2 Kiinoo 20:29 - Kafa Linguistics Project

²⁹ Doono Yeeri Israꞌeeleenaꞌochi etteenaꞌon bi koyon waayeti, aageteenaꞌochi taateenaꞌo bulli Yeerin shattiyeete.

2 Kiinoo 20:29 ပူးပေါင်းရင်းမြစ်များ

Halloo 35:5

Aroochee are xaaꞌoon gawukkii hammiyeete. Yeeriyoo boonoshi guudoona beeti katemeenaꞌooch beeti asheenaꞌo bulli toommooch oogeti shaton bi kindiitoyich, Yaaqobinaa bi bushiishoonon yookkii dabbito koniyoona aalloone.

2 Taateenaꞌo 7:6

Ebiyoo Yeeri Sooriyee ginee naayinaꞌo haresheenaꞌonaa gaarinaꞌonochi, wotta meeti ginee naayinaꞌochi qaaroommi qaaroon boonoshi waayemmoyich bi tuniitoyich, boonoshinaa boonoshina, “Israꞌeelee taatoo, noon boonoshi kochemmoyich, Hiteenaꞌonaa Gibitseenaꞌonochi taateenaꞌon gijjoona kemee no toommooch deebitone” iyeete.

2 Kiinoo 14:13

Aasinaa biinna tookkii beeti asheenaꞌona boonoshin Geraara beddaahaa yookkiyeete. Topphiyee asheenaꞌo ciroona boonoshi aallemmi wottoon yexaa dihiyeete. Topphiyee asheenaꞌo Doono Yeerinaa bi ginee naayinaꞌonochi aafooch yexaa boonoshi dihitoyich, Yihudee asheenaꞌo wodde kecoon keccii daammiyeete.

2 Kiinoo 14:14

Geraari katemee guudoona beeti katemeenaꞌo toommooch oogeti keqqoo Doono Yeer waanee bi kinditoyich, katemeenaꞌo bullin aalliiheete. Are katemeenaꞌooch wodde mooyo bi beetoyich keccii daammiyeete.

2 Kiinoo 17:10

Yihudee showee guudoona beeti taateenaꞌo bulli biin boonoshi shattemmoyich Doono Yeeri tuniitoyich, Yoshafaaxina koyeyaaneenaꞌone.

2 Kiinoo 20:28

Ooge ximboona, giishi ximboona, tiroona Yerusaalem beeti, Doono Yeerichi yaafee kexooch qaxiriyeete.

Shoddo 76:8

Shimaayoochaa ne dayinneto waayeyemmoyich tuniihine; showoo shattiye; shashewinoo iye.

Keyo 14:14

Doono Yeeri ittoshi qoodoon koyemmone; ittoshicho cikkiꞌi ciino baachiye” iye.

Keyo 14:25

boonoshi gaarinaꞌochi gengoo guudaachemmoyichoo tuniihe. Gibitseenaꞌo “Doono Yeeri Israꞌeeleenaꞌo qoodoon noonna koyeeniye bi beeto; ebich boonoshi waanee woci wohone” iyeete.

Keyo 23:27

“Neen shixxiibeeti aageteenaꞌo bulli oogichiree taan boonoshi shattemmoyich tuniyemmo taane; boonoshin betiyemmo taane; ne etto bulli gubb kisheree ne waanee woci bi aallemmoyich tuniyemmo taane.

Yaasi 5:1

Ebiyooba Yoordaanoosi aachee beqach, aabi-gimo waan beeti Amooree taateenaꞌonaa baharee gashoona beeti Kanaanee taateenaꞌona bulloshi Israꞌeeleenaꞌo kimmimmi wottoon, Doono Yeeri Yoordaanoosi aacon boonoshich bi shuuꞌiyoon waayeheete. Ebi Israꞌeeleenaꞌochi naboona boonoshi mullo keqqoona goojjii muujjiye.