစ်များ

1 Taateenaꞌo 22:3

Israꞌeelee taatoo bi naayinaꞌoyich, “Gilaadee showooch beeti Ramooti katemoo noocho tunoon, nowoo Sooriyee taatoo kishoochee deꞌaanoon cikkiyaa no qayon arii beetote?” iye.

1 Taateenaꞌo 4:13

Gilaadee showooch beeti Ramoot, Gilaadee showooch Minaasi bushoo Yaꞌiirichi gafeenaꞌooch, wotta Bashaanee showooch beeti Arigobee showoonaa boonoshi tuggo gooshoo tuneti, xaqqee uxerechi shiche ogooge katemeenaꞌonooch Been Geberi;

2 Taateenaꞌo 3:1

Yihudee taatoo Yoshafaaxi taateti aaraa shimittinnee natooba, Akaabi bushoo Yoraami Israꞌeeleenaꞌo toommooch taatehe; Shamaara beechii, aaraa gutte naton qeejjiye.

2 Taateenaꞌo 8:9

Ebich Hazaheeliyoo Elisayina danoyich hammiye. Damaasiqee daneti gaawe mooyo bullin aabbe gaaleenaꞌona xaaniꞌi, wojjoon daammiye. Hammii bi aafooch neexeechii, “Sooriyee taatoo tuneti ne bushoo Been Hadaadi, ‘Hini biiyoochee wodehote?’ iꞌi neen ta echemmoyich, taan wochetone” iye.

2 Taateenaꞌo 9:1

Keemechi Elisayi keemechinaꞌochi guuphi daggoochee ikkoon ceeggiꞌi ishichiye: “Ne shimetoon cuyebe; hini qiicooch beeti zayitoon yeshiree, Gilaadee showooch beeti Ramoot hambe.

2 Kiinoo 18:3

Israꞌeelee taatoo Akaabi Yihudee taatoo Yoshafaaxin, “Gilaadee showooch beeti Ramootin no kochemmoyich, taanna tookki hammenne?” iꞌi echehe. Yoshafaaxiyoo Israꞌeelee taatoyich, “Tawoo neenoommo taane; ta ashoo ne ashoommone; koyooch neenna tookki hammemmo noone” iye.

2 Kiinoo 18:31

Gaarinaꞌochi ukkireenaꞌoo Yoshafaaxin beeggiꞌi, “Hini Israꞌeelee taatoone” iꞌi gabiyeete. Ebich biin kocha bi waan guuddiyeete. Yoshafaaxiyoo cookiye. Doono Yeeriyoo biin gaachehe. Yeeri bi waanee boonoshin wochiye.

2 Kiinoo 19:2

Hanaani bushoo yaaꞌechi Yehi biinna daneya hammiꞌi, taatoo Yoshafaaxich ishichiye: “Gonde ashoon gaachenne? Doono Yeerin shixxii beeton shunnenne? Ebich Doono Yeeri kaaro ne toommooch waatone.

2 Kiinoo 22:6

Aroochee Sooriyee taatoo Hazaheelina tookkii bi koyehooba, Ramooti katemoochaa bi kocheti mayochee wodoyich Yezireel wottehe. Yehoraami bushoo Yihudee taatoo Akaziyaasi ebi biiyeti, Akaabi bushoo Yoraamin cacheya Yezireel hammiye.

Shoddo 1:1

Gondeenaꞌochi ciicoona hamaani, axaaxechinaꞌochi gommooch neexeyaani, cooqqirechinaꞌochi gabberooch koteyaani, asho diireetone.

Daaneeli 5:22

“Belshasooro, ne, bi bushoo neene; ebi bullin ariibeeto neene; tunebaani ne qelloon giishiyaano neene.

Mikiyaasi 6:16

Ebiyoo, taatoo Omiri, bi bushoo Akaabinaa bi yareenaꞌonochi qociyoon dabboona boonoshi shuunetoommi axaaxoon ittoshi shuunetoyichiye. Boonoshi dojjiti doyoon yechito ittoshine. Ebich ittoshin aalliyemmo taane; cooniishoo gettemmo taane. Aagetee asho bulli ittoshin hoxemmone” iye.