2 Kiinoo 21:20 - Kafa Linguistics Project

²⁰ Yehoraami bi taatehooba, bi eeno shaashaa gutte natone. Yerusaalem beechii shimitte naton qeejjiye. Bi qitiyooba, koniyoona biich ayinaanoone. Biinoo Daawiti Katemooch duukkiyeete; tunebaani taateenaꞌochi maashooch duukkeyaanoone.

2 Kiinoo 21:20 ပူးပေါင်းရင်းမြစ်များ

2 Taateenaꞌo 8:24

Yehoraamiyoo qitiꞌi, bi qaabbechinaꞌo waan xaꞌeehe; Daawiti Katemooch beeti bi qaabbechinaꞌo maashooch duukkehe. Bi bushoo Akaziyaasi bi xaaꞌooch kereeꞌi taatehe.

2 Kiinoo 23:21

Ebich asheenaꞌo bulli emiriyeete; Ataaliyi goraadoona bi qititoyee gubb, katemoo shashewimiye.

2 Kiinoo 24:16

Biyoo Israꞌeeleenaꞌoyich, Yeerinaa bi yaafee kexonoyich gaawe mooyon bi shuunetoyich, biin Daawiti Katemooch beeti taateenaꞌochi maashooch duukkiyeete.

2 Kiinoo 24:25

Boonoshiyoo Yoꞌaashin qaakkii kochiꞌi mayiitinaꞌone. Sooriyee ginee naayinaꞌo aroochee boonoshi wotteechaa, bi naayinaꞌo bi toommooch koceeꞌi, bi qeenooch bi beetaa, biin wuxiyeete. Ebiyoo qeeshoo Yoyaadi bushoon bi wuxitoyichiye. Ebina biyoo qitiye. Biinoo Daawiti Katemooch duukkiyeete; tunebaani taateenaꞌochi maashooch duukkeyaanoone.

2 Kiinoo 26:23

Uziyaahi qitiꞌi bi qaabbechinaꞌo waan xaꞌeehe. “Qeddee shaddee biiyechone” iꞌi taateenaꞌochi oppee maashee gaꞌooch beeti xaaꞌooch biin duukkiyeete. Bi bushoo Yotaami bi xaaꞌooch kereeꞌi taatehe.

2 Kiinoo 28:26

Akaazi shuuneti eche shuunoonaa bi tuniiti mooyo bullina batti battichoochee tiijjii ciireexooch beddaahaa, Yihudee taateenaꞌonaa Israꞌeelee taateenaꞌonochi kiinee macaafooch kooreetone.

2 Kiinoo 28:27

Akaazi qitiꞌi bi qaabbechinaꞌo waan xaꞌeehe; Yerusaalem duukkehe. Tunebaani taatee maashooch duukkeyaanoone. Bi bushoo Hiziqiyaasi bi xaaꞌooch kereeꞌi taatehe.

2 Kiinoo 33:20

Minaasi qitiꞌi bi qaabbechinaꞌo waan xaꞌeehe. Bi taatee kechi gaꞌoochoo duukkehe. Bi bushoo Amooni bi xaaꞌooch kereeꞌi taatehe.

Shaahiyoo 10:7

Cadiqeenaꞌochi shalligichoo diiroyich tunemmone; tunebaani gondeenaꞌochi shigo aalle batteyemmone.

Erimiyaasi 22:18

Ebich Doono Yeeri Yihudee taatoo Yosiyaasichi bushoo Yoyaqiimichon ishichii beetone: “ ‘Ye ta manoocho, ye ta maneene!’ getibee, biich shoosheyaachemminaꞌone; woyee ‘Ye ta doonocho, ye ta oogoocho!’ getibee biich shoosheyaachemminaꞌone;

Erimiyaasi 22:28

Tawoo ishichiyo “Hini uro Yoyakiini, hoxeeti tiishe qondoone? Yoyakiini qaaweyaani nuuqqee qiicoone? Biinnaa bi bushiisheenaꞌona boonoshi ariyaani showooch amoyich kecaa daammeeheete?” iyo.