2 Kiinoo 20:7 - Kafa Linguistics Project

⁷ No Nuggishoocho, hini showee asheenaꞌon ne asheenaꞌo tuneti Israꞌeeleenaꞌo aafoochee yookkaa kichaachaa, ne shunecho tuneti Abrahami shiijjereenaꞌoyich, bulli yemeenoon boonoshicho bi tunemmoyich showoon immeto, neene.

2 Kiinoo 20:7 ပူးပေါင်းရင်းမြစ်များ

Halloo 12:7

Doono Yeeri Abraamich bekkeꞌi, “Hini showoon ne yaroyich immemmo taane” iye. Ebich Abraami biich bekketi Doono Yeerich goyinneya, are xaaꞌooch deejjee gudoon shuunehe.

Halloo 13:15

Ne ciinnaabeeti showoo bullin neennaa ne shiijjereenaꞌonoyich immemmo taane; bulli yemeenoon ittoshicho tunemmone.

Halloo 17:7

Neennaa neyee gubbi ne shiijjereenaꞌonoyich Nuggishoo ta tunemmoyich, neennaa taanna daggooch, gubbi ne shiijjereenaꞌo bullinaa taanna daggoochoo, bulli yemeenee wogoon giyemmo taane.

2 Kiinoo 14:11

Aasi bi Nuggishoo Doono Yeer waan ishichiꞌi cookiye: “Doono Yeero, hakka guuteenaꞌon hakkechinaꞌo waanee gaacheebeeto neenoommo koniyoona aalloone. No Nuggishoo Doono Yeero, neen no gibenetoyich, ne shigoona hini mattiqutte ginee naayona koyemmo noone; noon gaachebe. Doono Yeero, no Nuggishoo neene; asho neen kochii wochoon hakkaache” iye.

2 Kiinoo 20:8

Boonoshiyoo arooch koteheete. Ne shigoyichoo yaafee kexon haggiyeete; ebin boonoshi tuniito,

Nehimi 9:8

Neech gibeneeto bi tunoon beeggehine; Kanaaneenaꞌo showoon, Hiteenaꞌo showoon, Amooreenaꞌo showoon, Ferizeenaꞌo showoon, Yebuseenaꞌo showoonaa Girigaasheenaꞌo showoonon biinnaa bi shiijjereenaꞌonoyich imoyich, biinna tookkaa wogoon giyehine; cadiqo ne tunetoyich, ne qaaroon ceechihine.

Shoddo 44:2

Aageteenaꞌon ne mochoona yookkaa kichihine; tunebaani no qaabbechinaꞌon bechihine; macceenaꞌon yiikkehine; tunebaani no qaabbechinaꞌochi mooyon kaachihine.

Shoddo 44:3

Showoon boonoshi woraashito boonoshi goraadoona toonoone; wudoon boonoshi daneto boonoshi mochoona toonoone; boonoshina emiraa, ne aafoon boonoshich ne biriitoyich, ebin tuniito, ne qanne kishoonaa ne mochoonane.

Shoddo 80:8

Woyinee qomboon Gibitsee deebehine; aageteenaꞌon yookkaachaa boonoshi showooch bechihine.

Keyo 20:2

“Gibitsee showee guuchittinoochee neen kichiti, ne Nuggishoo Doono Yeeri taane.

Keyo 33:2

Maraakoon ne aaf shiichiiree, Kanaaneenaꞌon, Amooreenaꞌon, Hiteenaꞌon, Ferizeenaꞌon, Hiweenaꞌonaa Yebuseenaꞌonon yoohi kichemmo taane.

Keyo 6:7

Ittoshin ta maccoo tuniyemmo taane; ittoshichoo Nuggishoon tunemmo taane. Gibitseenaꞌochi guuchittinee waanjoochee ittoshin kichiti, ittoshi Nuggishoo Doono Yeeri ta tunoon ariyemmo ittoshine.

Isiyaasi 41:8

“Tunebaani ta guuno Israꞌeelo, ta kaacceti Yaaqobo, ta shunechi Abrahami yaroocho,

Yowannisi 11:11

Ebin bi gettitoyee gubb wochinnoon “No shunechi Alazaari tokketetone; tunebaani biin tokketoochee tiijjiya hammaabeeto taane” iye.

Yowannisi 15:15

Guuno bi doono tuniiya gabiton ariyaanoone; ebich ebiyee damba ittoshin guuno getaache. Tunetaa ittoshin ‘Ta shunechinaꞌo’ ito taane; ta Nihoo waanee ta waayeto bullinoo ittoshich getteto taane.

Yibbaatoo 4:38

Ittoshin arooch giijjiree, and ebi ittoshi woraashiti boonoshi showoon ittoshich imoyich, ittoshiyee beshe meetinaꞌonaa giidechinaꞌona tuneti aageteenaꞌon ittoshi aafoochee yookkii kichiye.

Yaaqobi 2:23

Yaafe Macaafo “Abrahami mulloon Yeeri toommooch tooꞌiihe; ebi mullee tooꞌiyoo Yeeri aafoochaa biin cadiqiihe” bi ito ceennitone; biyoo Yeerichi shunecho getteetone.

Yaasi 1:6

“Kupphebe, maac kuxo tunebe. Boonoshi qaabbechinaꞌoyich imma ta wogeti showoon hini asheenaꞌo woraashemmoyich tuniyemmo neene.

Yaasi 23:9

“Doono Yeeri arichetinaꞌonaa giidechinaꞌona tuneti aageteenaꞌon ittoshi aafoochee yookkii kichitone; hanaach beddaahaa koniyoona ittoshin kochii wochoon hakkaanoone.

Yaasi 24:13

Ebina ittoshi aayaani showoonaa ittoshi shuuneyaani katemeenaꞌonon ittoshich immehoye; andoo ebi katemeenaꞌooch beeto ittoshine. Ittoshi bechaani woyinee aafoonaa zayitee michi aafoonon maabeeto ittoshine’ itone.

Yaasi 24:3

Tawoo ittoshi qaabbechi Abrahamin Efiraaxisee bekk beeti showoochee deebaa, Kanaanee showoo bulli daggooch biin yaabiyoye; bi shiijjereenaꞌon meechiyoye; Yisaaqinoo biich immehoye.