2 Kiinoo 21:7 - Kafa Linguistics Project

⁷ Tunebaani Doono Yeeri Daawitina tookkii bi giyiti wogoyich, bi yareenaꞌon aalliyoon qaawaanoone; Daawitinaa bi yareenaꞌonoyich bulli yemeenoon beeyemmi ceechoon yeshiyoyich gibenikkitone.

2 Kiinoo 21:7 ပူးပေါင်းရင်းမြစ်များ

2 Saameeli 21:17

Tseruuyi bushoo Abishayi Daawitin gaacheya waahe; are Filsixeemoonoo kochii wuxiye. Aroochee Daawitichi ginee naayinaꞌo biich ishichiyeete: “Ne Israꞌeelee showooch aaxxeebeeti ceechoommo neene; ne qitigaata, ne shiijjeroocheenoo koniyoona ne taatittinoon yesho qayigaata, nooch beemo manderemmone. Ebich illa ebiyee damba noonna tookki koyooch hamaachemmo neene” iꞌi wogeheete.

2 Saameeli 23:5

“Yeeri ta shiijjeroon bi diiremmo ebiyoommi gommonane; Yeeri bulli yemeenoon beeyemmi wogoon taanna tookkii giyitone; bulli mooyon tatoona gawaatitone; biyoo bi gibenikkiton shaddaanoone. Ta qaawaabeeto ebiniye; Yeeri iberoon taan gaachemmone; ebi bulli ceennemmoyich tuniyemmone.

1 Taateenaꞌo 11:13

Tunebaani ta guuno Daawitinaa ta kaacceti Yerusaaleminoyicha getiree, taatittino bullin bogaachemmo taane. Ne bushoyich ikke yoodoon immemmo taane” iye.

1 Taateenaꞌo 11:36

Ta shigo arooch bi beeyemmoyich, ta kaacceti katemoo Yerusaalem, ta guuno Daawitich ceechoo bulli aaboon ta aafooch bi beeyemmoyich, bi bushoyich ikke yoodoon immemmo taane.

1 Taateenaꞌo 15:4

Tunebaani bi hillooch bi bushoo taatemmonaa Yerusaalemin bi manjiyemmonoyich, bi Nuggishoo Doono Yeeri Daawiticha iꞌi ceechoon biich immiye.

2 Taateenaꞌo 8:19

Tunebaani Doono Yeeri bi guuno Daawiticha iꞌi, Yihudee taatittinoon aalliyoon qaawaanoone. Ebiyoo Daawitinaa bi yaroonochi ceechoon bulli yemeenoon takkaachemmo bi tunoon Daawitich bi gibenikkitoyichiye.

2 Taateenaꞌo 8:24

Yehoraamiyoo qitiꞌi, bi qaabbechinaꞌo waan xaꞌeehe; Daawiti Katemooch beeti bi qaabbechinaꞌo maashooch duukkehe. Bi bushoo Akaziyaasi bi xaaꞌooch kereeꞌi taatehe.

2 Kiinoo 22:11

Tunebaani taatoo Yehoraami bushee Yehoshaabi, wuxeebeeti, taatoochi bushiisheenaꞌo daggoochee Akaziyaasi bushoo Yoꞌaashin gaajjaꞌa daammahan; biinnaa bi dichindeenon yaafee kechi gatooch aachiyan. Taatoo Yehoraami bushee, Akaziyaasi manee, qeeshoo Yoyaadi mechee Yehoshaabi, ebiyoommi gommona bushoon aachaꞌa Ataaliyi kishoochee wodiihan.

2 Kiinoo 23:3

Boonoshi bulliyoo Yeerichi yaafee kexoochaa taatoona tookkii wogoon giyiyeete. Yoyaadiyoo boonoshich ishichiye: “Taatoochi bushoo ebiyoche, Doono Yeeri Daawitichi shiijjereenaꞌochon bi gettitoommon, taatemmo biine.

2 Kiinoo 6:16

“Andoo Israꞌeelee Nuggishoo Doono Yeero, ne guuno tuneti, ta nihoo Daawitich ‘Ta sheeroon ne quyoommon, ne bushiisheenaꞌo baach manjii quyebeetani, ta aafooch Israꞌeelee taatee qeenooch kotemmi asho ne shiijjeroochee mucceyaachemmone’ iyaꞌa ne gibenikkiti gibenoon ceechibe.

Shoddo 132:11

Doono Yeeri shaddeyaani ibere wogoon Daawitich ishichiꞌi wogehe: “Ne hajjee bushoon ne taatee qeenooch kotiyemmo taane.

Shoddo 89:39

Ne guunona tookkaa ne giyeti wogoon biichehine; bi gubbichoonoo showooch duppaꞌa eeꞌiihine.

Luqaasi 1:79

No waan bi woyemmo, manderoonaa qitee yiiroonooch kotaabeeti nooch bekkiiya, diggee gommoochoo noon yaabiyane” iye.