2 Kiinoo 22:1 - Kafa Linguistics Project

¹ Arabeenaꞌona tookkii boonoshi kaambooch waati bokkeenaꞌo bi qaabbe bushiisheenaꞌo bullin boonoshi wuxitoyich, Yerusaalem beeti asheenaꞌo Yehoraamichi guuche ciire bushoo Akaziyaasin bi xaaꞌooch keriꞌi taatiiheete. Ebina Yihudee taatoo Yehoraami bushoo Akaziyaasi taatehe.

2 Kiinoo 22:1 ပူးပေါင်းရင်းမြစ်များ

2 Taateenaꞌo 10:13

Yihudee taatoo Akaziyaasi xibeenaꞌona daneꞌi, “Ittoshi koni ittoshine?” iꞌi echehe. Boonoshiyoo, “Taatoo Akaziyaasi xiboo noone. Taatoo bushiisheenaꞌonaa gennee abeeti Elizabeelinochi bushiisheenaꞌonon diggiyoyich, hammaabeeto noone” iꞌi wochiyeete.

2 Taateenaꞌo 8:16

Israꞌeelee taatoo Akaabi bushoo Yoraami taateti uuchinnee natooba, Yihudee taatoo Yoshafaaxi bushoo Yehoraami taatehe.

2 Taateenaꞌo 9:1

Keemechi Elisayi keemechinaꞌochi guuphi daggoochee ikkoon ceeggiꞌi ishichiye: “Ne shimetoon cuyebe; hini qiicooch beeti zayitoon yeshiree, Gilaadee showooch beeti Ramoot hambe.

1 Kiinoo 3:11

Yoshafaaxi bushoo Yehoraami, Yehoraami bushoo Akaziyaasi, Akaziyaasi bushoo Yoꞌaashi,

2 Kiinoo 22:2

Akaziyaasi bi taatehooba, bi eeno hiyaa gutte natone. Yerusaalem beechii ikke naton qeejjiye. Bi indee Ataaliyi getteehan; biyoo Omiri bushoochi busheene.

2 Kiinoo 23:3

Boonoshi bulliyoo Yeerichi yaafee kexoochaa taatoona tookkii wogoon giyiyeete. Yoyaadiyoo boonoshich ishichiye: “Taatoochi bushoo ebiyoche, Doono Yeeri Daawitichi shiijjereenaꞌochon bi gettitoommon, taatemmo biine.

2 Kiinoo 25:23

Aroochee Israꞌeelee taatoo Yehoꞌashi, Akaziyaasi bushoo Yoꞌaashi bushoo Yihudee taatoo, Amasiyaasin Beet Shemeeshee keccii, Yerusaalem deebiye. Yerusaalemi xaqqee uxeroonoo Efreemi Kelloochee tiijjii Uxeree Daneexi Kellooch beddaahaa, awudde balle hira bedoon happiye.

2 Kiinoo 26:1

Yihudee asho bulli bi eeno aaraa shiritte nato tuneti Uziyaahin daammiꞌi, bi nihoo Amasiyaasi keroon taatiihe.

2 Kiinoo 33:25

Tunebaani Yihudee asheenaꞌo taatoo Amoonin wuxitinaꞌo bullin wuxiyeete; bi bushoo Yosiyaasin bi xaaꞌooch keriꞌi taatiiheete.

2 Kiinoo 36:1

Yihudee asheenaꞌo Yosiyaasi bushoo Yoꞌakaazin bi nihoochi xaaꞌooch Yerusaalemaa taatiiheete.