2 Kiinoo 20:30 - Kafa Linguistics Project

³⁰ Bi Nuggishoo bi guudoona beetinaꞌo waanee biin bi kashiitoyich, Yoshafaaxichi taatittino diggehe.

2 Kiinoo 20:30 ပူးပေါင်းရင်းမြစ်များ

2 Saameeli 7:1

Taatoo Daawiti bi taatee kexooch bi kotetoyee gubb, wotta Doono Yeeri bi guudoona beeti bi etteenaꞌo waanee biin bi kashiitoyee gubb,

2 Kiinoo 15:15

Yihudee asheenaꞌo bulli ceeni boonoshi mulloona boonoshi wogetoyich, ceeni boonoshi gaboonoo bi waan boonoshi wottetoyich, biyoo boonoshina bi emiritoyich, ebi boonoshi wogeti wogoona emiriyeete. Doono Yeeriyoo boonoshi guudoona beetinaꞌo bulli waanee boonoshin kashiihe.

Iyoobi 11:19

Konichona shataanoon tokkete kashemmo neene; meeti asheenaꞌo qollooch ne waan woyemminaꞌone.

Iyoobi 34:29

Asho tuneba aagetoo, Yeeri cikkii qayigaata, biin ittibatemmo konine? Bi qelloon bi aachigaata, biin beeggemmo konine?

Shoddo 76:8

Shimaayoochaa ne dayinneto waayeyemmoyich tuniihine; showoo shattiye; shashewinoo iye.

Shaahiyoo 16:7

Asho bi shaaddoona Doono Yeerin emirikkiibeeto bi tunegaata, bi etteenaꞌo diggoona biinna tookki boonoshi beeyemmoyich tuniihe.

Shaahiyoo 3:24

Ne tokketaa beegaata, shataachemmo neene; shaawi tokketoon tokketemmo neene.

Leweenaꞌo 26:6

“ ‘Ittoshi showoon diggoo tuniyemmo taane. Amoyichona keqqaanoon tokkete qeyemmo ittoshine. Gonde cooxinaꞌon ittoshi showoochee aalliyemmo taane. Ittoshi showoon koniyoona koyaachemmone.

Sofoniyaasi 3:13

Curo tuneꞌi echeti Israꞌeeleenaꞌo gonde mooyon shuuneyaachemminaꞌone; kootoonoo kootaachemminaꞌone; ashoon dachee yibbaatoo boonoshi heciyoochee keyaachemmone. Cikkii mocoon yaapphiibeeti bagoochoommon keqqaalleenaꞌo tunemminaꞌone; kashe qeyemminaꞌone; amoyichona shataachemminaꞌone” iye.

Yowannisi 14:27

Diggoon ittoshich wojjaabeeto taane; ta diggoon ittoshich immaabeeto taane. Hini ittoshich ta immaabeeti diggoo alemo immii beetoommo toonoone. Ittoshi mullo keqqaaye, shatishoo gettaaye.

Yaasi 23:1

Meeti yemeeno beshetoyee gubb, Doono Yeeri Israꞌeeleenaꞌon boonoshi guudoona beeti etteenaꞌo bulli kishoochee bi kashiitoyee gubb, Yaasi oogeton geenee baayehe.