2 Kiinoo 21:10 - Kafa Linguistics Project

¹⁰ Ebina Edoomeenaꞌo Yihudee asheenaꞌo toommooch hanaach beddaahaa hukkeꞌiniye boonoshi beeto. Yehoraami bi qaabbechinaꞌochi Nuggishoo Doono Yeerin bi qajjitoyich, Libini katemee asheenaꞌo ebiyooba bi toommooch hukkoon tiijjiyeete.

2 Kiinoo 21:10 ပူးပေါင်းရင်းမြစ်များ

1 Taateenaꞌo 11:31

Aroochee Yeroboꞌamich ishichiye: “Aashire keexoon neech dambe; Israꞌeelee Nuggishoo Doono Yeeri ishichiye: ‘Solomoonichi taatittinoon bi kishoochee boggemmo taane; aashire yoodoon neech immemmo taane.

1 Taateenaꞌo 11:33

Ebin ta tuniyemmoo, taan qajjiichii, Sidooneenaꞌochi nuggishee Ashitarootin, Moꞌabeenaꞌochi nuggishoo Kemooshinaa Amooneenaꞌochi nuggishoo Milikoominoyich goyinnee bi maddetoyichiye; wotta ta aafooch kaame mooyon tuniyoona, ta qociyoonaa ta getoonon quyoon, bi nihoo Daawiti ta gommona bi hamoommon, hamonoo bi qajjitoyichiye.

2 Taateenaꞌo 19:8

Asooree taatoo Lakishee tiyii hammiꞌi, Libini katemoon kochiibeeto bi tunoon Rabishaqi waayeꞌi, arooch hammiye.

2 Kiinoo 13:10

“Tunebaani nooch andoo Doono Yeeri, no Nuggishoone. No biin qayaano noone. Doono Yeerichi maddechinaꞌo, eboshiyoo Haroonichi yareenaꞌo tuneti qeesheenaꞌonaa Leweenaꞌona shuunee toommooch noonna tookkii beetinaꞌone.

2 Kiinoo 15:2

Azariyaasi Aasina daneya hammiꞌi, “Aaso, Yihudee asheenaꞌonaa Biiniyaamee asheenaꞌonote, ta waanee ellebote. Ittoshi, Doono Yeerina tookkii ittoshi tunegaata, Doono Yeeriyoo ittoshina tookki tunemmone. Ittoshi qaawigaatoo ittoshich danemmone. Tunebaani biin ittoshi qayigaata, ittoshin qajjemmone.

2 Kiinoo 21:11

Wottoo Yihudee showeexi geppeenaꞌooch goyinnee xaaꞌeenaꞌon shuuneꞌi, Yerusaalemi asheenaꞌo Doono Yeerich boonoshi gibeneyaachemmoyich, Yihudee asheenaꞌoo muriccemmoyichoo tuniihe.

2 Kiinoo 21:8

Yehoraami taatee yemeenooch Edoomeenaꞌo Yihudee asheenaꞌo toommooch hukkoon tiijjiꞌi, boonoshi qellee taatoon taatiiheete.

2 Kiinoo 21:9

Aroochee Yehoraaminaa bi ginee iraasheenaꞌona gaarinaꞌo bullin yechiꞌi arooch kimmiyeete. Edoomee asheenaꞌo biinnaa bi ginee iraasheenaꞌonon giichiyeete. Tunebaani biinnaa gaarinaꞌochi ukkireenaꞌona xumoona tiyiꞌi boonoshin yexxiyeete.

2 Kiinoo 28:6

Yihudee asheenaꞌo boonoshi qaabbechinaꞌochi Nuggishoo Doono Yeerin boonoshi qajjitoyich, Remaliyi bushoo Feqaahi ikke qemooch Yihudee asheenaꞌoochee balli hiye hume ginee naayinaꞌon wuxiye; eboshi bulli ginee anaaminaꞌone.

Isiyaasi 1:28

Tunebaani hukkechinaꞌonaa axaaxechinaꞌona ikkittinoona buricemminaꞌone; Doono Yeerinoo qajjii beetinaꞌoo aallemminaꞌone.

Erimiyaasi 2:13

“Ta asheenaꞌo gutte gonde mooyon tuniitinaꞌone; ebiyoo, kashee aachi tunoo tuneti taan qajjitinaꞌone; aacon yesho hakkaani, hote oppeenaꞌonoo boonoshi qellich iijjitinaꞌone.

Erimiyaasi 2:19

Ne gondo wochi neen sheeremmone; taan ne qayo wochi neen qallayemmone; ne Nuggishoo Doono Yeeri taan ne qayo, taachoo shaton ne qayo, neech gondoonaa caamoona bi tunoon ariibe” iye Beshe Mawe Nuggishoo Doono Yeeri.

Yibbaatoo 31:17

Ebi tunehooba, ta kaaro boonoshi toommooch cufemmone; boonoshin qajjemmo taane; boonoshin guudi ciinaachemmo taane; boonoshiyoo aalleminaꞌone. Meeti gonde mooyonaa iritoona boonoshi toommooch shaggemmone. Boonoshiyoo ebiyooba, ‘Ebi gonde mooyo no toommooch bi shaggito, no Nuggishoo noonna tookkii tuno bi qajjitoyich toonoone?’ gettemminaꞌone.

Yibbaatoo 32:21

Nuggishoo tuneyaani gaacaalleenaꞌoyich goyinnehote; qanaateree ta kaaremmoyichoo tuniihote. Ebich gaacaalli aagetoona ittoshin qanaatiyemmo taane; shalligaalli aagetoona ittoshin ippiyemmo taane.

Yaasi 10:29

Aroochee Yaasinaa biinna tookkii beeti Israꞌeelee ginechinaꞌo bullina Maqidee Libina besheꞌi kochiyeete.

Yaasi 21:13

Ebiyoommon qeeshoo Haroonichi shiijjereenaꞌoyich, shoobi katemoo tuneti Kebirooni toommooch daakkaa, boonoshi guudoona beeti miinji gaddoona tookkii icheti katemeenaꞌo: Libini,

Woraaferasheenaꞌo 10:13

Tunebaani ittoshi taan qajjiichii, bare nuggisheenaꞌoyich goyinnee maddehote; ebich ta ebiyee damba ittoshin wodiyaachemmo taane.